Gürcüstan Təsviri Sənətlər Muzeyi (gürc. ქართული სახვითი ხელოვნების მუზეუმი) — Gürcüstanın paytaxtı Tbilisi şəhərində, Rustaveli prospektində yerləşən özəl incəsənət muzeyi.[2] Muzeydə Gürcüstanın ən böyük telekommunikasiya şirkəti "MagtiCom"un qurucuları olan Corc (Cia) Coxtaberidze və Manana Şevardnadzenin ailəsinə məxsus sənət əsərləri kolleksiyası nümayiş etdirilir.
| Gürcüstan Təsviri Sənətlər Muzeyi | |
|---|---|
| ქართული სახვითი ხელოვნების მუზეუმი | |
 | |
 | |
 | |
| Əsası qoyulub | 26 sentyabr 2018 |
| Mövzu | incəsənət |
| Ölkə | |
| Yerləşir | Tbilisi |
| Telefon | +995-591-68-00-00[1] |
| 41°41′42″ şm. e. 44°48′07″ ş. u.HGYO | |
| finearts.ge/en | |
 Vikianbarda əlaqəli mediafayllar | |
Corc (Cia) Coxtaberidze və həyat yoldaşı Manana Şevardnadze 1990-cı illərdə sənət əsərləri toplamağa başlamışlar. Uğurlu sahibkarlıq fəaliyyətindən sonra Coxtaberidze şəxsi kolleksiyası üçün sənət əsərləri almağa başlamışdır. Tezliklə o, kolleksiyasının düzgün saxlanılmadan və ictimai sərgilər olmadan dünyaya səpələnəcəyi halda əbədi itirilə biləcəyini anlamışdır. Əsərlərin böyük hissəsi Sovet İttifaqı dövründə yaradılmışdı və buna görə də hələ dünyada geniş tanınmamışdı. Beləliklə, Coxtaberidze gürcü sənətini toplamaq, bərpa etmək və qorumaq ideyası ilə çıxış etmişdir. Əvvəlcə yeni muzey binası tikmək niyyəti yox idi. Kolleksiyaçının planı bütün rəsmləri Gürcüstanın dövlət muzeylərinə ötürmək idi, lakin SSRİ-nin dağılması və sonrakı iqtisadi və vətəndaş qeyri-sabitliyi səbəbindən dövlət muzeyləri ağır vəziyyətə düşdü və bütün əsərləri qəbul edə bilməmişdi.[3]
Gürcüstanın ən böyük telekommunikasiya şirkətinin rəhbəri olan Coxtaberidze, Gürcüstan Təsviri Sənətlər Muzeyi və Sənət Evi olacaq bina kompleksi tikmək qərarına gəlmişdir. Tikinti prosesinə 2013-cü ildə başlanılmış və bu, Gürcüstanda sənət sərgiləri üçün xüsusi olaraq inşa edilən yeganə bina olmuşdur. Muzey rəsmi olaraq 26 sentyabr 2018-ci ildə açılmış, ziyarətçilər üçün isə həmin ilin 2 oktyabr tarixində açılmışdır.[4]
Muzeyin kolleksiyasında son 70 ildə 80-dən çox rəssam tərəfindən yaradılmış 3500-dən çox sənət əsəri, o cümlədən Sergey Paracanovun əsərləri saxlanılır.[4] Onlar muzeyin üçüncü, dördüncü və beşinci mərtəbələrində 31 zalda və 3 pilləkən qəfəsində müasir tələblərə cavab verən işıqlandırma, temperatur və kondisionerlə daimi nümayiş etdirilir. Zallar sahəsi 7000 m²-dir. Muzeyin ekspozisiyası mərtəbələrdə xronoloji ardıcıllıqla düzülüb. Burada həmçinin ayrı-ayrı rəssamların əsərlərindən ibarət xronoloji sərgi təşkil olunub, rəssamın müxtəlif inkişaf dövrlərini əks etdirir.[5]
- ↑ http://www.finearts.ge/ka.
- ↑ "Georgian Fine Arts Museum to Open to Public from October 2". Georgia Today. 2018-09-27. 2019-01-10 tarixində arxivləşdirilib. İstifadə tarixi: 2019-01-11.
- ↑ "They just trusted me - George Jokhtaberidze - Nature". Scribd.com. 2023-03-26 tarixində arxivləşdirilib. İstifadə tarixi: 2019-01-25.
- ↑ 1 2 "GMOFA". Finearts.ge. 2019-03-29 tarixində arxivləşdirilib. İstifadə tarixi: 2019-01-25.
- ↑ "ქართული სახვითი ხელოვნების მუზეუმი". GeorgianMuseums. 11 მარტი, 2023 tarixində arxivləşdirilib. İstifadə tarixi: 11 მარტი, 2023.
Vikianbarda Gürcüstan Təsviri Sənətlər Muzeyi ilə əlaqəli mediafayllar var.- ოფიციალური საიტი