Gülsüm Cingiz (türk. Gülsüm Cengiz; 1949) — Türkiyə şair və yazıçısı.
| Gülsüm Cingiz | |
|---|---|
| türk. Gülsüm Cengiz | |
| Doğum tarixi | |
| Doğum yeri | Sütçülər, İsparta |
| Vətəndaşlığı |
 Türkiyə |
| Milliyyəti | türk |
| Fəaliyyəti | müəllif |
| Əsərlərinin dili | türk |
| İstiqamət | nəsr, nəzm |
| Tanınmış əsəri | "Müharibə sözü Yer üzündən silinsin" (2010) |
| Mükafatları |
"Politika" qəzetinin xüsusi mükafatı (1979) Sıtkı Dost Uşaq Ədəbiyyatı Mükafatı (1990) Türkiyə Naşirlər Birliyi Mükafatı (1990) |
Gülsüm Cingiz 12 iyul 1948-ci ildə İsparta ilinin Sütçülər kəndində anadan olub. İstanbul İbtidai Müəllimlər Məktəbini bitirdikdən sonra müəllimlik karyerasına 1966-cı ildə Balıkəsir şəhərinin mərkəzindəki bir kənddə başlayıb və İstanbulda davam etdirib. 1980-ci ildə vəzifəsindən ayrılıb.[1]
Müxtəlif nəşriyyatlarda redaktor, korrektor, uşaq nəşrləri direktoru və köşə yazarı kimi çalışıb. Radio və televiziya proqramları hazırlayıb təqdim edib. İstanbul Texniki Universitetində (İTU) Türk dili müəllimi kimi çalışıb.[1]
Əskişəhər Osmangazi Universitetinin İncəsənət və Elmlər Fakültəsinin Müqayisəli Ədəbiyyat kafedrasında müəllim kimi fəaliyyətini davam etdirən Gülsüm Cingiz, həmçinin Hayat TV-də "Həyatda Addım-addım" adlı təhsil və mədəniyyət proqramı hazırlayıb təqdim edir və müntəzəm olaraq "Evrensel" qəzetində yazılar yazır.[1]
Gülsüm Cingiz ədəbi dünyaya şeirlə daxil olub, ilk şeirləri "Varlık" jurnalında dərc olunub. O, pyeslər yazıb. Bir çox uşaq və gənclər əsərlərinin müəllifidir.[1]
Gülsüm Çingizin əsərləri və onun bir yazıçı kimi kimliyi haqqında bir neçə tezis və dosye yazılıb. Əskişəhər Osmanqazi Universitetinin İncəsənət və Elmlər Fakültəsinin Müqayisəli Ədəbiyyat Bölümü və Türk Dili və Ədəbiyyatı Bölümü 28-30 aprel 2010-cu il tarixlərində Gülsüm Çingiz Uşaq və Gənclər Ədəbiyyatı Simpoziumunu təşkil edib. Simpozium materialları "Poeziya Küləyində, Nağıl Quşunun Qanadlarında" adlı kitab kimi nəşr olunub. Türkiyənin məşhur rəssamları Zəhra Say və Emel Say ilə dost olublar.[2]
Əsərləri alman, ingilis, rus, azərbaycan və ərəb dillərinə tərcümə olunan müəllif çoxsaylı mükafatlara layiq görülüb.
- ↑ 1 2 3 4 (İngilizce) http://www.biyografya.com/biyografi/13264 (#bare_url_missing_title).
- ↑ Cengiz, 2014. səh. 60-360