Vikipediya ?

Gülşən Əliyeva-Kəngərli

Gülşən Əliyeva-Kəngərli — filologiya elmləri doktoru, professor.Azərbaycan Dövlət Mədəniyyət və İncəsənət Universitetinin Beynəlxalq Əlaqələr və Tərbiyə işləri üzrə Prorektor.

Gülşən Əliyeva-Kəngərli
Gülşən Teymur qızı Əliyeva
Gulşən Əliyeva.jpg
Doğum tarixi 1970(1970-Şablondakı doğum və ya ölüm tarixində texniki yanlışlıq var!-00)
Doğum yeri Naxçıvan
Şərur rayonu Azərbaycan Azərbaycan SSR
Elmi dərəcəsi filologiya üzrə elmlər doktoru
Elmi adı professor
Mükafatları "Tərəqqi" medalı

Mündəricat

Həyatı

Gülşən Teymur qızı Əliyeva 1970-ci ildə Naxçıvan Muxtar Respublikasının Şərur rayonunda anadan olub. 1986-cı ildə Bakı şəhər 6 saylı orta məktəbi, 1993-cü ildə Azərbaycan Dövlət İncəsənət İnstitutunu bitirib. Azərbaycan Milli Elmlər Akademiyasının Tarix muzeyində, Nizami adına Azərbaycan ədəbiyyatı muzeyində işləyib.

2000-ci ildə “Çağdaş Azərbaycan poeziyasında Füzuli ənənələri” mövzusunda namizədlik, 2009-cu ildə “Azərbaycan füzulişünaslığının tarixi inkişaf mərhələləri” adlı doktorluq dissertasiyası müdafiə edib.

2005-ci ildən Yeni Azərbaycan Partiyasının üzvüdür.

Təltif və mükafatları

2005-ci ildən tənqidçi və ədəbiyyatşünas kimi Azərbaycan Yazıçılar Birliyinin üzvüdür. 2003-cü ildə “Füzuli sehri” kitabına görə “Yaddaş” milli mükafatına, “Heydər Əliyev irsinin tədqiq və təbliğinə görə” mükafata 2013-cü ildə “Tərəqqi” medalna, 2014-cü ildə Ədəbiyyatşünaslıq sahəsində xidmətlərinə görə Cəfər Cabbarlı mükafatına layiq görülüb.

Fəaliyyəti

G.Əliyeva-Kəngərli 2005-2012-ci illərdə Azərbaycan Dövlət Mədəniyyət və İncəsənət Universitetinin “Ədəbiyyat və Azərbaycan dili” kafedrasının müdiri, 2012-ci ildən “Tərbiyə işləri üzrə” , 2015-ci ildən isə “Beynəlxalq əlaqələr və tərbiyə işləri üzrə” prorektorudur.

2002-2014 cü illərdə Azərbaycan Milli Elmlər Akademiyasının Mərkəzi Elmi Kitabxanasında “Heydər Əliyev irsinin təbliği” şöbəsinə rəhbərlik edib.

Türkiyədə, İran və Orta Asiyada müxtəlif konfrans və simpoziumlarda elmi məruzələrlə çıxış edib. O, “Çağdaş poeziya və klassik irs” (2000), “Poetika məsələləri”(2002), “Füzuli sehri” (2003), “Azərbaycan füzulişünaslığı” (2007), “Füzuli irsinin əruz kanonları üzrə tədrisi”, “Физуливедение: история и теория” (2008), “Azərbaycan ədəbiyyatından mühazirə mətnləri” (dərslik 2014) kimi kitab və monoqrafiyaların, İranda, Türkiyədə və Özbəkistanda çap olunmuş kitabların və 200-dən artıq elmi-nəzəri məqalənin müəllifidir. Bu monoqrafiya və məqalələr müasir füzulişünaslığın və nəzəri poetikanın aktual problemlərini əks etdirir. Sufizm mövzulu fundamental tədqiqatların müəlifidir.

Onun elmi axtarışlarının başlıca istiqamətini füzulişünaslıq müəyyən edir. Tarixlə nəzəriyyənin vəhdəti onun “Ədəbiyyatşünaslıqda Füzuli fenomeni” (2009), “Bədii düşüncə: tarixi gerçəklik və estetik ideal” (2011) əsərlərində əksini tapmış elmi üslubunu müəyyənləşdirir. O, elmi nəzəri tədqiqatlarını pedaqoji fəaliyyətlə sıx əlaqələndirir. Azərbaycan Dövlət Mədəniyyət və İncəsənət Universitetində “Azərbaycan ədəbiyyat tarixi”, “Poetika”, “Füzuli poetikası”, “Əruz vəzni” kimi ciddi fənlərdən mühazirələr oxuyur. İntensiv tərzdə elmi və pedaqoji işin təşkili ilə məşğul olur. “Poetika məsələləri”, “Azərbaycan folklorunun nəşr tarixi”, “Mətnşünaslıq” “Dramın poetikası” “Azərbaycan ədəbiyyat tarixi”, “Uşaq ədəbiyyatı” elmi metodiki vəsaitlərin və fənn proqramlarının müəlifidir. O, Azərbaycan Dövlət Mədəniyyət və İncəsənət Universitetinin, Azərbaycan Milli Elmlər Akademiyası Hüseyn Cavidin ev muzeyinin elmi şurasının, Azərbaycan Milli Elmlər Akademiyası Nizami adına Ədəbiyyat İnstitutunun nəzdində Dissertasiya Şurasının, Azərbaycan Milli Elmlər Akademiyasının Mərkəzi Elmi Kitabxanasında Əlaqələndirmə Şurasının üzvüdür.

G.Əliyeva-Kəngərlinin alim və ziyalı kimi fəaliyyətinin əsasında Azərbaycançılıq ideologiyasının prinsipləri və milli dövlətçilik mənafeləri dayanır.

İstinadlar

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019