Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin
Göyərçın pozası - müasir yoqada icra edilən dizüstü qamət bükülməsi asanasıdır.Bu pozanın əsasını Birayaqlı Kral Göyərçin pozası (Rajakapotasana) təşkil edir və ondan törəyən müxtəlif variantlar da bəzən ümumilikdə "Göyərçin" adı ilə tanınır.
| Göyərçin pozası | |
|---|---|
| ing. Kapotasana | |
 |
Kapotasana termini Sanskrit dilindən götürülmüşdür.Burada kapota (göyərçin) və asana (poz,oturuş və ya qamət) mənalarını ifadə edir.Buna görə də Kapotasana sözbəsöz "Göyərçin pozası" deməkdir.
Kapotasana adı müxtəlif mənbələrdə fərqli pozalara şamil olmuşdur.XIX əsrə aid Sritattvanidhi mətnində bu ad altında dayanıqlı (ayaqüstü) bir poza təsvir edilmişdir.[1]Müasir dövrdə isə tanınmış yoqa müəllimi B.K.S İyenqar XX əsrdə yazdığı "Light on Yoga (1966)" əsərində Kapotasananı diz üstə yerinə yetirilən arxaya əyilmə pozası kimi təsvir etmişdir.
Bəzi asanalar Kral Göyərçin pozası (Rajakapotasana) əsasında formalaşmışdır və ümumi şəkildə "Göyərçin (Piegon)" adı ilə tanınır.[2]Məsələn,"Yoga Journal" mənbəsində Eka Pada Rajakapotasana - Bir ayaqlı kral göyərçin pozası üzərində qurulmuş uzanaraq (prone) yerinə yetirilən variant xüsusi olaraq "Pigeon" adlandırılır.
Göyərçin pozası,Aştanqa yoqa ənənəsinə aid mürəkkəb asanalardan biridir.Çakrasana (Təkər pozası) ilə oxşarlıq göstərir.[3]Bu vəziyyətdə baldırlar və ön qollar yerə söykənir,ön bədən isə arxaya və yuxarıya doğru uzadılır.Pozaya dizlərin üzərində arxaya əyilməklə daxil olunur və başın yerə çatdırılması üçün yüksək elastiklik tələb olunur.
Faydaları və təsirləri:
- Sinə qəfəsini açır,nəfəs yollarını genişləndirir.
- Arxa əzələlərini və qasıqları möhkəmləndirir.
- Oynaqları elastikləşdirir,xüsusilə omba oynaqlarının açılmasına kömək edir.
- Bud və qasıq nahiyəsini gərir,belin elastikliyini artırır.
Bu asana həm dərin arxa əyilmə,həm də ombaların açılması üçün ən təsirli pozalardan biri hesab olunur.
İyenqar Yoqa məktəbində "Göyərçin pozası"nın icrası Supta Virasana (Uzanmış Qəhrəman pozası) vəziyyətindən başlanır.İcranın mərhələləri aşağıdakı kimidir:
1.Əvvəlcə Supta Virasana vəziyyətində uzanılır.
2.Daha sonra qollar dirsəklərdən bükülür və başın yanına yerləşdirilir.
3.Nəfəs buraxaraq əllərlə yerdən güc alınır,bud və gövdə yuxarıya qaldırılır.
4.Başın arxa hissəsi yüngülcə yerə qoyulur.
5.Gövdə daha da yuxarı qaldırıldıqca əllər tədricən ayaqlara döğru irəlilədilir.
Bu metod,həm arxaya əyilməni dərinləşdirmək,həm də sinə qəfəsini tam açmaq üçün tətbiq olunur və İyenqar Yoqa ənənəsində pozanın icrasına xüsusi yanaşmanı göstərir.
- ↑ https://web.archive.org/web/20110408185034/http://www.ashtangayoga.info/practice/asana-vinyasa-series/intermediate-series-nadi-shodhana/item/kapotasana-a/ (#bare_url_missing_title).
- ↑ https://books.google.az/books?id=-zzRvh1fRzEC&pg=PA18&redir_esc=y (#bare_url_missing_title).
- ↑ https://www.yogajournal.com/practice/pigeon-pose (#bare_url_missing_title).