Göksəl Göksu (türk. Göksel Göksu; 1961, İstanbul) — Türk jurnalist və feministi.
| Göksəl Göksu | |
|---|---|
 | |
| Doğum tarixi | 1961 |
| Doğum yeri | |
| Təhsili | |
| Fəaliyyəti | jurnalist |
 Vikianbarda əlaqəli mediafayllar | |
1998-ci ildən CNN Türk-də televiziya müxbiri olaraq çalışan Göksu, "Cənub-Şərqin itmiş uşaqları" sənədli filmi, "Silahın ucundakı qadınlar" xəbər serialı, "Hizbullahın dünəni və bu günü", "Ölüm yolunda yezidilər" başlıqlı xəbərləri ilə jurnalistika və televiziya sahəsində bir çox beynəlxalq mükafat laureatı olmuşdur.[1][2][3]
O, Türkiyə Jurnalistlər Cəmiyyəti idarə heyətinin üzvü[4] və Qadınlar Komissiyasının koordinatorudur.
Göksəl Göksu 1961-ci ildə İstanbulda anadan olub. İstanbul Universiteti Mühəndislik fakültəsinin Geologiya mühəndisliyi sahəsini bitirib.
Öncə Radikal qəzetində müxbir, sonra isə "Rüstəm Batumla 360 dərəcə" verilişində prodüser kimi çalışıb. O, özəl prodüser şirkətində qısametrajlı sənədli filmlər də hazırlayıb.
1999-cu ildən CNN Türk-də televiziya müxbiri kimi çalışan Göksu[5] İstanbulda baş verə biləcək zəlzələrdən qorunmaq üçün hərbi hazırlıqlarından bəhs edən "Zəlzələ batalyonları", 1990-cı illərdə boşaldılan kəndlərdə yaşayanların qayıdışından bəhs edən "Kəndə dönüş" Rəcəb Tayyib Ərdoğanın uşaqlığından baş nazirliyə qədərki dövrdən və Ədalət və İnkişaf Partiyasının yaranmasından bəhs edən "Təkbaşına iqtidar", cinsi istismara məruz qalan uşaqlarla müsahibələrdən ibarət "Səssiz qaranlıq" adlı sənədli filmləri hazırlamışdır.
"İranda qadın", "Silahın ucundakı qadınlar", "Bağır, qonşuların eşitsin", "Biz də qadın hüquqlarını istəyirik" sənədli filmləri zorakılığa məruz qalmış qadınların və iranlı qadınların hekayələrindən bəhs edir.
Göksu 2006-cı ildə CNN Türk-də yayımlanan "Cənub-Şərqin itmiş uşaqları" xəbər serialında Cənub-Şərq bölgəsində qaçırılan və cinayətə sürüklənən uşaqların hekayələrini işıqlandırdı və bu proqrama görə Kəmal Soğukdre ilə birlikdə Sədat Səmavi Televiziya mükafatının xəbər kateqoriyasında laureat oldu.[6]
Qadınlara qarşı zorakılıq mövzusundakı "Silahın ucundakı qadınlar" adlı xəbər serialı 6-8 dekabr 2010-cu il tarixləri arasında yayımlanıb. Bu xəbər serialı Türkiyə Jurnalistlər Cəmiyyəti tərəfindən verilən Jurnalistikada Müvəffəqiyyət mükafatına layiq görülüb.
"Hizbullahın dünəni və bu günü" adlı sənədli filmi 17-22 yanvar 2011-ci il tarixlərində yayımlanıb. Göksu bu xəbərlə Vizual Xəbər kateqoriyasında Mətin Göktəpə Jurnalistika mükafatına layiq görülüb.[7]
2014-cü ildə İŞİD təşkilatından qaçarkən yezidilərin yaşadıqları ağır həyat şərtini "Yezidilər ölüm yolunda" xəbəri ilə ekranlaşdıran Göksu bu xəbərlə Müasir Jurnalistlər Dərnəyi tərəfindən verilən Mahmud Tali Öngörən Televiziya Proqramı mükafatına layiq görülüb.[8]
O, 2016-cı ildə Ünsiyyət Araşdırmaları Dərnəyi tərəfindən "İnsan hüquqlarını pozan bütün aktual hadisələrlə bağlı həssas işinə, irq, cinsi, dil və etnik mənsubiyyətinə, jurnalistikasına hörmət edən dəyərlərinə görə ayrı-seçkilik etmədən həqiqəti təbliğ edən və araşdıran reportyor kimliyinə" görə Hifzi Onur Ünsiyyət Fəxri mükafatına layiq görülüb.
O, Türkiyə Jurnalistlər Cəmiyyəti İdarə Heyətinin üzvü[4] və Qadın Komissiyasının koordinatoru kimi fəaliyyət göstərir.
- 2006-ci ildə Sədat Səmavi Televiziya mükafatına layiq görülüb.
- 2010-cu ildə Jurnalistikada Müvəffəqiyyət mükafatına layiq görülüb.
- 2011-ci ildə Mətin Göktəpə Jurnalistika mükafatına layiq görülüb.
- 2013-cü ildə Türk Universiteti Qadınlar Dərnəyinin Lider Qadın mükafatına layiq görülüb.
- 2014-cü ildə Mahmud Tali Öngörən Televiziya Proqramı mükafatına layiq görülüb.
- 2014-cü ildə Müasir Jurnalistlər Birliyinin "Televiziya proqramı" mükafatına layiq görülüb.
- 2016-cı ildə Hifzi Onur Ünsiyyət Fəxri mükafatına layiq görülüb.
- ↑ Tahaoğlu, Çiçek. "İLAD Ödülleri Göksu, Yur ve Cangöz'e". 20 Aralık 2016 tarixində arxivləşdirilib. İstifadə tarixi: 8 Aralık 2016.
- ↑ "BBC Türkçe'ye Kobani haberleri için ÇGD ödülü". www.bbc.com/. BBC.com sitesi 16 Mart 2015. 20 Aralık 2016 tarixində arxivləşdirilib.
- ↑ "TGC yılın haber ödülü 'Canlı Bomba' haberiyle BirGün'den Can Uğur'a layık görüldü". www.birgun.net. Birgün gazetesi, 24 Mart 2016. 20 Aralık 2016 tarixində arxivləşdirilib.
- ↑ 1 2 "Yönetim". www.tgc.org.tr/. Türkiye Gazeteciler Cemiyeti web sitesi. 10 Haziran 2016 tarixində arxivləşdirilib.
- ↑ "Göksel Göksu". CNN Türk (Türkçe). cnnturk.com. 20 Aralık 2016 tarixində arxivləşdirilib.
- ↑ "Simavi Gazetecilik Ödülü Ercan Akyol'un". www.hurriyet.com.tr/. Hürriyet gazetesi 29 Kasım 2006. 20 Aralık 2016 tarixində arxivləşdirilib.
- ↑ "14. Metin Göktepe Gazetecilik Ödülleri'ni almaya hak kazanan gazeteciler açıklandı". www.gazeteciler.com. Gazeteciler.com sitesi 28 Mart 2011. 20 Aralık 2016 tarixində arxivləşdirilib.
- ↑ "ÇGD 2014 Yılının Başarılı Gazetecileri Ödül Töreni". www.cgd.org.tr/i. Çağdaş Gazeteciler Derneği web sitesi 15 Mart 2015. 20 Aralık 2016 tarixində arxivləşdirilib.