Fyokla İqnatevna Bezzubova (1880—1966) — erzyan əsilli xalq hekayəçisi.
| Fyokla Bezzubova | |
|---|---|
 | |
| Doğum tarixi | 27 sentyabr 1880 |
| Doğum yeri |
|
| Vəfat tarixi | 12 may 1966 (85 yaşında) |
| Vəfat yeri | |
| Fəaliyyəti | hekayəçi[d], traditional folk singer[d] |
| Mükafatları |
   |
 Vikianbarda əlaqəli mediafayllar | |
27 sentyabr 1880-ci ildə Od Murza kəndində (hazır ki — Yeni Turdaki kəndi, Koçkurovski rayonu, Mordoviya) anadan olmuşdur. Milliyyətcə erzyan idi.
Fyokla Bezzubova böyük bir kəndli ailəsində böyümüşdür. Bu səbəbdən məktəb təhsili almamışdır. Çünki uşaqlığı evdə və sahədəki valideynlərə kömək etməkdə keçmişdir. Mahnılara olan məhəbbəti nənəsi Evdokia İvanovna Zverkova aşılamışdır.
Fyokla Bezzubova 1901-ci ildə İlya Konstantinoviç Bessubova ilə ailə həyatı qurmuşdur. Həyat yoldaşı qonşu Semiley kəndindəndir. 1902-ci ildə onların Qriqori adlı oğlu doğulur. Ancaq uşaq altı aylığında vəfat edir. 1905-ci ildə onların ikinci oğlu Qeorqi, 1914-ci ildə isə üçüncü övladları Vasili doğulur. Birinci Dünya müharibəsi zamanı Fyokla Bezzubovanın əri cəbhəyə yollanır. 1918-ci ildə həyat yoldaşı cəbhədən geri qayıtdıqdan sonra əri və uşaqları ilə birlikdə Sibirdə xoşbəxtlik axtarmaq üçün yollanır. Lakin əkinçilik işləri onların aclıqdan xilas olmalarına imkan vermir. Bu səbəbdən tezliklə Semiliyə qayıdırlar. 1923-ci ildə Bezzubovnın bir Lbov adlı qızı doğulur. 1930-cu ildən Fyokla Bezzubova N. K. Krupskaya adına kolxozda işləməyə başlayır. Bezzubovanın hekayə demək istedadı Mordoviya Milli Araşdırma İnstitutunun 1936-cı il ekpedisiyasının iştirakçıları tərəfindən yüksək qiymətləndirildi. Ekspedisiyanın üzvləri folklor əsərlərini, o cümlədən öz nağılları qeyd etdilər. O vaxtdan etibarən onun dedikləri qəzet və jurnallarda çap olunmağa başladı. 1939-cu ildə Fyokla Bezzubova Saranska köçür. Eyni ildə, "Narodnoy Morot" (Xalq mahnıları) adlı əsər kolleksiyası nəşr olunmuşdur. 1947-ci ildə Ribkin seçki dairəsindən Mordoviya Muxtar Sovet Sosialist Respublikasının Ali Sovetinə deputat seçilir. Fyokla Bezzubova 12 may 1966-cı ildə Saranskda vəfat etmişdir.
- "Qırmızı əmək bayrağı" ordeni (31.01.1939)
- "Şərəf nişanı" ordeni (1950)
- "1941-1945-ci illər Böyük Vətən müharibəsində rəşadətli əməyə görə" medalı (1947)
Fyokla Bezzubova 1938-ci ildən SSRİ Yazıçılar İttifaqının üzvü olmuşdur.
1940-cı ildə 60 illiyi münasibətilə ona Mordoviya Mustar Sovet Sosialist Xalq müğənnisi adı verilmişdir.
- Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 762. — 840 с. — ISBN 5-7595-1662-0.