Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinFuturama — Mett Qreyninqin Fox televiziyası üçün yaratdığı elmi fantastik, sitkom cizgi serialı. Serialın baş qəhrəmanı Filip C. Fray pizza sifarişini çatdırarkən ehtiyatsızlıqdan dondurucu cihazın içərisinə düşür, nəticədə 1000 il müddətində donmuş vəziyətdə qalır. Fray diriləndə planetlərarası çatdırılma şirkətində işə düzəlir, burada o, yadplanetli Lila və robot Bender ilə birlikdə işləyir. Qreyninq serialı yaratmağı 1990-cı illərdə "Simpsonlar" serialı üzərində işləyərkən düşündü, o personajları və hekayəni qurmaq üçün həmkarı Devid X. Koen ilə birlikdə çalışdı.[5]
| Futurama | |
|---|---|
| ing. Futurama[1] | |
 | |
| Rolları səsləndirənlər | Billi Vest[d][2], Con Di Macio[2], Fil LaMarr[2], Tom Kenni[2], Bob Odenkerk[d][2], Pamela Anderson[2], Siqurni Uiver[2], Leonard Nimoy[2], Lucy Liu[2], Stiven Hokinq[2], Corc Takei[2], Klaudia Şiffer[2], Con Qudmen[2], Mark Mazersbo[d][2], Coolio[2], Oldrin Bazz[2], Petton Osvalt[d][2], Patrik Stüart[2], Emiliya Klark[2], Set Makfarleyn[2] |
| Studiya | Fox Broadcasting Company |
| Ölkə | |
| Dil | ingilis dili |
| Mövsümlərin sayı | 10 |
| Seriyaların sayı | 170 |
| Seriyanın müddəti | 22 dəq |
| Telekanal | Fox Broadcasting Company, Comedy Central, Hulu[d][3][4] |
| IMDb | ID0149460 |
| Rəsmi saytı | |
Fox serialı yayımlamaqdan imtina etdikdən sonra, "Futurama" 2003–2007-ci illər arasında Adult Swim-də yayımlandı. Sonralar Comedy Central, 20th Century ilə müqavilə bağlayaraq yeni mövsümü nümayiş etməyə başladı.[6][7]
Sonuncu epizodu 2013-cü ildə yayımlanan "Futurama" 10 ildən sonra yeni mövsümlə ekranlara qayıtdı. Serialın səkkizinci mövsümü 2023-cü ilin iyulunda Hulu-da buraxılmağa başlandı.
"Futurama" yayımladığı dövrlərdə geniş müvəffəqiyət qazandı, 17 "Enni" mükafatı nominasiyasından doqquzunu, 12 "Emmi" mükafatından isə altısını qazandı. Serial 2013-cü ildə TV Guide tərəfindən tərtib edilmiş "Bütün zamanların ən möhtəşəm 60 cizgi serialı" siyahısında yer tutdu.[8]
Serial pizza kuryeri olan Frayın təsadüfən 1 yanvar 2000-ci il saat 00:00-da dondurulub, 1 yanvar 3000-cü ildə oyanması ilə başlayır.
- Filip C. Fray — Təmiz qəlbli, uşaq kimi olan pizza kuryeri. 2000-ci ildə ehtiyatsızlıqdan dondurucu cihaza düşüb 2999-cu ilin Yeni il ərəfəsində oyanır. Yaşayan yeganə qohumu olan professor Farnsvortun "Planet Eskpress" adlı çatdırılma şirkətində işə düzəlir.
- Turanqa Lila — Tək gözlü və mötəbər "Planet Ekspress Gəmisi"nin kapitanı.
- Bender Bendinq Rodrigez — Söyüşçül, əyyaş, siqaret çəkən, kleptomaniyak, insansevməz, eqoist və xoşagəlməz robot. Frayın ən yaxşı dostudur və onunla birlikdə yaşayır.
- Professor Hübert C. Farnsvort — Frayın uzaq qardaşoğlu və nəticəsi. "Planet Ekspress" şirkətininin təsisçisi, dəli alim kimi bilinir. O parlaq zəkası ilə müxtəlif ixtiralara imza atıb. Professor "A Clone of My Own" seriyasında davamçı yaratmaq üçün özünü klonlayaraq Kübert Farnsvörtü yaradır.
- Dr. Con A. Zoydberq — Dekapod 10 planetindən gələn və "Planet Ekspress Gəmisi"də işləyən xərçəngə bənzər yadplanetli həkim. Özünü peşəkar həkim hesab etməsinə baxmayaraq insan anatomiyasından heç bir məlumatı yoxdur. Evsiz və imkansız olduğuna görə şirkətin yaxınlığındakı zibilxanada yaşayır.
- Emi Vonq — Çox varlı, həyasız və "Planet Ekspress Gəmisi"ndə uzun müddət təcrübə keçən praktikant. O Mars Universitetində astrofizika tələbəsidir. Marsda anadan olub və milliyətçə çinlidir, kantonca söyüş söyür və 31-ci əsr jarqonlarından istifadə edir.
- Hermes Konrad — "Planet Ekspress Gəmisi"nin buxalteri. Milliyətcə yamaykalıdır.
- ↑ Blanc J. AlloCiné (fr.). 1993.
- ↑ 1 2 3 4 5 6 7 8 9 10 11 12 13 14 15 16 17 18 19 20 Česko-Slovenská filmová databáze (çeş.). 2001.
- ↑ https://variety.com/2023/tv/news/futurama-revival-hulu-premiere-date-1235616847/.
- ↑ https://press.hulu.com/shows/futurama/.
- ↑ Seibold, Witney. "How Futurama Found The Right Balance Of Comedy And Sci-Fi". /Film. 8 iyul 2022. 2 fevral 2023 tarixində arxivləşdirilib. İstifadə tarixi: 2 fevral 2023.
- ↑ Topel, Fred. "Groening's Bargain to Yield Four Futurama Movies". Reuters. 28 yanvar 2007. 16 aprel 2008 tarixində orijinalından arxivləşdirilib. İstifadə tarixi: 3 iyun 2008.
- ↑ Wallenstein, Andrew. ""Futurama" gets new life on Comedy Central". Reuters. 22 iyun 2006. 6 noyabr 2006 tarixində orijinalından arxivləşdirilib. İstifadə tarixi: 3 iyun 2008.
- ↑ Sands, Rich. "TV Guide Magazine's 60 Greatest Cartoons of All Time". TVGuide.com. 24 sentyabr 2013. 10 iyul 2018 tarixində arxivləşdirilib. İstifadə tarixi: 14 iyul 2014.
- Futurama — Internet Movie Database saytında