Futbol xuliqanlığı — futbol tədbirlərində tamaşaçılar tərəfindən törədilən zorakılıq və digər destruktiv davranışlar.[1] Futbol xuliqanlığı adətən rəqib komandanın tərəfdarlarına hədə-qorxu gəlmək və ya hücum etmək üçün yaradılmış qeyri-rəsmi qruplar arasındakı qarşıdurmalar ilə xarakterizə olunur.[2] Bəzi klubların arasında uzun müddətdir davam edən rəqabət mövcuddur və belə klubların qarşılaşdığı matçlardakı qarşıdurmalar daha şiddətli ola bilir. Belə münaqişələr matçdan əvvəl, matç vaxtı, matçdan sonra və bəzən matçdan kənar yaşana bilər. İştirakçılar çox vaxt polis tərəfindən tutulmamaq üçün stadiondan kənar ərazi seçsə də, bu cür qarşıdurmalar stadion daxilində və ya ətraf küçələrdə də kortəbii şəkildə başlaya bilər. Futbol xuliqanlığının ən ekstrim halları polis, xuliqanlar və ya ətrafdakı digər insanların ölümü ilə nəticələnmişdir.
- ↑ "What is football hooliganism?". BBC News. 6 October 2018 tarixində arxivləşdirilib. İstifadə tarixi: 12 May 2015.
- ↑ "Another sorry outbreak of the English disease". The Independent. 2004-06-17. 30 September 2007 tarixində orijinalından arxivləşdirilib. İstifadə tarixi: 9 September 2017.
