Fuad Lətifov (tam adı:Lətifov Fuad Seyfəddin oğlu) — fizika-riyaziyyat elmləri doktoru, professor
| Fuad Lətifov | |
|---|---|
| Fuad Seyfəddin oğlu Lətifov | |
| Doğum tarixi | |
| Doğum yeri | Azərbaycan, İsmayıllı |
| Vəfat tarixi | |
| Vəfat yeri | Bakı şəhəri |
| Dəfn yeri | Bakı |
| Vətəndaşlığı |
 Azərbaycan |
| Milliyyəti | Azərbaycanlı |
| Elm sahəsi | fizika-riyaziyyat |
| Elmi dərəcəsi | fizika-riyaziyyat elmləri doktoru |
| Elmi adı | professor |
| İş yerləri | Azərbaycan Memarlıq və İnşaat Universiteti |
Fuad Lətifov 1955-ci ildə İsmayıllı şəhərində doğulub. 1961–1972-ci illərdə İsmayıllı şəhər 2 saylı orta məktəbdə təhsil alıb, sonra da indiki Bakı Dövlət Universitetinin mexanika-riyaziyyat fakültəsinə daxil olub.
1977-ci ildə ali təhsilini başa vurub təyinatla Təbii qazın nəqlə hazırlanması və nəqli üzrə Ümumittifaq Elmi Tədqiqat Layihə İnstitutunda işə başlayıb. 1984-cü ildən 2010-cu ilədək AMEA-nın Riyaziyyat və Mexanika İnstitutunun nəzdindəki xüsusi konstruktor bürosunda əvvəlcə baş konstruktor, sonra da baş elmi işçi vəzifələrində çalışıb.
1983-cü ildə namizədlik, 2003-cü ildə doktorluq dissertasiyasını müdafiə edib.[1]
2012-ci ilin sentyabrından AzMİU-nun Ali riyaziyyat kafedrasının müdiri vəzifəsində işləyib. Kafedranın tədris proqramlarının, dərslik və dərs vəsaitlərinin hazırlanmasında mühüm işlər görüb, bir çox elmi konfransların keçirilməsinin təşkilatçısı və təşəbbüskarı olub.
18 iyul 2024-cü ildə Bakı şəhərində vəfat edib.[2]
- ↑ AzMİU-nun professoru vəfat edib
- ↑ "Azərbaycanda kafedra müdiri vəfat edib". 2024-07-18 tarixində arxivləşdirilib. İstifadə tarixi: 2024-07-19.