Fuad Murtuz oğlu Ələsgərov (14 may 1959, Bakı) — Azərbaycan hüquqşünası və ictimai-siyasi xadimi, Azərbaycan Respublikası Prezidentinin köməkçisi (2017-ci ildən) və Azərbaycan Respublikası Prezidentinin Administrasiyasının Hüquq-mühafizə orqanları ilə iş şöbəsinin müdiri (1998–2017, 2019-cu ildən), Administrasiyanın Hüquq-mühafizə orqanları ilə iş və hərbi məsələlər şöbəsinin müdiri (2017–2019), 1-ci dərəcəli dövlət müşaviri.
| Fuad Ələsgərov | |
|---|---|
Vəzifədədir | |
| 31 may 2017-ci ildən | |
| Prezident | İlham Əliyev |
  | |
Vəzifədədir | |
| 29 noyabr 2019-cu ildən | |
| Prezident | İlham Əliyev |
| 25 aprel 1998 – 30 may 2017 | |
| Prezident | Heydər Əliyev İlham Əliyev |
| |
| 31 may 2017 – 29 noyabr 2019 | |
| Prezident | İlham Əliyev |
| Əvvəlki | özü (Hüquq-mühafizə orqanları ilə iş şöbəsinin müdiri kimi) Vahid Əliyev (Prezidentin müdafiə məsələləri üzrə köməkçisi kimi) |
| Sonrakı | özü (Hüquq-mühafizə orqanları ilə iş şöbəsinin müdiri kimi) Məhərrəm Əliyev (Hərbi məsələlər şöbəsinin müdiri kimi) |
| |
| 22 avqust 1994 – 25 aprel 1998 | |
| Prezident | Heydər Əliyev |
| 29 avqust 1990 – 22 avqust 1994 | |
| Şəxsi məlumatlar | |
| Doğum tarixi | 14 may 1959 (66 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi |
| Atası | Murtuz Ələsgərov |
| Təltifləri |
  |
Fuad Murtuz oğlu Ələsgərov 1959-cu il mayın 14-də Bakı şəhərində anadan olmuşdur. 1981-ci ildə Azərbaycan Dövlət Universitetininin hüquq fakültəsini bitirmişdir.[1]
1981–1984-cü illərdə Azərbaycan SSR Ədliyyə Nazirliyinin Notariat və Vətəndaşlıq Vəziyyəti Aktlarının Qeydiyyatı İdarəsində məsləhətçi, 1984-cü ildə Azərbaycan Respublikası Ədliyyə Nazirliyinin Məhkəmə orqanları idarəsində məsləhətçi, 1984–1987-ci illərdə Ədliyyə Nazirliyinin Nəzarət və İcranın Yoxlanılması İdarəsində baş məsləhətçi, 1987–1990-cı illərdə Bakı Şəhər Suraxanı Rayon Xalq Məhkəməsində xalq hakimi, 1990–1994-cü illərdə isə Azərbaycan Respublikası Ali Məhkəməsinin üzvü olmuşdur.[1]
Fuad Ələsgərov 1994–1998-ci illərdə isə Azərbaycan Respublikası Prezidentinin İcra Aparatının Dövlət-hüquq şöbəsinin müdiri, 1998–2017-ci illərdə Azərbaycan Respublikası Prezidentinin Administrasiyasının Hüquq mühafizə orqanları ilə iş şöbəsinin müdiri vəzifəsində çalışmışdır. 31 may 2017-ci ildə Azərbaycan Respublikası Prezidentinin hüquq mühafizə orqanları ilə iş və hərbi məsələlər üzrə köməkçisi — şöbə müdiri[2], 29 noyabr 2019-cu ildə isə Azərbaycan Respublikası Prezidentinin köməkçisi, eyni zamanda yenidən Azərbaycan Respublikası Prezidentinin Administrasiyasının Hüquq mühafizə orqanları ilə iş şöbəsinin müdiri təyin edilmişdir.[3]
Azərbaycan Respublikası Prezidentinin 2004-cü il 21 aprel tarixli Sərəncamı ilə Azərbaycan Respublikasının Korrupsiyaya qarşı mübarizə üzrə Komissiyasının üzvü təyin edilmişdir.[4] Azərbaycan Respublikası Prezidentinin 2005-ci il 14 fevral tarixli Sərəncamı ilə Məhkəmə-Hüquq Şurasının üzvü təyin edilmişdir.[5]
Azərbaycan Respublikasının Prezidenti yanında Əfv Məsələləri Komissiyası və Azərbaycan Respublikasının Prezidenti yanında Vətəndaşlıq Məsələləri Komissiyasının üzvüdür.[6][7]
Azərbaycan Respublikasında qanunvericiliyin inkişafındakı xidmətlərinə görə Azərbaycan Respublikası Prezidentinin 2010-cu il 22 iyun tarixli Sərəncamı ilə Fuad Ələsgərova "Əməkdar hüquqşünas" fəxri adı verilmişdir.[8] 13 may 2019-cu ildə "Şöhrət" ordeni ilə təltif edilmişdir.[9] Fuad Ələsgərova 10 avqust 2004-cü ildə inzibati vəzifələrin ikinci təsnifatı üzrə 1-ci dərəcə dövlət müşaviri ixtisas dərəcəsi verilmişdir.[10]
Hüquq elmləri doktoru, professor, Azərbaycan Respublikasının əməkdar hüquqşünası Murtuz Ələsgərovun oğludur.
- ↑ 1 2 "Ələsgərov Fuad Murtuz oğlu". president.az. 2014. 2015-04-22 tarixində orijinalından arxivləşdirilib. İstifadə tarixi: 2015-05-27.
- ↑ "F.M.Ələsgərovun Azərbaycan Respublikası Prezidentinin hüquq mühafizə orqanları ilə iş və hərbi məsələlər üzrə köməkçisi - şöbə müdiri təyin edilməsi haqqında Azərbaycan Respublikası Prezidentinin Sərəncamı". İstifadə tarixi: 2025-08-02.
- ↑ "F.M.Ələsgərovun Azərbaycan Respublikası Prezidentinin köməkçisi − Azərbaycan Respublikası Prezidentinin Administrasiyasının Hüquq mühafizə orqanları ilə iş şöbəsinin müdiri təyin edilməsi haqqında Azərbaycan Respublikası Prezidentinin Sərəncamı". İstifadə tarixi: 2025-08-02.
- ↑ "Azərbaycan Respublikasının Korrupsiyaya qarşı mübarizə üzrə Komissiyasının üzvlərinin təyin edilməsi haqqında Azərbaycan Respublikası Prezidentinin Sərəncamı". 2020-06-29 tarixində arxivləşdirilib. İstifadə tarixi: 2018-02-28.
- ↑ "F.M.Ələsgərovun Məhkəmə-Hüquq Şurasının üzvü təyin edilməsi haqqında Azərbaycan Respublikası Prezidentinin Sərəncamı". 2023-07-20 tarixində arxivləşdirilib. İstifadə tarixi: 2018-02-28.
- ↑ "Azərbaycan Respublikasının Prezidenti yanında Vətəndaşlıq Məsələləri Komissiyasının yaradılması haqqında Azərbaycan Respublikası Prezidentinin Sərəncamı". 2019-10-29 tarixində arxivləşdirilib. İstifadə tarixi: 2018-02-28.
- ↑ "Azərbaycan Respublikasının Prezidenti yanında Əfv Məsələləri Komissiyasının yeni tərkibinin təsdiq edilməsi haqqında Azərbaycan Respublikası Prezidentinin Sərəncamı". 2019-10-29 tarixində arxivləşdirilib. İstifadə tarixi: 2018-02-28.
- ↑ "F.M.Ələsgərova "Əməkdar hüquqşünas" fəxri adının verilməsi haqqında Azərbaycan Respublikası Prezidentinin Sərəncamı". 2018-03-04 tarixində arxivləşdirilib. İstifadə tarixi: 2018-02-28.
- ↑ "F.M.Ələsgərovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". İstifadə tarixi: 2025-08-02.
- ↑ "Azərbaycan Respublikası Prezidentinin İcra Aparatında inzibati vəzifələr tutan dövlət qulluqçularına ixtisas dərəcələrinin verilməsi haqqında Azərbaycan Respublikası Prezidentinin Sərəncamı". 2023-09-05 tarixində arxivləşdirilib. İstifadə tarixi: 2025-08-02.