Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinFransiskan kilsəsi (alm. Franziskanerkirche) — Zalsburq şəhərində yerləşən Avstriyanın ən qədim kilsələrindən biri. Kilsə şəhərin Altstadt bölgəsində Fransiskan Monastırının qarşısında yerləşir. Bu ərazidə ilk kilsə VIII əsrdə inşa edilmişdir. 1408–1450-ci illər arasında Romanesk xor hissəsi Qotika üslubunda yenidən qurulmuşdur. 1468–1498-ci illər arasında isə incə bir Qotik qüllə əlavə edilmişdir. Kilsə Müqəddəs Məryəmə həsr edilmişdir və 1635-ci ilə qədər məhəllə kilsəsi kimi fəaliyyət göstərmişdir. 1642-ci ildə Fransiskan Ordeninə təhvil verilmişdir. XVIII əsrdə İohan Bernhard Fişer fon Erlaş tərəfindən kilsənin daxili interyeri barokko üslubunda yenidən layihələndirmişdir.[3]
| Fransiskan kilsəsi | |
|---|---|
 | |
| Ölkə | |
| Yerləşir | Zalsburq[1][2] |
| Tikilmə tarixi | VIII əsr |
| Üslubu | roman memarlığı |
| Rəsmi sayt | franziskanerkirche-salzburg.at |
| 47°47′53″ şm. e. 13°02′38″ ş. u. | |
 |
|
 Vikianbarda əlaqəli mediafayllar | |
Bu ərazidə ilk kilsə VIII əsrdə Müqəddəs Virqil dövründə inşa edilmişdir. O, bu kilsəni vəftiz mərasimləri üçün istifadə edirdi. 1139-cu ilə aid bir sənəddə bu ərazidə bir məhəllə kilsəsinin olduğu qeyd edilmişdir. Bu kilsə 1167-ci ildə başqa beş kilsə ilə birlikdə, o cümlədən Dom kilsəsi ilə birlikdə yanğın nəticəsində məhv edilmişdir. XIII əsrin əvvəllərində (1208-ci ildən başlayaraq) kilsənin mərkəzi nefi Roman üslubunda inşa edilmişdir və bu, onu Zaltsburqun ən qədim binalarından birinə çevirmişdir.[4] Kilsə 1221-ci ildə təqdis edilmişdir.
1408–1450-ci illər arasında Usta Hans fon Burqhauzen Roman xor hissəsini əvəz etmək üçün parlaq Qotika xorun tikintisinə başlamış, bu işi Stefan Krumenauer tamamlamışdır. 1468–1498-ci illər arasında incə bir Qotika qüllə əlavə edilmişdir. Kilsə Müqəddəs Məryəmə həsr edilmişdir və 1635-ci ilə qədər məhəllə kilsəsi kimi fəaliyyət göstərmişdir. 1670-ci ildə arxiyepiskop Maks Qandolf fon Kuenburq kilsə qülləsinin yuxarı hissəsinin sökülməsini əmr etdi, çünki bu, kafedral qülləsindən daha hündür idi. Qüllə 1866-cı ildə Yozef Vessiken tərəfindən Neoqotika üslubunda bərpa edilmişdir. XVIII əsrdə kilsənin daxili interyeri barokko üslubunda yenidən dizayn edilmişdir. Yüksək qurbangahın arxasında yerləşən "Rozari" şapelləri XVI əsrdən qalmışdır.[3]
-
Şərq tərəfdəndən kilsə qülləsi -
Qərb tərəfdəndən kilsə qülləsi -
Max-Reinhardt-Platz-dan Fransiskan Kilsəsinin qülləsinin mənzərəsi -
Kilsə tavanı -
Qotika üslublu xor -
Qurbangah -
Qotika üslublu tavan -
Qurbangah -
Kilsədə rəsm
- ↑ 1 2 3 Wiki Loves Monuments monuments database. 2017.
- ↑ 1 2 3 ArchINFORM (alm.). 1994.
- ↑ 1 2 "Franciscan Church, Salzburg". Sacred Destinations. İstifadə tarixi: 7 oktyabr 2013.
- ↑ "Franziskanerkirche". Visit Salzburg. İstifadə tarixi: 7 oktyabr 2013.