Focus Features şirkəti 2002-ci ildə Ceyms Şamus və Devid Lind tərəfindən USA Films, Universal Focus və Good Machine şirkətlərinin, eləcə də Vivendi ilə əlaqədar olan StudioCanal kinostudiyasının bir neçə aktivlərinin birləşdirilməsi yolu ilə yaradılmışdır. USA Films Barri Diller tərəfindən 1999-cu ildə Seagram şirkətindən October Films və Gramercy Pictures şirkətlərinin satın alınması və bu iki bölmənin birləşdirilməsi nəticəsində yaradılmışdır. Universal Focus — 1999-cu ildə Universal Classics adı altında Pol Hardart və Klaudiya Qrey tərəfindən yaradılmış Universal Pictures-in xüsusi bölməsi olmuşdur. Yaradılmasının məqsədi USA Films tərəfindən nümayiş etdirilməsi nəzərdə tutulmuş bir qrup filmdəki October Films leyblını əvəz etmək idi. Bu şirkət Universal Pictures International, Working Title, WT2 Productions, Revolution Films və DNA Films Films kimi şirkətlərin leybl satınalmalarının marketinqinə yönəldilmişdi və nəhayət 2000-ci ildə Universal Focus olaraq yenidən adlandırılmışdır.

1990-cı illərin sonunda October Films tərəfindən istifadə edilmiş bir janr etiketi olan Rogue Pictures 2004-cü ilin mart ayında Focus Features tərəfindən yenidən canlandırılmışdır. Rogue Pictures Focusun standart idarəçiliyini həyata keçirdən eyni komanda tərəfindən idarə edilir

2014-cü ildə FilmDistrict Focus tərəfindən satın alınmış və kommersiya adı High Top Releasing olaraq bu şirkətə birləşdirilmişdir. 2015-ci ilin may ayında Gramercy Pictures Focus tərəfindən döyüş, elmi fantastika və qorxu filmlərinə fokuslanmış bir janr etiketi kimi yenidən canlandırılmışdır.

2016-cı ilin fevral ayında Focus, "qlobal bazarda ixtisaslaşmış filmlərin əldə edilməsi və istehsalının qruplaşdırılması" üçün qəbul edilmiş yeni strategiyanın bir hissəsi kimi Universal Pictures International ilə birləşdiyini elan etmişdir.

2017-ci ilin aprel ayında Vine Alternative Investments şirkəti Focus Features şirkətindən Rogue janr etiketinin 2008-ci ildən əvvəlki film arxivini satın almışdır.

• — rəsmi saytı