Vikipediya ?

Flora Xəlilzadə

Flora Fətulla qızı Xəlilzadə — azərbaycanlı jurnalist, Azərbaycan Yazıçılar BirliyininAzərbaycan Jurnalistlər Birliyinin üzvü.

Flora Xəlilzadə
Flora Fətulla qızı Xəlilzadə
Flora Xəlilzadə.jpg
Doğum yeri Urud, Sisian
Fəaliyyəti jurnalist
Mükafatları Əməkdar jurnalist "Tərəqqi" medalı

Mündəricat

Həyatı

Flora Xəlilzadə Zəngəzur mahalının Sisian rayonunun Urud kəndində anadan olub. Rayonun Vağədi kənd orta məktəbini bitirdikdən sonra ADU-nun Jurnalistika fakültəsinə daxil olub və 1977-ci ildə oranı bitirib. "Azərbaycan təbiəti" jurnalında, "Azərbaycan müəllimi", "Azərbaycan" qəzetlərində işləyib. Bir müddət "Azərbaycan qadını" jurnalının redaktoru olub. Hazırda İctimai televiziyada layihə rəhbəri, "Yadigarlar" verilişinin müəllifi və aparıcısıdır.

1972-ci ildən mətbuatda publisistik və bədii yazıları dərc olunur. Peşəkar jurnalist kimi mətbuatda çalışdığı dövrdə yüzlərlə elmi, ədəbi, publisistik, tənqidi məqalələri çap edilib. 14 kitabın müəllifidir. Azərbaycan Yazıçılar BirliyininAzərbaycan Jurnalistlər Birliyinin üzvüdür. Bir çox mükafatların sahibidir.

4 mart 2013-cü ildə jurnalistika sahəsindəki səmərəli fəaliyyətinə görə Azərbaycan Respublikası Prezidentinin Sərəncamı ilə "Əməkdar Jurnalist" Fəxri adına layiq görülüb.

Ailəlidir, 2 oğlu və 4 nəvəsi var.

Jurnalist, filologiya üzrə fəlsəfə doktoru Elnur Niftəliyevin anasıdır.

Jurnalist Bəhruz Niftəliyevin anasıdır.

Mükafatları

  1. "Əməkdar Jurnalist" fəxri adı
  2. " Tərəqqi " medalı
  3. Prezident mükafatçısı (2009-cu il üzrə)
  4. Türkiyə Diyanet Vaqfının türkdilli xalqlar arasında keçirdiyi "Peyğənbərin nəthi" yarışmasında Türkiyədə aldığı Beynəlxalq mükafat
  5. Azərbaycan Jurnalistlər Birliyinin təsis etdiyi "Həsənbəy Zərdabi mükafatı".
  6. KİV Həmkarlar İttifaqının "Qızıl qələm", "Xan qızı Natəvan" , "Səməd Vurğun-90", "Şərəf" və "İnam" mükafatları
  7. Respublika Mətbuat Fondunun "Dan ulduzu" mükafatı (iki dəfə).
  8. Qorqud Assosiasiyasının təsis etdiyi "Məmməd Araz mükafatı"
  9. Nabat xanım adına xeyriyyə cəmiyyətinin təsis etdiyi "Nabat xanım mükafatı"
  10. Lider Qadınlar İctimai Birliyinin təsis etdiyi "Salatın Əsgərova mükafatı"
  11. Yazdığı "Yolum düşə Zəngəzura" kitabı Yeni Yazarlar və Sənətçilər Qurumu tərəfindən 2007-ci ilin publisistik-sənədli kitabı adına layiq görülmüşdür.
  12. 2007-ci ildə Jurnalist Qadınlar Assosiasiyası tərəfindən ilin qadın jurnalisti elan olunub.
  13. 2011-ci ildə Azərbaycan mətbuatındakı səmərəli fəaliyyətinə görə Mətbuat Şurasının Ali Media Mükafatını alıb.
  14. 2017-ci ildə Cəfər Cabbarlı mükafatına layiq görülmüşdür.

Kitabları

  • "Ruhumun ehtiyacı" ( Şeirlər )
  • "Bənövşə ətirli səs" ( Flora Kərimova haqqında )
  • "Aysel adını itirib" ( uşaq hekayələri )
  • "Analar" ( Publisistika )
  • "Bu mənim tale yolum" ( Afaq Bəşirqızı haqqında )
  • "Ürəyim aldatdı məni" ( Şeirlər )
  • "Taleyimdən keçən adamlar" ( Publisistika )
  • "İgidliyin son zirvəsi" ( Şəhid Cəmşid Teymurov haqqında)
  • "Məmməd Araza məktub" ( elmi-ədəbi toplu )
  • "Yuxular" ( Şeirlər )
  • "Yolum düşə Zəngəzura" ( Tarixi, etnoqrafik, bədii nəşr )
  • "Dağları tərpədən fəryad" ( Yaqut Abdullayeva haqqında )
  • "Yazıçılar təşkilatının rəhbərləri" ( Ədəbi tədqiqatlar )
  • "Yazdıqlarım" ( Ədəbiyyat-əbədiyyət ) I cild
  • Yazdıqlarım (Mədəniyyət- mənəviyyat) II cild
  • "Ruhumuzun ünvanı Şuşa"

İstinadlar

  1. . President.az (azərb.). president.az. 04 mart 2013, 19:05. İstifadə tarixi: 2014-09-16.
  2. publika.az (21.05.2017). (azərb.). . İstifadə tarixi: 2017-05-21.
  3. Ülviyyə Həsənqızı (21.05.2017). (azərb.). . İstifadə tarixi: 2017-05-21.

Ədəbiyyat

  • Vaqif Bayramov, "Qürbət havasında yaddaş ağrısı" (Flora Xəlilzadənin poeziyası haqqında düşüncələr), "Bütöv Azərbaycan" qəzeti, №23,(242), 11-17 sentyabr 2014. səh.8-9.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019