Flamurtari FK (alb. Flamurtari FC) — Albaniyada futbol klubu. Albaniyanın Vlore şəhərini təmsil edir.
| Flamurtari | ||||
|---|---|---|---|---|
| Flamurtari Football Club | ||||
| Klubun tam adı | Flamurtari Futbol Klubu | |||
| Ölkə |
 Albaniya |
|||
| Ləqəb(lər) | alb. Kuq e Zinjtë (Qırmızı və Qara) | |||
| Kodu | Flamurtari | |||
| Rəng(lər) | qırmızı, qara | |||
| Yaranma tarixi | 23 mart 1923 | |||
| Stadionu | Flamurtari Stadionu | |||
| Tutumu | 8,200 | |||
| Sahibi | Vlore Bələdiyyəsi, TRK MW Group | |||
| Prezidenti | Sinan Idrizi | |||
| Baş məşqçisi | Artim Polozani | |||
| Liqa | Albaniya Superliqası | |||
| 2024–25 | Kategoria e Pare, 2-ci (yüksəldi) | |||
|
| ||||
| Rəsmi saytı | ||||
 Vikianbarda əlaqəli mediafayllar | ||||
Klub hal-hazırda Albaniyanın yüksək liqası olan Albaniya Superliqasında çıxış edir.
Flamurtari Futbol Klubu 23 mart 1923-cü ildə "Shoqëria Sportive Vlorë" adı ilə təsis edilmişdir.[1] Klubun ilk prezidenti Milto Korçari olmuşdur. Əvvəlcə qeyri-rəsmi oyunlarla fəaliyyətə başlayan komanda, 1930-cu ildə Albaniya Futbol Federasiyasının təsisçilərindən biri olmuş və ilk rəsmi çempionatda iştirak etmişdir.[1]
İlk rəsmi oyunu 6 aprel 1930-cu ildə "Skenderbeu Korçe" klubuna qarşı keçirilmiş və 2–0 hesablı qələbə qazanmışdır.[1]
1946-cı ildə klubun adı "Flamurtari" olaraq dəyişdirilmişdir. 1951-ci ildə "Puna Vlore" adını almış, lakin 1958-ci ildə yenidən "Flamurtari" adına qayıtmışdır.[2] Bu dövrdə klub bir neçə dəfə Albaniya Kubokunun finalına yüksəlmiş, lakin qalib gələ bilməmişdir.
1980-ci illər klubun "qızıl dövrü" hesab olunur. "Flamurtari", 1985–86 mövsümündə Albaniya çempionatında ikinci yeri tutur. Avrokuboklarda isə, UEFA Kubokunda Barselona ilə qarşılaşır. Vloredə keçirilən ilk oyunda 1–1 bərabərlik əldə edilir, Barselonada isə oyun, 0–0 hesablı nəticə ilə başa çatır.[3] Lakin səfər qolu qaydasına əsasən "Flamurtari" turnirdən kənarlaşır.
1987–88 mövsümündə "Flamurtari", "Partizan" və "Vismut Aue" klublarını məğlub edərək, UEFA Kubokunun 1/16 finalına qədər irəliləyir. Klub, yenidən "Barcselona" ilə qarşılaşır. Barselonada 1–4 hesabı ilə məğlub olan "Flamurtari, Vloredə 1–0 hesablı qələbə qazansada, iki oyunun nəticəsində 2–4 hesabıyla məğlub olur və turnirdən kənarlaşır.[1]
1990–91 mövsümündə "Flamurtari" ilk və yeganə Albaniya çempionluğunu qazanır. Eyni zamanda Albaniya Superkubokunu da qazanmışdır.
1990-cı illərin sonlarından etibarən "Flamurtari" maliyyə çətinlikləri ilə üzləşmiş və buda klubun nəticələrində eniş ilə müşahidə olunmuşdur.
2008–09 və 2013–14 mövsümlərində Albaniya Kubokunu qazanaraq uğurlarını davam etdirmişdir. 2021–22 mövsümündə Albaniya Birinci Liqasının çempionu olaraq Yüksək liqaya yüksəlir.
Klub ev oyunlarını 8200 nəfər tutumu olan "Flamurtari Stadionu"nda keçirir. "Flamurtari Stadionu" 1961-ci ildə inşa edilmiş və 1975-ci ildə yenidən qurularaq tutumu 11,000 nəfərə çatdırılmışdır.[4] 1987-ci ildə "Barselona" ilə keçirilən UEFA Kuboku matçında stadionda 18,500 tamaşaçı iştirak etmişdir ki, bu da stadionun rekord göstəricisidir.
2004–2012-ci illər arasında stadion yenidən qurularaq oturacaqlı hala gətirilmiş və tutumu 8,200 nəfər olmuşdur. 2014-cü ildə isə UEFA tələblərinə uyğun olaraq əsas tribuna yenidən təmir edilmişdir.[4]
- Çempion: 1 dəfə (1990–91)
Albaniya Kuboku
- Qalib: 4 dəfə (1984–85, 1987–88, 2008–09, 2013–14)
Albaniya Superkuboku
- Qalib: 2 dəfə (1990, 1991)
Albaniya birinci liqası
- Çempion: 1 dəfə (2005–06)
Albaniya İkinci Liqası
- Çempion: 1 dəfə (2021–22)
- ↑ 1 2 3 4 "Flamurtari FC" (ingilis). İstifadə tarixi: 12 may 2025.
- ↑ "Flamurtari FC - Soccer - Team Profile - Results, fixtures, squad, statistics - Global Sports Archive". globalsportsarchive.com. İstifadə tarixi: 2025-05-12.
- ↑ UEFA.com. "History: Flamurtari 1-1 Barcelona | UEFA Europa League 1986/87". UEFA.com (ingilis). İstifadə tarixi: 2025-05-12.
- ↑ 1 2 "Stadiumi Flamurtari – StadiumDB.com". stadiumdb.com. İstifadə tarixi: 2025-05-12.