Firuzə Abbasqulu qızı Vəkilova (1878, Salyan, Cavad qəzası – 1927, Bakı) — Azərbaycan pedaqoqu və maarifçisi.[1]
| Firuzə Vəkilova | |
|---|---|
| Doğum tarixi | 1878 |
| Doğum yeri | |
| Vəfat tarixi | 1927 |
| Vəfat yeri | |
| Həyat yoldaşı | |
| Uşaqları | |
| Atası | Abbasqulu bəy Vəkilov[d] |
Əslən Qazax rayonunun Salahlı kəndindəndir. Məşhur Vəkilovlar nəslindən olan rus ordusunun polkovniki Abbasqulu bəy Vəkilovun (1844-1927) qızıdır.
O, gələcək həyat yoldaşı Məcid Behbudov tərəfindən qaçırılıb. Belə ki, gənc xanəndə olan Məcid sosial mənşəyi aşağı olduğuna görə evlənmək üçün razılıq almağa ümid etmirdi. Cütlük Tiflis də məskunlaşıb və Firuzə ömrünün sonuna kimi orada yaşayıb.[2]
Firuzə Vəkilova zadəgan ailəyə məxsus olduğundan, dövrünə görə yaxşı təhsil almışdır. O, Tiflis şəhərində yerləşən Müqəddəs Nina qadın gimnaziyasını bitirib. Firuzə Vəkilova rus və fransız dillərini mükəmməl bilirdi. Müəllim işləyirdi. O, şəhərdə qadın müsəlman cəmiyyəti təşkil etmiş, orada gənc qızlara ədəb-ərkan, rus və fransız dillərini öyrədirdi. Firuzə Vəkilova dram dərnəyində tamaşalar səhnələşdirib.[3]
Üzeyir Hacıbəyovun “Arşın mal alan” operettasının əsasını Firuzə ilə Məcidin məhəbbət hekayəsi təşkil etmişdir.[4]
Firuzə Vəkilova xanəndə Məcid Behbudovun həyat yoldaşı olub. Onların üç övladı var idi. Ailənin hər üç övladı incəsənət aləmində şöhrət qazanıblar.[5]
- Böyük oğlu — Ənvər Behbudov (1912, Şuşa - 1993, Moskva) - Azərbaycan, sovet teatrı rejissoru, RSFSR xalq artisti 1965).[6][7]
- Qızı — Nəcibə Behbudova (6 yanvar 1914, Tiflis – 7 dekabr 1999, Bakı) — azərbaycanlı tanınmış teatr və kino aktrisası, Azərbaycan SSR əməkdar artisti (1974).[3]
- Kiçik oğlu — Rəşid Behbudov (1 (14) dekabr 1915, Tiflis – 9 iyun 1989, Moskva) — Azərbaycan müğənnisi, SSRİ xalq artisti (1959), SSRİ və Azərbaycan SSR Dövlət Mükafatları laureatı, Sosialist Əməyi Qəhrəmanı, Azərbaycan SSR xalq artisti və Dağıstan MSSR-ın xalq artisti, Gürcüstan SSR-ın əməkdar incəsənət xadimi.[8]
- ↑ Страницы жизни / Сабир Гянджали (Мамедов). — Бакы : Ишыг, 1973
- ↑ Бейбутов Меджид Бехбудалы оглы // Энциклопедия Мугама. Т. А. Мамедов (координатор проекта). Баку. 2008. 2013-10-15 tarixində arxivləşdirilib.
- ↑ 1 2 "Bir şəklin tarixçəsi: Məşhur Behbudovlar ailəsi - Rəşidin qardaşı və bacısı..." 2024-01-07 tarixində arxivləşdirilib. İstifadə tarixi: 2024-01-07.
- ↑ "Истории любви известных азербайджанцев // Вестник". 2020-11-26 tarixində arxivləşdirilib. İstifadə tarixi: 2020-05-21.
- ↑ "Рашид Бейбутов. Вечная песня любви // В. Резникова, Иные берега, № 2(18) 2010". 2020-02-22 tarixində arxivləşdirilib. İstifadə tarixi: 2020-05-21.
- ↑ Бејбутов Әнвәр Мәҹид оғлу. . II. Под ред. Дж. Кулиева. Ru:Азербайджанская советская энциклопедия: Главная редакция Азербайджанской советской энциклопедии. 1978. 129.
- ↑ "У папы было много поклонниц. А машина, вся в губной помаде от женских поцелуев…- Рашида Бейбутова". 2021-09-28 tarixində arxivləşdirilib. İstifadə tarixi: 2015-06-02.
- ↑ Абасова, 1965