Federasiya (kompleks)

Federasiya (kompleks) (rus. Федерация (комплекс)) — Moskva Beynəlxalq Biznes Mərkəzində - Moskvada tikilmiş çoxmərtəbəli binaların kompleksidir. Şərq (rus. Восток) göydələni Sankt-Peterburqdakı Laxta Mərkəzindən sonra Avropanın ikinci ən yüksək tikilisi hesab edilir. Memarlıq layihəsi Sergey Çoban və Peter Şveger ilə birlikdə hazırlanmışdır.

Federasiya
Федерация
55°44′59″ şm. e. 37°32′13″ ş. u.
Yeri	Presnenski rayonu[d]
Tikilmə tarixi	2003-2017
Status	Tikili
Hündürlüyü
Dam	242,4 m (Qərbi) 373,7 m (Şərqi)
Texniki göstəriciləri
Mərtəbə sayı	63 (Qərbi) 95 (Şərqi)
Daxili sahəsi	443 000 m²
Lift sayı	67
Hazırlayan	Sergey Çoban
Xəritədə yeri
Emporis saytında məlumatlar və fotoşəkillər
SkyscraperPage səhifəsi
Vikianbarda əlaqəli mediafayllar

Şərq qülləsi - 95 mərtəbəli göydələn. 2014-cü il noyabrın 25-də bu tikilinin ən yüksək göstəricisi 343 metrə çatdıqda Rusiyanın və Avropanın ən yüksək binası oldu. Monolitik çərçivənin tikintisi 9 dekabr 2014-cü ildə başa çatdırılmışdır.^[1]

2015-ci ilin sonunda mühəndislik və şüşə işləri tamamlanır, tikinti tam olaraq isə 15 noyabr 2017-ci ildə başa çatmışdır. 2017-ci ildə Federasiya kompleksinin hündürlüyü 374 metrə çatmışdır.

"Şərq" (rus. Восток) qülləsi Yüksək mərtəbəli binalar və şəhərsalma üzrə Beynəlxalq Şuranın qərarına əsasən Avropanın ən yüksək göydələni kimi tanındı, lakin Sankt-Peterburqda Laxta-mərkəzi qülləsi (462 metr) tikildikdən sonra "Şərq" (rus. Восток) qülləsi ikinci ən yüksək tikili hesab edildi.^[2].

Qərb qülləsi - 63 mərtəbəli bir tikili. Göydələnin hündürlüyü 242,4 metrdir.

Qərb (rus. Запад) qülləsinin ümumi sahəsi 442 915,2 kvadratmetrdir. Federasiya kompleksi ofis və mənzillərdən ibarətdir.