Afrikaans: 'n Bekoorlike beeld van die helder Chileense hemelruim oor 'n sterrewag. Dit toon die vierde (Yepun genoem) van vier eenheidteleskope van die Baie Groot Teleskoop (BGT), met as agtergrond 'n breë sterreveld met helder sterre en afgeleë sterrestelsels. Die sterreveld bestaan hoofsaaklik uit die Andromeda-, Triangulum- en Perseus-sterrebeelde. Enkele objekte in hierdie sterreveld is meer bekend as die aanliggendes:
   In die linkerstrook van die beeld is 'n redelik prominente sterrestelsel sigbaar as 'n langwerpige kwasstrepie oor die donker naglug, naamlik Messier 31, oftewel die Andromedasterrestelsel. Na bo en regs hiervan is 'n helder ster (μ Andromedae), en langs dieselde lyn boontoe lê die ster β Andromedae – ook Mirach genoem – asook 'n tweede sterrestelsel, die Driehoek-sterrestelsel (Messier 33) teen die boonste rand van die beeld. Dit word vermoed dat hierdie twee sterrestelsels voorheen 'n aksie op mekaar uitgeoefen het, sodat daar steeds 'n brug van waterstofgas tussen die twee mag bestaan. Ook opvallend is die ster Almach net bo die teleskoop, die oop sterreswerm M 34 effens regs daarvan, en die helder sterre Algol (middel) en Mirfak (onder), in die regterbaan van die beeld.
   Perseus, seun van Zeus en Danaë, sou vir skone Andromeda, dogter van koningspaar Cepheus en Cassiopeia, voor 'n seemonster weggeraap het, en die nageslag van hierdie heldepaar sou die Perse en Spartane oplewer. M 31 is gesetel by Andromeda se regterheup, en Mirach dui haar "gordel" of "lendekleed" aan. Almach is 'n "rooikat" wat by haar voet onderskei word. Mirfak vorm die "ellemboog" van Perseus, en Algol die kop van die verslane gorgoon-demoon.
Die foto is verskaf deur ESO-fotoambassadeur Babak Tafreshi (Бабаком Тафреши).