Fatma Hacıyeva
Fatma Rasim qızı Hacıyeva (15 sentyabr 1979[1], Bakı) — Azərbaycan alimi və ginekoloqu, tibb elmləri doktoru, Özbəkistan Respublikası Mama-Ginekoloqlar Assosasiyasının fəxri professoru və fəxri üzvü.
| Fatma Hacıyeva | |
|---|---|
 | |
| Doğum tarixi | 15 sentyabr 1979[1] (46 yaş) |
| Doğum yeri | |
| Elm sahələri | ginekologiya, mamalıq və ginekologiya, bədən tərbiyəsi, ədəbiyyatşünaslıq |
| Elmi dərəcəsi | |
| İş yerləri |
|
| Təhsili | |
| Üzvlüyü | |
| drfatima.az | |
Fatma Hacıyeva 1979-cu ildə Bakıda anadan olub. Əslən qədim Borçalı mahalındandır. 1995-ci ildə Bakıdakı 7 saylı orta məktəbi əla qiymətlərlə bitirərək N. Nərimanov adına Azərbaycan Tibb Universitetinin müalicə-profilaktika fakültəsinə daxil olub, 2001-ci ildə həmin fakültəni fərqlənmə diplomu ilə bitirib.[2]
2001–2002-ci illərdə F. Əfəndiyev adına Xəstəxananın bazasında fəaliyyət göstərən endokrinologiya şöbəsində internatura keçib. 2005–2007-ci illərdə N. Nərimanov adına Azərbaycan Tibb Universitetinin Mamalıq və ginekologiya kafedrasında kliniki ordinatura keçərək mama-ginekoloq ixtisası alıb.[3]
2008-ci ildə Elmi-Tədqiqat Mamalıq və Ginekologiya İnstitutunun "Mamalıq" elmi bölməsinə elmi işçi vəzifəsinə qəbul olunub. 2017-ci ildə həmin institutun "Mamalıq" elmi bölməsinin böyük elmi işçisi seçilib. 2019-cu ildə Azərbaycan Respublikasının Prezidenti yanında Ali Attestasiya Komissiyası tərəfindən dosent elmi adını almış və institutun "Ginekologiya" şöbəsinin müdiri vəzifəsinə təyin olunmuşdur.[4]
2013-cü ildə "İnfeksion mənşəli erkən vərdişi düşüklərdə lokal immun göstəricilərin diaqnostik əhəmiyyəti" mövzusunda namizədlik dissertasiyasını müdafiə edərək tibb üzrə fəlsəfə doktoru elmi dərəcəsi almışdır.[5] 2020-ci ildən 2023-cü ilə qədər TƏBİB-in Doğuşayardım İşçi qrupunun rəhbəri, Azərbaycanın Cənub bölgəsinin kuratoru olmuşdur.
2020-ci ildən İ.M. Seçenov adına Birinci Moskva Dövlət Tibb Universitetinin Bakı filialında mamalıq və ginekologiya fənnini tədris edir.[6]
2024-cü ildə "Zahılıq dövrünün iltihabi ağırlaşmalarının erkən proqnozlaşdırılması və profilaktikası" mövzusunda doktorluq dissertasiyasını müdafiə edərək tibb elmləri doktoru elmi dərəcəsi almışdır. 2025-ci ildə Özbəkistan Respublikası Mama-Ginekoloqlar Assosasiyasının fəxri professoru və fəxri üzvü seçilmişdir.
100-dən çox yerli və beynəlxalq konfrans və təlimlərdə iştirak etmişdir. Mamalıq-ginekologiya və idmançılara tibb yardım sahəsində 8 kitabın (2 monoqrafiya, 6 dərs vəsaiti) müəllifidir. 90-dan çox elmi əsərləri yüksək indeksləşmiş elmi bazalarda çap olunmuşdur.
Bir çox Azərbaycan idman federasiyaları tərəfindən mükafatlara layiq görülümüşdür. 2011-ci ildə İngiltərənin I Mama ginekoloqların və androloqların konqresində (WCOGA) elmi işinin yekunlarının poster prezentasiyası qızıl medala layiq görülüb.
- FİGO – (International Federation of Gynaecology and Obstetrics)
- ISGE – (International Society for Gynaecological Endocrinology)
- USOUG – (International Society of Ultrasound in Obstetrics and Gynecology)
- TJOD – (Türk Jinekoloji ve Obstetri Derneği)
- ISUOG – (International Society of Ultrasound in Obstetrics and Gynecology)
- ISIDOG – (İnternational Society of İnfectious Diseases Obstetrics and Gynecology)
- WATOG – (The World Association of Trainees in Obstetrics & Gynecology)
- РОАГ – (Российское общество акушеров-гинекологов)
- Özbəkistan Mama-Ginekoloqlar Assosiasiyası
- ESGE – European Society for Gynaecological Endoscopy
- Raman spektroskopiyası tibbdə. Bakı: Müəllim nəşriyyatı, 2018 (C. F. Qurbanova)
- Hamiləlikdə və zahılıqda təxirəsalınmaz hallar. Bakı: Müəllim nəşriyyatı, 2019
- Zahılıq dövrünün infeksion-iltihabi ağırlaşmalarının erkən proqnozlaşdırılması və profilaktikasının müasir aspektləri. Bakı: Müəllim nəşriyyatı, 2021, 320
- Диагностическая значимость инфекционных маркеров невынашивания беременности. Тбилиси: Универсал, 2021, 133с. (Rus və gürcü dilində)
- Hamiləlik və COVİD-19. Bakı: Müəllim nəşriyyatı, 2021, 99 s. (C. F. Qurbanova)
- Hamiləlik dövründə göz xəstəliklərinin ağırlaşmaları. Bakı: Müəllim nəşriyyatı, 2022, 125 s. (T. P. Qəlbinur)
- Peşəkar idman və tibb. Bakı, 2023 (F. S. Mansurov)
- 1 2 Borçalı M., Bilalqızı X. Ümid işığı - Dr. Fatimə Hacıyeva.
- ↑ "Tibb üzrə fəlsəfə doktoru Fatma Hacıyeva (1979)" (az.). zim.az. 19 dekabr 2025. 1 oktyabr 2020 tarixində arxivləşdirilib. İstifadə tarixi: 28 aprel 2020.
- ↑ "Tibb elmləri doktoru Dr. Fatma Hacıyeva" (az.). 2025. İstifadə tarixi: 2025.
- ↑ "Qayğıkeş həkim — Tibb üzrə fəlsəfə doktoru, dosent Fatma Hacıyeva" (az.). qanunyolutv.az. 5 may 2021. İstifadə tarixi: 29 dekabr 2025.
- ↑ "Tibb üzrə fəlsəfə doktoru elmi dərəcəsi almaq üçün təqdim edilmiş dissertasiya" (PDF) (az.). retk.copat.gov.az. 21 dekabr 2025.
- ↑ ""Sağlam qadın, sağlam körpə və sağlam gələcəyimiz" onun iş prinsipidir — Fatma Hacıyeva" (az.). healthnews.az. 20 dekabr 2025. İstifadə tarixi: 28 iyul 2022.