Faiq Mirzəyev (Faiq Mirzə) — azərbaycanlı kino və teatr aktyoru, rejissor, teleaparıcı.
| Faiq Mirzəyev | |
|---|---|
 | |
| Digər adı | Faiq Mirzə |
| Doğum tarixi | |
| Doğum yeri | Quba, Azərbaycan SSR, SSRİ |
| Milliyyəti | azərbaycanlı |
| Fəaliyyəti | aktyor, rejissor, teleaparıcı |
Faiq Mirzəyev 1965-ci ildə Quba şəhərində anadan olmuşdur. 1972-ci ildə Quba şəhər 2 saylı orta məktəbinə daxil olmuşdur. 1987-ci ildə Azərbaycan Dövlət Mədəniyyət və İncəsənət Universitetinin Musiqili teatr aktyorluğu fakültəsinə qəbul olunmuş, 1992-ci ildə həmin ali məktəbi fərqlənmə diplomu ilə bitirmiş və Azərbaycan Dövlət Musiqili Komediya Teatrına dəvət almışdır.
O, eyni zamanda Azərbaycan Dövlət Gənc Tamaşaçılar Teatrının səhnəsində, eləcə də “İlham” Miniatür Teatrında bir sıra yaddaqalan obrazlar yaratmışdır.
Faiq Mirzəyev 1996-cı ildən etibarən yaradıcılıq fəaliyyətini televiziya sahəsində davam etdirmiş, Qubada fəaliyyət göstərən “Xəyal” və “Qütb” televiziyalarının formalaşmasında və inkişafında mühüm rol oynamışdır. 2007-ci ildən etibarən Azərbaycanda ilk rəqəmsal televiziya kimi fəaliyyətə başlayan və daha geniş yayım dairəsinə malik RTV-nin yaradılmasında fəal iştirak etmişdir.
Faiq Mirzəyev RTV-də yaradıcılıq departamentinin direktoru vəzifəsində çalışmışdır. Bu televiziyada çalışdığı beş il ərzində o, yerli televiziya kadrlarının hazırlanmasında, eləcə də çoxsaylı müəllif verilişlərinin ərsəyə gəlməsində yalnız aparıcı və müəllif kimi deyil, həm də peşəkar rejissor kimi səmərəli fəaliyyət göstərmişdir.
Müxtəlif dövrlərdə ARB TV-də aparıcı, rejissor, yaradıcılıq departamentinin direktoru, baş redaktor və layihə rəhbəri kimi fəaliyyət göstərmişdir. O, həmçinin ARB TV-də uzun illər Azərbaycan teatr və kino sənətinə töhfə vermiş korifey sənətkarların, eləcə də elm, təhsil və siyasət sahəsində fəaliyyət göstərən görkəmli şəxsiyyətlərin həyat və yaradıcılığına həsr olunmuş “Ömrün fəsilləri” verilişinin layihə rəhbəri, aparıcısı və rejissoru olmuşdur.
Hazırda Faiq Mirzəyev yaradıcılıq fəaliyyətini Azərbaycan Dövlət Akademik Musiqili Teatrında aktyor kimi davam etdirir, film və seriallarda müxtəlif xarakterli obrazlar yaradır.
- Xarı bülbül (bədii musiqili film)
- Ultionis
- Təxribat
- BP - 20 il
- 2016 Şahmat olimpiyadası (Tanıtım Filmi)
- Həyat varsa (teleserial 2012-2014) (Oğul dərdi)
- Pərvanələrin rəqsi (teleserial, 2012)
- Tək olanda qorxma (teleserial, 2013)
- Babayevlər (teleserial, 2013)
- Addım (film)
- Hippokrat andı (teleserial, 2014)
- Yumurta (bədii film, 2015)
- Qaynana (teleserial)
- Həyat çiçəyi (teleserial)
- Sindrom (teleserial)
- Sənə inanıram (teleserial)
- Qanlı Yanvar (film, 2015)
- Zəng (qısametrajlı film, 2015)
- Həyatımın rolu (qısametrajlı film, 2016)
- Qanun naminə (serial, 2016)
- Məryəm (teleserial, 2016)
- Otel X (bədii film, 2016)
- Hədiyyə (qısametrajlı film, 2017)
- İki yad adam (qısametrajlı film, 2017)
- Bir zamanlar Şəkidə (ing. The Game)(bədii film, 2017) (rol: Yuri)[1][2]
- Qayınana 2 (bədii film, 2018)
- Taksi Liza (bədii film, 2018)
- Müslüm Maqomayev (serial. 2018)
- Sevgi naminə (serial, 2019)
- Solğun çiçəklər (serial, 2019)
- Beşinci fəsil (bədii film, 2019)
- Hozu 2 (bədii film, 2019)
- 52-HERTZ (qisametrajlı film, 2020)
- Xarqo (qisametrajlı film, 2020)
- Zona (film, 2022)
- Cənnət yuxusu (film, 2025)
- Arxivləşdirilib 2014-07-08 at the Wayback Machine
- ↑ "Azərbaycan və türk aktyorlarının birgə çəkildikləri "The game" filminin çəkilişləri davam edir". 5 dekabr 2021 tarixində arxivləşdirilib. İstifadə tarixi: 19 dekabr 2021.
- ↑ "Şəkidə türk aktyorlarının iştirakı ilə film çəkilir". 11 noyabr 2021 tarixində arxivləşdirilib. İstifadə tarixi: 19 dekabr 2021.