Mauerverk FK

Mauerverk FK
Mauerverk FK
Ölkə	Avstriya;
Yaranma tarixi	22 sentyabr 2014
Stadionu	Veynerberq stadionu
Tutumu	1,000
Sahibi	Mustafa Elnimr
Liqa	Regionalliga Ost
	Rəsmi saytı

Mauerverk FK (alm. FC Mauerwerk‎) — Vyananı təmsil edən Avstriya Futbol Federasiyası klubu. Klub ev oyunlarında rəqiblərini 1000 nəfərlik Veynerberq stadionunda qəbul edir. 2018-ci ilə qədər "Qarabağ Vyana" adı ilə çıxış etmişdir. 29 iyun 2018-ci ildə klubun birinci liqaya vəsiqə qazana bilmədikdən sonra sahibi misirli Mustafa Elnimr olduğu açıqlandı. Komanda "Mauerverk" adını almağa başladı.

Tarixi

Qarabağ Vyana futbol klubu 2014-cü ildə Vyana Futbol Federasiyasında (WFV) rəsmi qeydiyyatdan keçərək, Oberliga A da mübarizə aparmaq üçün lisenziya əldə etmişdir. Oberliga rəsmi olaraq Vyana Futbol Federasiyasının 3-cü, Avstriya Futbol Federasiyasının isə 6-cı liqasıdır.

2014–2015 mövsümü

2014–2015-ci il mövsümündə Oberliga A-da FK Qarabağ Vyana keçirdiyi 26 oyundan 17 qalibiyyət, 2 bərabərlik və 7 məğlubiyyət ilə sezon sonunda 55 xal toplayaraq, sadəcə 2 xallıq fərqlə 14 klubun iştirak etdiyi liqanı ikinci olaraq bitirmişdir. Klub eyni sezonda parallel olaraq Vyana kubokunda iştirak etmiş və 5 mərhələ ard-arda qələbə qazanmışdır. Yeni qurulan bir klub üçün əldə olunmuş nəticə yerli ekspertlər tərəfindən yüksək qiymətləndirilmişdir.

Klub "Qarabağ Vyana" adı daşıyarkən sahib olduğu emblemi

2015–2016 mövsümü

FK Qarabağ Vyana 2015–2016-cı il mövsümünə isə bir liga daha yüksək olan 2 Landesliga-dan başlamışdır. 2 Landesliga Vyana Futbol Federasiyasının rəsmi olaraq 2-ci liqası, Avstriya Futbol Federasiyasının isə 5-ci liqası hesab olunur. İdarə heyəti tərəfindən əsas komanda qarşısında bu liqada ilk dəfə çıxış etməsinə baxmayaraq, əsas məqsəd kimi sadəcə çempionluq qoyulmuşdur. Belə ki, FK Qarabağ Vyana 2 Landesligada 30 görüş keçirdərək, 21 qalibiyyət, 4 bərabərlik və 5 məğlubiyyət nəticəsində 67 xal toplamış və 16 komandanın mübarizə apardığı liqada ən yaxın izləyicisini 4 xal qabaqlayaraq çempion olmuşdur.^[1]

Eyni sezonda klub Vyana Kubokunda da parallel iştirak edərək, böyük uğur əldə etmişdir. Vyana Futbol Federasiyasının 289 klubunun iştirak etdiyi Vyana kubokunda klubumuz finala qədər yüksəlmiş və Avstriya milli futbol komandasının ev oyunlarını keçirtdiyi Ernst-Happel Stadionunda digər finalist SV Gersthof üzərində 2–0 inamlı qələbə qazanaraq, çempion olmuşdur. FK Qarabağ Vyana 2 Landesliga tarixinə ilk dəfə eyni sezon liqanı və şəhər kubokunu qazanan klub olaraq keçmişdir.

Kluba sezonun 3-cü çempionluğunu isə C liqasında mübarizə aparan U 18 komandası gətirmişdir. Beləliklə, 2015–2016-cı illərdə FK Qarabağ Vyana aktivinə 3 çempionluq yazdıraraq, tarixi bir sezon keçirtmişdir.

2016–2017 mövsümü

2016–2017-ci il sezonunda FK Qarabağ Vyana ən yüksək şəhər liqasında mübarizəyə start verəcəkdir. Bu sezon klubun mübarizə aparacağı Stadtliga Vyana Futbol Federasiyasının 1-ci liqası, Avstriya Futbol Federasiyasının isə 4-cü liqasıdır. Sezona ciddi hazırlaşan klub, ilk olaraq 2016-cı il 19 avqust tarixində səfər oyununa çıxacaqdır. Stadtligada ümumilikdə 16 klub arasında 30 görüş keçirəcək olan FK Qarabağ Vyana yerli ekspertlər tərəfindən çempionluq tituluna əsas namizəd kimi göstərilir.

2016–2017-ci il sezonunda FK Qarabağ Vyana ilk dəfə olaraq Vyana əyalət çempionu kimi, Avstriya kubokunda iştirak hüququ qazanmış^[2] və 2016-cı il 8 iyul tarixində Avstriyanın ən tanınmış klubu olan Rapid Vyana FK klubu ilə qarşılaşmışdır. İki klub arasında istər tarixi, istər büdcə, istərsə də güc nisbətinə baxmayaraq, FK Qarabağ Vyana yerli ictimaiyyəti təəccübləndirəcək dərəcədə yüksək mübarizə aparmış və 1–3 hesabı ilə Rapid Vyana FK qarşısında məğlub olmuşdur.^[3]

Gənclər məktəbi

"Qarabağ Vyana" futbol məktəbi U-7, U-9, U-10, U-11, U-12, U-13, U-14, U-16 və U-18 fərqli yaş qruplarından ibarət olmaqla, 9 uşaq-gənclər komandasına sahibdir. Paralel olaraq, uşaqların kiçik yaşlardan etibarən tam potensialını üzə çıxarmaq və doğru inkişaf etmələri üçün futbol məktəbində fitnes, mental və texnika üzrə tədris bazası təcrübəli məşqçilərin iştirakı ilə səmərəli və planlı şəkildə qurulmuşdur. Klubun uşaq-gənclər idman məktəbi 20 fərqli millətdən olan 200 kiçik yaşlı və gənc futbolçudan, 25 nəfərlik məqşçi heyətindən və 5 əlavə texniki işçidən ibarətdir. "Qarabağ Vyana" futbol klubu multikultural uşaq-gənclər idman məktəbi heyəti ilə Vyana futbolunda seçilən müsbət xüsusiyyətə malikdir.

Mütəxəssislərin rəyi

Almaniya və Avstriya futbol liqalarının mütəxəssis saytı fanreport.com internet portalı tərəfindən Karabakh Vyana futbol klubu son 1 ildə göstərdiyi uğura görə Vyana Əyalətinin ən yaxşı 100 klubu arasında ilk 5-də qərarlaşmışdır.

Uğurlar

Avstriya 2. Landesliga

Çempionluq : 2015/2016 2 Landesliga,
2015/2016 Vyana Kuboku

Hazırkı Heyət

Əsas Heyət

3 iyul 2016-ya olan heyət.^[4]

Nömrə	Mövqeyi	Futbolçu
–	GK	Michael Harrauer
–	GK	Kemal Yarar
–	GK	Nemanja Marković
–	DF	Mustafa Erdoğan
–	DF	Selçuk Kılıç
–	DF	Sasa Sormaz
–	DF	Aykut Tekinsoy
–	DF	Kerim Gündemir
–	DF	Burak Aksoy
–	DF	Aleksandar Ivanović
–	DF	Christian Thonhofer
–	MF	Emre Kara
–	MF	Tolgahan Medet
–	MF	Ali Cetiner

Nömrə	Mövqeyi	Futbolçu
–	MF	Ersan Gültekin
–	MF	Marko Stevanović
–	MF	Milan Sapardić
–	MF	Erkut Tekinsoy
–	MF	Nemanja Stojanović
–	MF	Muhammed Keskin
–	MF	Markus Aigner
–	MF	Bartlomiej Dolubizna
–	MF	Deniz Saritas
–	FW	Manuel Tichy
–	FW	Kenan Çolakoğlu
–	FW	Erdal Kara
–	FW	Edip San
–	FW	Ercan Kara

Əvəzedici heyət

Nömrə	Mövqeyi	Futbolçu
–	DF	Kamran Afzali
–	DF	Ahmed Mostafa
–	MF	Oliver Ifkovits

Nömrə	Ölkə	Mövqeyi	Futbolçu
–		MF	Volkan Atak
–		MF	Ziajan Sharifi

İdarə heyəti

Klub idarə heyətində 4 azərbaycanlı, 1 avstriyalı və 1 türk təsisçi var.

Klubun ideya müəllifi və təsisçisi Orxan Vəliyevdir. Vyana İqtisadiyyat Universitetinin məzunudur. Gənc iş adamıdır.
Ramin Şükürov klubun baş meneceridir. Vyana Universitetinin hüquq fakültəsinin məzunudur. Gənc hüquqşünasdır. Klubun təsisçilərindən biridir.
Ülvi Rzayev klubun vitse-prezidentidir. Vyana İqtisadiyyat Universitetinin məzunudur. Gənc iş adamıdır. Klubun təsisçilərindən biridir.
Sanan Ahmadov klubun maliyyə şöbəsinin rəhbəridir. Vyana Universitetinin tələbəsidir. Klubun təsisçilərindən biridir.
Kamuran Kuş klubun idarə heyətinin üzvüdür. Vyana Universitetinin məzunudur. Gənc iş adamıdır. Türkiyə vətəndaşıdır. Klubun təsisçilərindən biridir.
Manfred Modli klubun vitse prezidentidir. Avstriya vətəndaşıdır. Avstriya Avarçəkmə Federasiyasının prezidentidir. Vyana ictimaiyyətində tanınan şəxslərdən biridir.

Məşqçi tarixi

3 iyul 2016-ya olan məlumat.^[5]

İlija Sormaz (2014–2015)
Hans Slunecko (2015–2016)
Volkan Kahraman (2016-indiyə qədər)

İstinadlar

↑ "Karabakh Wien kauft sich in höhere Liga" (Almanca). Sportnet. 2016-08-24 tarixində arxivləşdirilib. İstifadə tarixi: 29 Sentyabr 2016.
↑ "Wiener Toto Cup Sieger 2015-16 Karabakh Wien" (Almanca). Karabakh Wien. 2021-10-15 tarixində arxivləşdirilib. İstifadə tarixi: 29 Sentyabr 2016.
↑ "Das ist Rapid Wiens ÖFB-Cup-Gegner" (Almanca). Sportnet. 2016-08-08 tarixində arxivləşdirilib. İstifadə tarixi: 29 Sentyabr 2016.
↑ "Karabakh Wien rəsmi heyəti". İstifadə tarixi: 3 İyul 2016.^{[ölü keçid]}
↑ "Karabakh Wien məşqçi tarixi". worldfootball.net/. 2018-01-16 tarixində arxivləşdirilib. İstifadə tarixi: 3 İyul 2016.

Rəsmi Veb səhifə

[1] "Karabakh Wien kauft sich in höhere Liga" (Almanca). Sportnet. 2016-08-24 tarixində arxivləşdirilib. İstifadə tarixi: 29 Sentyabr 2016.

[2] "Wiener Toto Cup Sieger 2015-16 Karabakh Wien" (Almanca). Karabakh Wien. 2021-10-15 tarixində arxivləşdirilib. İstifadə tarixi: 29 Sentyabr 2016.

[3] "Das ist Rapid Wiens ÖFB-Cup-Gegner" (Almanca). Sportnet. 2016-08-08 tarixində arxivləşdirilib. İstifadə tarixi: 29 Sentyabr 2016.

[Football_squad-4] "Karabakh Wien rəsmi heyəti". İstifadə tarixi: 3 İyul 2016.^{[ölü keçid]}

[Coach-5] "Karabakh Wien məşqçi tarixi". worldfootball.net/. 2018-01-16 tarixində arxivləşdirilib. İstifadə tarixi: 3 İyul 2016.

[1]

[2]

[3]

[4]

[5]