Bu səhifədə iş davam etməkdədir. |
Fəxriyyə Lilpar (İsayeva Fəxriyyə Fəxrəddin qızı; 2 iyul 1976, Bakı) — sənətşünaslıq üzrə fəlsəfə doktoru, pedaqoq, jurnalist, aparıcı, Azərbaycan Jurnalistlər Birliyinin üzvü.[1]
| Fəxriyyə Lilpar | |
|---|---|
| Doğum tarixi | 2 iyul 1976 (49 yaş) |
| Doğum yeri | |
| Elmi dərəcəsi |
|
| İş yerləri |
|
| Təhsili | |
| Üzvlüyü | |
Fəxriyyə Lilpar Bakıda anadan olub. Azərbaycan Dövlət Mədəniyyət və İncəsənət Universitetinin "Kütləvi Tədbirlər Rejissorluğu" (KTR) fakültəsinin rejissorluq ixtisasının bakalvr pilləsini fərqlənmə ilə bitirib.
2013-cü ildə Azərbaycan Dövlət Mədəniyyət və İncəsənət Universitetinin "Rejissor sənəti tarixi və nəzəriyyəsi" fakültəsinin rejissorluq ixtisasının magistr pilləsinə daxil olub, 2015-ci ildə fərqlənmə ilə bitirib.
2017-ci ildə Bakı Xoreoqrafiya Akademiyasının "Sənətşünaslıq" kafedrasında 6203.01 — "İncəsənətin nəzəriyyəsi, təhlili və tənqidi" ixtisasına daxil olub, 2020-ci ildə oranın doktorantı kimi təhsilini uğurla başa vurub. 2021-ci ildə "Müstəqillik dövrü Azərbaycan teleməkanında incəsənət proqramlarının yaradıcılıq problemləri" mövzusunda elmi-tədqiqat işini araşdırıb və sonra AMEA Memarlıq və İncəsənət İnstitutunda müdafiə edərək Azərbaycan Prezidenti yanında Ali Attestasiya Komissiyasından sənətşünaslıq üzrə fəlsəfə doktoru elmi dərəcəsi alıb.[2]
Bir sıra beynəlxalq və ölkədə keçirilən konfranslarda, həmçinin dövrü mətbuatda elmi məqalələrlə çıxışlar edib.
2005–2013-cü illərdə İctimai Televiziya və Radio Yayımları Şirkətində müəllif-aparıcı, redaktor, böyük redaktor vəzifələrində çalışıb. O cümlədən bir sıra yazıçı və şairlərin yaradıcılıq gecələrinin, sənədli filmlərin müəllifi, rejissoru və layihə rəhbəri, kimi fəalyyət göstərib. Çalışdığı müddətdə İctimai Televiziya və Radio Yayımları Şirkəti ilə Türkiyənin TRT kanalının "Türkiyənin səsi" radiosunun ortaq layihəsi olan "Qorqud ata" layihəsində aparıcı-redaktor kimi iştirak edib. Türkiyə-Azərbaycan mədəni-ictimai əlaqələrinin genişlənməsində aktiv iştirak edib.
2013–2015-ci illərdə Azad Azərbaycan Televiziyasında layihə rəhbəri, müəllif-aparıcı, redaktor kimi fəaliyyət göstərib.
2015–2021-ci illərdə Lider Televiziyası və Radiosu Şirkətində layihə rəhbəri, müəllif-aparıcı, redaktor kimi fəaliyyət göstərib.
2021–2023-cü illərdə ARB TV (Kanal S) şirkətində layihə rəhbəri, müəllif-aparıcı, redaktor kimi fəaiyyət göstərib.
2023-cü ildən Space TV-də layihə rəhbəri, müəllif-aparıcı, redaktor kimi fəaliyyət göstərir.
O cümlədən paralel olaraq Qərbi Azərbaycanın tarixi, ictimai-mədəni mühitini özündə əks etdirən tele-layihələrin müəllifi və aparıcısıdır.
2011–2018-ci illərdə Azərbaycan Respublikasının İnsan hüquqları üzrə müvəkkilinin (Ombudsmanın) yanında Uşaq Hüquqları Mərkəzində Azərbaycan Uşaq və Gənclərin Sülh Şəbəkəsində bədii rəhbər olub.
2020–2024-cü ildən "Bakı-Baku.az" saytında humanitar-siyasət şöbəsinin müdiri və parlament müxbiri kimi fəaliyyət göstərib.
Uzun illərdir teleməkanda ictimai-mədəni mühitin təbliğində böyük rol oynayan ölkədaxili və ölkəxaricində fəaliyyət göstərən ziyalıların (ictimai xadimlər, diplomatlar, sənət adamları və s.) həyat və yaradıcılıqlarını özündə əks etdirən "Xəzərin sahilindən…" layihəsinin təsisçisi, müəllif və aparıcısıdır.
Bakı Dövlət Universitetinin "Jurnalistika" fakültəsində pedaqoq kimi fəaliyyət göstərib.
Azərbaycan Jurnalistlər Birliyinin üzvüdür.
2 övladı var.
1. "Ədəbiyyat və incəsənət proqramlarının yaradıcılıq xüsusiyyətləri" Elmi məqalə Azərbaycan Respublikası Təhsil Nazirliyi. Azərbaycan Dövlət Mədəniyyət və İncəsənət Universiteti. "Elmi əsərlər" (elmi-nəzəri məcmuə) (ISSN-2221–7576), Bakı 2017 № 24 Səh. 138–146
2. "Televiziya incəsənət proqramları milli-mənəvi dəyərlər sisteminə yeni baxış kontekstində" Elmi məqalə Azərbaycan Dövlət Mədəniyyət və İncəsənət Universiteti. "Mədəniyyət dünyası" (elmi-nəzəri məcmuə) (İSSN-2221–7584), Bakı 2017 XXXIV Səh. 109–115
3. "Программы искуства в контексте типологического характера телевидения" Elmi məqalə "Поиск" международный научный журнал-приложение. (İSSN-1560–1730), Республики Казахстан 2018 № 1 (1) Səh. 101–106
4. "Azərbaycan televiziyasında incəsənət proqramlarının ilkin fəaliyyət prinsipləri" Elmi məqalə Azərbaycan Respublikası Mədəniyyət Nazirliyi. Mədəniyyət.az (elmi, metodiki, publisistik "Mədəni-maarif işi" jurnalı) (ISSN 2413–2365), Bakı May-iyun, 2018 319 Səh.42–45
5. "Televiziyalarımızda format axtarışı" Elmi məqalə Azərbaycan Yazıçılar Birliyi. "Qobustan" sənət toplusu, Bakı Payız-2018 3/180 Səh. 73–75
6. "İncəsənət proqramlarında jurnalistin peşəkarlıq göstəriciləri, dil və üslub xüsusiyyətləri" Elmi məqalə Bakı Xoreoqrafiya Akademiyası. "Sənət Akademiyası" (beynəlxalq elmi-nəzəri jurnal) (ISSN 2219–9837), Bakı 2018 № 1 (4) Səh. 109–112
7. "Sovet ideoloji kanonlar çərçivəsində incəsənət proqramlarının fəaliyyət prinsipləri" Elmi məqalə Bakı Xoreoqrafiya Akademiyası. "Sənət Akademiyası". (Beynəlxalq elmi-nəzəri jurnal) (İSSN 2219–9837), Bakı 2018 № 2 (5) Səh. 4–9
8. "Azərbaycan televiziyasının incəsənət və mədəniyyət proqramlarına Heydər Əliyev baxışı" Elmi məqalə Azərbaycan Milli Elmlər Akademiyası. "Filologiya və sənətşünaslıq" (ISSN 2663–4368), Bakı 2019 № 1 Səh. 197–199
9. "Hüdudsuz Yayım İmkanlarının Televiziyalara Təsir Vasitəsi Beynəlxalq Kontekstdə" Elmi məqalə Social Mentality Researcher Thinkers Journal 2019 № 5 (25) 1658–1661
10. "Azərbaycan teleməkanında incəsənət proqramlarının əsas tematikası və jurnalistin peşəkarlıq göstəriciləri" Tezis Azərbaycan Respublikası Təhsil Nazirliyi. Bakı Dövlət Universiteti. Doktorantların və gənc tədqiqatçıların XXI elmi konfransı, Bakı 2017 — Səh. 245–247
11. "Televiziya incəsənət proqramlarının maarifçilik funksiyası" Tezis IV Uluslararası Türk Kültür coğrafiyasında eğitim ve sosyal bilimler sempozyumu. Azerbeycan/Bakü 28–30 Haziran (iyun), 2018 — Səh. 152
12. "Teleməkanımızda milli mədəniyyət və incəsənətimizin işıqlandırılmasında Heydər Əliyev konsepsiyası" Tezis Özbəkistan Respublikası Fanlar Akademiyası. Özbək dili, ədəbiyyatı və folkloru İnstitutu. Qloballaşuv muammolarininq badiiy talkini va zamondoş obrazi. Beynəlxalq elmi-praktiki konfransın materialları. (İSBN 978-9943-5270-5-8), Taşkent 9–10 avqust, 2018 — Səh. 112–115
13. "İncəsənət proqramları televiziyanın tipoloji xarakteri kontekstində" Tezis Azərbaycan Respublikası Təhsil Nazirliyi. Azərbaycan Dövlət Mədəniyyət və İncəsənət Universiteti. Türksoylu xalqların musiqi mədəniyyətinin tədqiqi problemləri. XVII beynəlxalq elmi-praktiki konfransın materialları, Bakı 2018 — Səh. 109–113
- ↑ Fuad Biləsuvarlı. "Fəxriyyə Lilpar İsayeva: "Zövqlü danışan zövqsüz geyinə bilməz"". İstifadə tarixi: 5 yanvar 2026.
- ↑ "AVTOREFERATLAR" (PDF). İstifadə tarixi: 6 yanvar 2026.