Fətul Fətullayev

Fətul Həsən oğlu Fətullayev 1915-ci ildə Orconikidze (indiki Vladiqafqaz) şəhərində anadan olub. 1936-cı ildə Bakı dənizçilik texnikumunu “Uzaq səfərlər gəmi sürücüsü” ixtisası ilə bitirmişdir.^[2]

Xəzər Dəniz Gəmiçiliyinin gəmilərində əmək fəaliyyətinə başlayıb. Özünə qarşı tələbkarlığı ilə seçilən gənc tezliklə dənizçilər arasında nüfuz qazanmışdır. Neft donanmasının qabaqcıllarından olub. Liderlik keyfiyətləri və təşkilatçılıq qabiliyyəti Böyük Vətən müharibəsi illərində özünü xüsusilə büruzə verib. 1942-ci ildə kapitan göyərtəsinə qalxıb. Müharibə illərində iritonnajlı “ÜKP(b)” tankerində böyük istehsal riski olan yüklərin – hərbi sursatın, döyüş texnikasının və yanacağın daşınmasını həyata keçirib. Kapitanı olduğu gəmi dəfələrlə aviahəmlələrə məruz qalıb. Belə şəraitdə kapitan kimi xüsusi bacarıq və şücaət göstərib.

Müharibədən sonrakı illərdə tankerlərdə işləməkdə davam edib. Qabaqcıl metodlardan məharətlə istifadə edərək böyük nailiyyətlər əldə edib. Xəzərdə neftin yeni xətlərlə – Neft Daşlarından və Çələkəndən daşınmasında fəal iştirak edib. İyirmi il hami kapitan kimi donanma üçün təcrübəli kadrlar hazırlayıb.

• “Qırmızı Ulduz”,
• “Oktyabr İnqilabı” ordenləri,
• “Qafqazın müdafiəsinə görə”,
• “1941-1945-ci illərdə Böyük Vətən müharibəsində Almaniya üzərində qələbəyə görə”, “Əmək rəşadətinə görə”, “Əməkdə fərqlənməyə görə” medalları ilə qiymətləndirilib.
• “Dəniz donanmasının fəxri işçisi”
• “Xəzərin veteranı”

1. ↑ "Çətin vəziyyətlərdən baş çıxarmağı bacaran uzaq səfərlər kapitanı". 21 iyun 2020 tarixində orijinalından arxivləşdirilib. İstifadə tarixi: 19 iyun 2020.
2. ↑ "Fətul Həsən oğlu Fətullayev" (PDF). 19 iyun 2020 tarixində orijinalından (PDF) arxivləşdirilib. İstifadə tarixi: 19 iyun 2020.