Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinFərman Gülməmmədov (Gülməmmədov Fərman İbrahim oğlu; 7 noyabr 1939, Darbaz, Lüksemburq rayonu – 31 may 2021) — Azərbaycan əsilli həkim və Ukraynanın Əməkdar Elm Xadimi.[1][2]
| Fərman Gülməmmədov | |
|---|---|
| Fərman İbrahim oğlu Gülməmmədov | |
 | |
| Doğum tarixi | |
| Doğum yeri | |
| Vəfat tarixi | |
| Vətəndaşlığı |
Azərbaycan  Ukrayna  Gürcüstan  Gürcüstan |
| Atası | İbrahim Gülməmmədov |
| Milliyyəti | Azərbaycanlı |
| İxtisası | Həkim |
| Fəaliyyəti | Tibb sahəsi |
| Fəaliyyət illəri | 1964-cü ildən |
| Mükafatları |
SSRİ Tibb Əlaçısı Ukraynanın Əməkdar Elm Xadimi |
Fərman Gülməmmədov 1939-cu il noyabrın 7-də Borçalı mahalında – Gürcüstanın ovaxtkı Lüksemburq, indiki Bolnisi rayonunun Darvaz kəndində anadan olub.[3]
1947-ci ildə Darvaz kənd orta məktəbinin birinci sinfinə gedib, sonra təhsilini Bolnisi qəsəbəsində rus orta məktəbində davam etdirib. 1958-ci ildə orta məktəbi bitirib və elə həmin ildə Ukraynanın Donetsk Tibb İnstitutuna qəbul olunub.[4]
1964-cü ildən Donetsk vilayət xəstəxanasında həkim kimi fəaliyyətə başlayıb. Az sonra isə Klinik-cərrahiyyə şöbəsinin müdiri vəzifəsinə təyin olunub.
1971-ci ildə dissertasiya müdafiə edərək, tibb elmləri namizədi elmi dərəcəsi qazanıb. 1984-cü ildə "Yoğun bağırsaq xəstəliklərində cərrahi müalicə" mövzusunda doktorluq dissertasiyası müdafiə edərək, ttibb elmləri doktoru elmi dərəcəsinə yüksəlib.
Fərman Gülməmmədov 1991–1994-cü illərdə Azərbaycanda — Bakı şəhərində işləyib və Azərbaycan Elmi Tədqiqat Qastroenterologiya İnstitutunda bağırsaq xəstəliklərinin cərrahi əməliyyatları sahəsinə rəhbərlik edib. 1995-ci ildə yenidən Donetskə qayıdıb və Tibb Universitetinin "Ümumi cərrahlıq" kafedrasının müdiri vəzifəsində fəaliyyətə başlayıb.[2]
Fərman Gülməmmədov məhsuldar elmi tədqiqat və praktiki tibbi fəaliyyətinə görə SSRİ Tibb əlaçısı və Ukraynanın Əməkdar elm xadimi fəxri adlarına layiq görülmüşdür. Onun rəhbərliyi altında 1 doktorluq və 6 namizədlik dissertasiyası müdafiə edilib. Professor Gülməmmədovun elmi və pedoqoji fəaliyyətinin nəticələri 300-dən çox elmi əsərdə, o cümlədən 2 fundamental monoqrafiyada öz əksini tapıb. Tanınmış alim 50-dən artıq beynəlxalq, ittifaq və respublika səviyyəli elmi konqres, müşavirə və konfranslarda çıxış edib, onlarla elmi məqalənin müəllifidir.[1]
- ↑ 1 2 "Professor FƏRMAN GÜLMƏMMƏDOV (1939)". 23 oktyabr 2021 tarixində arxivləşdirilib. İstifadə tarixi: 1 iyun 2018.
- ↑ 1 2 "Гюльмамедов Фарман Ибрагимович". 8 sentyabr 2013 tarixində arxivləşdirilib. İstifadə tarixi: 8 sentyabr 2013.
- ↑ Bağıyeva, Mətanət. Xaricdə yaşayan azərbaycanlılar. Qısa bioqrafik məlumat kitabçası (PDF) (az.). Bakı: "Papirus NP". 2016. ISBN 978-9952-8299-1-4. 21 oktyabr 2017 tarixində arxivləşdirilib (PDF). İstifadə tarixi: 21 oktyabr 2017.
- ↑ "FƏRMAN GÜLMƏMMƏDOV". 23 aprel 2021 tarixində arxivləşdirilib. İstifadə tarixi: 1 iyun 2018.