Fərid Rəfiyev (30 may 1981, Bakı) — Azərbaycan alimi, bariatrik-metabolik həkim, 1 ixtiranın və elmdə hazırda istifadə olunan 3 səmərələşdirici təklifin müəllifidir. 256 kiloqram ilə Azərbaycanın ən nəhəng adamı hesab edilən qadının üzərində uğurlu mədəkiçiltmə əməliyyatı ilə Azərbaycanda ilkə və rekorda imza atmışdır.[1]
| Fərid Rəfiyev | |
|---|---|
| Doğum tarixi | 30 may 1981 (44 yaş) |
| Doğum yeri | |
| Təhsili | |
| Fəaliyyəti | alim, bariatrik cərrah[d] |
| Elmi dərəcəsi |
|
Rəfiyev Fərid Səxavət oğlu 30 may 1981-ci ildə Bakı şəhərində anadan olub. 1998-ci ildə orta məktəbi fərqlənmə ilə bitirdikdən sonra həmin ildə Azərbaycan Tibb Universitetinin müalicə-profilaktika fakültəsinə daxil olmuşdur. 2004-cü ildə həmin universiteti fərqlənmə diplomu ilə bitirmişdir. 2007-ci ildə Almaniyanın Berlin şəhərində "Miniinvaziv cərrahiyyə" və "Laparoskopik cərrahiyyə" kurslarını keçmişdir. "Laparoskopik fundoplikasiya ağırlaşmalarının profilaktikası" mövzusundakı elmi işinə görə 2013-cü ildə tibb elmləri üzrə fəlsəfə doktoru adına layiq görülüb. 2011-ci ildə Fransanın Klermont şəhərində "CİCE" kurslarını fərqlənmə ilə bitirərək proffessor Bruhat-ın diplomu ilə təltif edilib. 2014–2016-cı illərdə "İlin həkimi" fəxri mükafatna layiq görülüb. 2018-ci ildə The international Mini Gastric Bypass Surgeon of Excellence Bronze Certification mükafatı almışdır. 2021-ci ildə Strasburq şəhərində keçirilən Ircad Certificate of training in minimal access surgery kursunu uğurla bitirib.[2]
Ailəlidir. 4 övladı var.
2004–2006-cı illər ərzində 1-ci cərrahi xəstəliklər kafedrasında klinik-ordinator vəzifəsində fəaliyyət göstərib. 2006–2009-cu illər ərzində həmin kafedranın aspirantı olmuşdur. 2008-ci ildə Türkiyənin İstanbul şəhərində "İstanbul cərrahi hastanesi" klinikasında həkim-cərrah vəzifəsində, daha sonra Almaniyanın "Vivantes Humbolt klinikum" və "DrK klinikum Westend" klinikalarında çalışıb. 2007–2015-ci illərdə Uniklinika xəstəxanasının cərrahiyyə şöbəsinin müdiri, 2015-ci ildən etibarən isə Medera Hospitalda Cərrahiyyə Şöbəsinin müdiri vəzifəsini icra edir.[2]
1500-dən artığı bariatrik və metabolik olmaqda toplam 4500-dən artıq əməliyyat etmişdir. Karyerasında daha çox 2019-cu ildə 256 kiloqram ilə Azərbaycanın ən nəhəng adamı hesab edilən qadının üzərində uğurlu mədəkiçiltmə əməliyyatı ilə Azərbaycanda ilkə və rekorda imza atması ilə məşhurdur.[2]
21 məqalə, 1 ixtira və elmdə hazırda istifadə olunan 3 səmərələşdirici təklifin müəllifidir. Beynəlxalq Piylənmə və Metabolik Xəstəliklərin Cərrahiyyəsi Federasiyasının və Oksford Universitetinin Beynəlxalq Bariatrik Klubunun həqiqi üzvüdür.[2]
- ↑ modern.az. "Azərbaycanın ən nəhəng adamını əməliyyat edən həkim: "500-dən çox insanın mədəsini kiçiltmişik"". modern.az (az.). 2022-12-08 tarixində arxivləşdirilib. İstifadə tarixi: 2022-12-08.
- ↑ 1 2 3 4 "Haqqımda - Bariatrik-Metabolik cərrah - PhD., Dr. Fərid Rəfiyev | Nömrə 1 Arıqlama-Reflü Mərkəzi" (az.). 2019-09-02. 2022-12-08 tarixində arxivləşdirilib. İstifadə tarixi: 2022-12-08.