Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinFərid Əliyev (general-mayor)
Bu məqalənin ensiklopedik tələblərə cavab vermədiyinə dair şübhələr var. |
Fərid Əlibaba oğlu Əliyev (1987, Bakı) — Azərbaycan Respublikası Müdafiə Nazirliyinin Hərbi-Texniki Təchizat Baş İdarəsi rəisinin müavini — Hərbi-Texniki Satınalmalar İdarəsinin rəisi, baş idarə rəisinin səlahiyyətlərini müvəqqəti icra edən (2023-cü ildən), general-mayor.
| Fərid Əliyev | |
|---|---|
  | |
Vəzifədədir | |
| 11 avqust 2023-cü ildən | |
| Nazir | Zakir Həsənov |
| Əvvəlki | Aqil Qurbanov |
| Şəxsi məlumatlar | |
| Doğum tarixi | 1987 (38–39 yaş) |
| Doğum yeri | |
| Təhsili | |
| Hərbi xidmət | |
| Mənsubiyyəti |
 Azərbaycan Ordusu |
| Rütbəsi |
 General-mayor |
Fərid Əlibaba oğlu Əliyev 1987-ci ildə Bakı şəhərində anadan olmuşdur. 2008-ci ildə Azərbaycan Dövlət İqtisad Universitetinin Beynəlxalq iqtisadi münasibətlər fakültəsini, 2015-ci ildə isə Bakı Dövlət Universitetinin Hüquq fakültəsini bitirmişdir.[1]
Əmək fəaliyyətinə Azərbaycan Respublikası Dövlət Gömrük Komitəsinin Maliyyə-Tarif və Valyuta Nəzarəti Baş İdarəsinin Gömrük vergi və yığımları şöbəsinin inspektoru vəzifəsində başlamış və komitənin Gömrük Risklərinin İdarəolunması və Audit Baş İdarəsinin rəisi vəzifəsinə qədər yüksəlmişdir. 2023-cü ilin yanvar ayında gömrük xidməti polkovniki rütbəsində vəzifəsindən ayrılmış və Müdafiə Nazirliyində maliyyə və audit üzrə yüksək vəzifəyə təyin edilmişdir.[1]
Azərbaycan Respublikası Prezidentinin 11 avqust 2023-cü il tarixli Sərəncamı ilə Fərid Əliyev Müdafiə Nazirliyinin Hərbi-Texniki Təchizat Baş İdarəsi rəisinin müavini — Hərbi-Texniki Satınalmalar İdarəsinin rəisi təyin edilmiş[2] və o, baş idarəsi rəisinin səlahiyyətlərini icra etməyə başlamışdır. İki ay sonra, 7 noyabr 2023-cü ildə ona general-mayor ali hərbi rütbəsi verilmişdir.[3]
Fərid Əliyev Sabunçu Rayon İcra Hakimiyətinin keçmiş başçısı Əlibaba Əliyevin oğludur.[4]
- ↑ 1 2 "General-mayor rütbəsi alan zabitlər kimlərdir?". qaynarinfo.az. 7 noyabr 2023. İstifadə tarixi: 1 yanvar 2026.
- ↑ "F. Ə. Əliyevin Azərbaycan Respublikası Müdafiə Nazirliyinin Hərbi-Texniki Təchizat Baş İdarəsi rəisinin müavini — Hərbi-Texniki Satınalmalar İdarəsinin rəisi təyin edilməsi haqqında Azərbaycan Respublikası Prezidentinin Sərəncamı". e-qanun.az. 11 avqust 2023. İstifadə tarixi: 1 yanvar 2026.
- ↑ "Azərbaycan Respublikası Müdafiə Nazirliyinin hərbi qulluqçularına "general-mayor" ali hərbi rütbəsinin verilməsi haqqında Azərbaycan Respublikası Prezidentinin Sərəncamı". e-qanun.az. 7 noyabr 2023. İstifadə tarixi: 1 yanvar 2026.
- ↑ "36 yaşında general olan Fərid Əliyev bu məmurun oğludur". pravda.az. 11 iyul 2023. İstifadə tarixi: 19 noyabr 2024.
