Əbu Həfs Əmr ibn Əli ibn Bəhr əl-Fəllas əl-Bəhili əs-Səyrəfi (ərəb. الفلاّس; 777, Bəsrə, İraq – 864, Əskəri-Mükrəm, indiki Xuzistan, İran) — mühəddis və müfəssir.[1]
| Fəllas | |
|---|---|
| ərəb. الفلاّس | |
| Doğum adı | عمرو بن علي بن بحر بن كنيز السقاء الفلاس |
| Doğum tarixi | |
| Doğum yeri | Bəsrə, İraq |
| Vəfat tarixi | |
| Vəfat yeri | Əskəri-Mükrəm, indiki Xuzistan, İran |
| Elm sahələri | hədis, təfsir |
| Tanınmış yetirməsi | İbn Əbid-Dünya |
Hicri 160-cı (777) illərdə Bəsrədə dünyaya gəlib. Həmmad ibn Zeyd, Süfyan ibn Uyeynə, Vəki ibn Cərrah, Yəhya əl-Qəttan, Əbu Davud ət-Təyalisi, Əbdürrəhman ibn Mehdi kimi mühəddislərdən hədis rəvayət edib. Ondan da Züheyr ibn Hərb, Buxari, Əbu Züra ər-Razi, Müslüm, Əbu Xətim ər-Razi, Əbu Davud, İbn Əbid-Dünya, Tirmizi, Abdullah ibn Əhməd ibn Hənbəl, Nəsai, Təbəri, İbn Macə və Əffan ibn Müslüm kimi tanınmış alimlər hədis rəvayət ediblər. O, hicri 249-cu (864) ildə Əskəri-Mükrəmdə[2] (indiki Əhvazın şimalı) vəfat etmiştir.[3][4]
Mənbələrdə Fəllasın, ondan Əli ibn İsmayıl ibn Həmmad vasitəsi ilə rəvayət edilmiş "Təfsirül-Quran", "Müsnəd", "əl-İləl" və "ət-Tarix" adlı əsərin müəllifi olduğundan bəhs edilir. Fəllasın rəvayətlərinə "Kütübi-sittə"də və digər hədis kitablarında yer verilmişdir.[1]
- ↑ 1 2 Başaran, Selman. "FELLÂS". TDV İslâm Ansiklopedisi. 1995. 25.09.2025 tarixində arxivləşdirilib. İstifadə tarixi: 25.09.2025.
- ↑ Buxari. ət-Tarixus-Sağir (ərəb). II. 388.
- ↑ "عمرو بن علي بن بحر بن كنيز الصيرفي أبي حفص الباهلي". tarajm. 26.09.2025 tarixində arxivləşdirilib. İstifadə tarixi: 26.09.2025.
- ↑ İbn Xəlfun. əl-Müəllim bi-şuyux əl-Buxari və Müslüm (ərəb).