Eyvaz Məhəmmədhəsənov (Eyvaz İmamverdi oğlu Məhəmmədhəsənov) — Qazaxıstan Azərbaycanlıları Assosiasiyası sədrinin regionlar üzrə müavini, Qazaxıstan Xalqları Assambleyasının üzvü[1].
| Eyvaz Məhəmmədhəsənov | |
|---|---|
| Eyvaz İmamverdi oğlu Məhəmmədhəsənov | |
| Doğum tarixi | |
| Doğum yeri | Tolebi rayonu, Qazaxıstan |
| Milliyyəti | azərbaycanlı |
Eyvaz Məhəmmədhəsənov 1958-ci ildə martın 2-də Qazaxıstan Respublikasının Canbul vilayətinin Tolebi rayonunun Jana Jol (Yeni-Yol) kəndində çoxuşaqlı (11 uşaq olublar) ailədə dünyaya göz açıb. Həmin kənddə Panfilov adına orta məktəbdə təhsil alıb. Atası Məhəmmədhəsənov İmamverdi Kəlbi oğlu 1925-ci ildə Masallı rayonunun Qızılağac kəndində anadı olub. Ailəsi 1937-ci ildə Azərbaycanın Masallı rayonunun Qızılağac kəndindən Qazaxıstana sürgün olunub. Atası Böyük Vətən Müharibəsi iştirakçısı olub. SSRİ Ali Soveti Rəyasət Heyətinin Fərmanına əsasən 1948-ci il martın 28-də İmamverdi Məhəmmədhəsənov Sosialist Əməyi Qəhrəmanı adına layiq görülüb. 1999-cu ildə Qazaxıstanda dünyasını dəyişib. Tolebi rayon mərkəzində onun büstü qoyulub, o cümlədən adına küçə verilib[2].
Eyvaz Məhəmmədhəsənov 1976-cı ildə hərbi xidmətini Ukraynanın Kiyev şəhərində başa vurduqdan sonra Almatı şəhərinə qayıdıb. 1991–1992-ci illərdə Almaatı Sovet Ticarəti Texnikumunda təhsil alıb. Sahibkardır[1].
Ailəlidir, 2 qızı, 2 nəvəsi var.
Eyvaz Məhəmmədhəsənov Almatıda Azərbaycan diasporunun yaradıcılarından biridir. 1996-cı ildən Qazaxıstan Respublikasının Almatı şəhəri "Ozan" Azərbaycan Mədəniyyət Mərkəzinin idarə heyətinin üzvüdür. 2005-ci il iyunun 1-də 5 namizəd içərisində səsçoxluğu ilə Almatı şəhər "Ozan" Azərbaycan Mədəniyyət Mərkəzinin sədri seçilib.
2008-ci ildən Qazaxıstan Azərbaycanlıları Assosiasiyasının idarə heyətinin üzvüdür. 2008–2018-ci illərdə Qazaxıstan Azərbaycanlıları Assosiasiyasının Almatı şəhər şöbəsinin sədri olub. 2018-ci ildən Qazaxıstan Azərbaycanlıları Assosiasiyası sədrinin müavinidir. 2009-cu ildən Qazaxıstan Xalqları Assambleyasının üzvüdür.
Qazaxıstanın ən yüksək dövlət mükafatlarına, orden və medallara layiq görülüb.
- "Qazaxıstan Respublikasının müstəqilliyinin 20 illiyi" yubiley medalı (2011).
- Qazaxıstan Xalqları Assambleyasının "Birlik" qızıl medalı (2013) .
- "Qazaxıstan Xalqları Assambleyasının 20 illiyi" yubiley medalı (2015) .
- "Qazaxıstan Respublikasının müstəqilliyinin 20 illiyi" yubiley medalı (2016).
- "Kurmet" (Şöhrət) ordeni (2016).
- "Astana şəhərinin 20 illiyi" yubiley medalı (2017).
- "Jomart-jan" (Zəngin qəlb) medalı (2019).
- "Qazaxıstan Respublikasının Konstitusiyasının 25 illiyi" yubiley medalı (2020).
- "Qazaxıstan Xalqları Assambleyasının 25 illiyi" yubiley medalı (2020).
- ↑ 1 2 "Eyvaz İmamverdi oğlu Məhəmmədhəsənov" (az.). vatanpress.com. 2019-12-31 tarixində arxivləşdirilib. İstifadə tarixi: 2021-01-17.
- ↑ "Накануне Дня независимости страны члены Общественного объединения "Ассоциация азербайджанцев Казахстана" удостоены высоких наград" (rus). diaspor.gov.az. 2020-01-24 tarixində arxivləşdirilib. İstifadə tarixi: 2021-01-17.