Aqni Parten ( yun . Ἁγνὴ Παρθένε ), azərbaycan dilinə "Ey Pak Bakirə" kimi tərcümə edilmiş, 19-cu əsrin sonlarında Müqəddəs Eginalı Nektarios tərəfindən bəstələnmiş və ilk dəfə Theotokarion (Theotokarion) kitabında çap olunmuş Bakirə Məryəm haqqında bir yunan ilahisidir.
Pravoslav kilsələrində bu ilahi, paraliturgik himn sayılır və buna görə də yalnız liturgik mərasimlərdən kənarda istifadə olunur. Bununla belə, o, tez-tez bəzi xorlar tərəfindən xaça ehtiram və antidoron qəbulu zamanı İlahi Liturgiya bitdikdən sonra tənəzzül kimi ifa olunur.
Ey pak və bakirə Xanım,
Ləkəsiz Allahdoğuran,
Sevin, ey bəysiz Gəlin!
Mələkə, Bakirə Ana,
Ey şehlə örtülü saf yun,
Sevin, ey bəysiz Gəlin!
Göylər yanında alçaqdır
Ən parlaq çıraq – zil qara,
Sevin, ey bəysiz Gəlin!
Bakirə xoruna fərəhsən,
Məlaikədən şəstlisən,
Sevin, ey bəysiz Gəlin!
Səmadan daha nuranisən,
Gün işığından cılxasan,
Sevin, ey bəysiz Gəlin!
Ey bütün səmavi ordulardan
Qüdsilikdə öndə olan,
Sevin, ey bəysiz Gəlin!
Ey əzəldən Bakirə olan,
Bütün aləmin Xanımı,
Sevin, ey bəysiz Gəlin!
Eyibsiz Gəlin, tərtəmiz,
Ey Xanım Panagia,
Sevin, ey bəysiz Gəlin!
Ey Məryəm, Mələkə cavanəzənimiz,
Sən şadlığımıza səbəbsən,
Sevin, ey bəysiz Gəlin!
Ey Mələkəmiz, məğrur qız,
Ən müqəddəs Anamızsan,
Sevin, ey bəysiz Gəlin!
Keruvlardan daha hörmətlisən,
Onlardan çox daha görkəmlisən,
Sevin, ey bəysiz Gəlin!
Peykərsiz Seraflardan
Və Mələk Taxtlardan üstün olan,
Sevin, ey bəysiz Gəlin!
Sən ki, Keruvların nəğməsi,
Mələklərin ilahisisən,
Sevin, ey bəysiz Gəlin!
Sevin, Serafların mədhnaməsi,
Arxangellərin şadlığı,
Sevin, ey bəysiz Gəlin!
Sevin, ey Sülh və Səadət,
Ey böyük Xilas limanı,
Sevin, ey bəysiz Gəlin!
Kəlamın ali məkanı,
Dağılmazlığın çiçəyi,
Sevin, ey bəysiz Gəlin!
Sevin, ey əzəli həyatın
Valehedici rəhməti,
Sevin, ey bəysiz Gəlin!
Sevin, ey ruzigar ağacı
Və əzəliyətin bulağı,
Sevin, ey bəysiz Gəlin!
Xanım, mən sənə yalvarıram
Və indi səni çağırıram,
Sevin, ey bəysiz Gəlin!
Külli Mələkə, sənə yaxarıram
Və lütfunu arzulayıram,
Sevin, ey bəysiz Gəlin!
Şövkətli və Ləkəsiz Qız,
Ey böyük Xanım Panagia,
Sevin, ey bəysiz Gəlin!
Sənə həvəslə səslənirəm,
Ey qüdsi və müqəddəs məbəd,
Sevin, ey bəysiz Gəlin!
Mədədini ver mənə,
Yağıdan məni hifz et,
Sevin, ey bəysiz Gəlin!
Və məni səmədaniyyətin
Varisi olmağa layiq et,
Sevin, ey bəysiz Gəlin!
Mütǝrcim:İ.Francis Axundzadǝ(Katolik İcma)