Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinEusebius kilsəsi və ya Eusebiuskerk. həmçinin Krout kerk, (nid. Sint-Eusebius Kerk, Eusebiuskerk — Arnem şəhərində kilsə. O, 93 metr hündürlüyü ilə Arnhem şəhərindəki ən böyük kilsə və ən hündür bina olaraq tanınır.
| protestantlıq | |
| Eusebius kilsəsi | |
|---|---|
 | |
 | |
| Ölkə | |
| Üslubu | qotika |
| Hündürlüyü | 93 m |
| eusebius.nl | |
 Vikianbarda əlaqəli mediafayllar | |
Kilsənin diqqətçəkən xüsusiyyətlərindən biri, 1994-cü ildə əlavə edilən liftdir. Bu lift ziyarətçilərin kilsənin ən yüksək nöqtəsinə qalxaraq Arnhem şəhərinin mənzərəsini seyr etməsinə imkan yaradır. Daha maraqlısı isə, ziyarətçilər kilsənin arxa hissəsində yerləşən türbəyə daxil olaraq, qaranlıq türbədə səliqə ilə düzülmüş bir neçə skeleti görə bilirlər.[1]
Hazırkı binanın yerində əvvəllər Müqəddəs Martinə həsr olunmuş kilsə olub. Lakin XV əsrin əvvəllərində Müqəddəs Eusebiusun əşyaları şəhərə gətirildikdən sonra, köhnə kilsənin yerində bu müqəddəsə həsr olunmuş yeni bir kilsə tikmək qərara alındı. Tikintiyə 1452-ci ildə Eqmond Hersoqu Arnoldun birinci daşı qoyması ilə başlanıldı və növbəti əsr boyunca köhnə bina tədricən yeni kilsə ilə əvəz olundu.[2]
Kilsə 1944-cü ildə "Market Garden" əməliyyatı zamanı İkinci Dünya müharibəsi dövründə ciddi zərər gördü. Reyn çayı üzərindəki körpü uğrunda Britaniya leytenant-polkovnik Con Dutton Frostun komandanlığı altında olan paraşütçülər və almanlar arasında baş verən döyüş zamanı kilsə tamamilə yandırıldı. Daha sonra yanğın nəticəsində zəifləyən qüllə tamamilə uçdu.
Müharibədən sonra kilsə 1946-1961-ci illər arasında Amsterdam Memarlıq Məktəbinin üzvü və Kalvinist kilsə binaları tikməsi ilə tanınan holland memarı Berend Tobia Boeyinqanın rəhbərliyi altında bərpa edildi. Kilsə indi əsasən turistik məkan kimi istifadə olunur və müəyyən dini mərasimlər üçün istifadə edilir. Xüsusilə Alman qüvvələrini təcrid etmək üçün Nederreyndəki körpünü ələ keçirməyə çalışan Müttəfiq qüvvələrin paraşütçülərinin igidliyini xatırlayır.
1994-cü ildə Arnhem bələdiyyəsi kilsə qülləsinə lift quraşdırılmasını sifariş etdi. Ziyarətçilər kiçik bir ödəniş ödəyərək liftlə qalxıb kilsənin zəngləri arasından keçərək kilsənin çardaq hissəsinə çıxa bilirlər. Buradan turist durbinləri və ya sadəcə gözlə 360 dərəcəlik şəhər mənzərəsini seyr etmək mümkündür.[3] Ziyarətçilər həmçinin qüllənin ən ucqar nöqtəsinə çıxmaq üçün son bir neçə pilləni də qalxa bilirlər. Kilsənin orqanı hələ də fəaliyyətdədir və yaxşı vəziyyətdədir. Kilsənin özü isə bir sıra maraqlı əşyalar və xatirə əşyaları ilə zəngindir.
- ↑ "Arnhem".
- ↑ "Arnhem (G): St. Eusebius". Archimon, The virtual museum of religious architecture in The Netherlands. İstifadə tarixi: 28 aprel 2008.
- ↑ "Day trips: Arnhem - Expatica". Expatica. İstifadə tarixi: 28 aprel 2008.