Erna Auerbax (alm. Erna Auerbach; d. 1897 –ö. 1975) — Almaniya anadan olmuş rəssam və incəsənət tarixçisi, daha çox İngiltərədə Tüdorlar dövrü rəssamları ilə bağlı apardığı tədqiqatları ilə sənətşünas.
| Erna Auerbax | |
|---|---|
| Erna Auerbach | |
| Doğum tarixi | 1897[1][2][…] |
| Doğum yeri | |
| Vəfat tarixi | 1975[1][2][…] |
| Vəfat yeri | |
| Təhsili | |
| Fəaliyyəti | sənətşünas, rəssam |
| Mükafatları | Şablon:Wikidata/P166 |
O, rəssam Emma Kermanın (1867–1958) qızı idi.[3] Atası Ernst (1861–1926) isə kollecdə müəllim işləyir və tədris proqramına vətəndaşlıq fənninin daxil edilməsinə kömək edirdi.[4]
O, Frankfurt, Bonn və Münxen universitetlərində incəsənət tarixi üzrə təhsil alıb. Onun doktorluq işinə Rudolf Kautç rəhbərlik edib, həmçinin Henrix Völflinin də tələbəsi olub. Təhsil aldığı müddətdə o, filosof Hans Kornelius, klassik arxeoloq Hans Şreder və Ştedel İncəsənət İnstitutunun direktoru Georg Svartsenskidən də dərs alıb.[4] Onun doktorluq dissertasiyası XVI əsr Alman portret rəssamlığı haqqında olub.[4] Lakin doktorluq dərəcəsini aldıqdan sonra rəssamlıq üzrə təhsil almağa davam edib. O, Yohannes Sissarts və Villi Baumaysterin dərslərində iştirak edib və 1926-cı ildə Parisdə müəyyən müddət keçirib.[4]
Onun ilk fərdi sərgisi 1925-ci ildə Lyudvig Şams qalereyasında keçirilib. O, həmçinin Frankfurter Kyunstlerbund birliyinin və 1930-cu ildə təşkil olunan "Qadınlar tərəfindən təmsil edilən qadınlar" adlı sərginin kollektiv ekspozisiyalarında iştirak edib. Bu dövrdə o, Frankfurt Folksbildunqshaym və digər incəsənət məktəblərində axşam dərsləri də keçib. Lakin nasist hökumətinin artan nəzarəti onun üçün həm tədris etməyi, həm də sərgilərdə iştirak etməyi çətinləşdirdi. O, 1933-cü ildə Londona köçdü və sonradan "itirilmiş nəsil" rəssamlarından biri kimi tanındı – yəni Alman incəsənət səhnəsində yerini tapmış, lakin nasist rejiminin yüksəlişi ilə Almaniyanı tərk etməyə məcbur olmuş və yeni vətənlərində yerini tapmaqda çətinlik çəkən sənətçilərdən biri oldu.[4]
O, Almaniyada və 1933-cü ildə İngiltərəyə mühacirət etdikdən sonra burada da sərgilərdə iştirak edib. Lakin İkinci Dünya Müharibəsi zamanı onun studiyası dağıldıqdan sonra incəsənət tarixinə geri döndü.
Müharibədən sonra o, Londondakı Kurto İnstitutunda təhsil aldı və Tüdor sarayının sənətçiləri üzərində araşdırmalar apararaq XVI əsr İngiltərəsində himayədarlıq və rəssamlıq mövzusunda ikinci dissertasiyasını yazdı.[3] Bu dissertasiya onun ilk nəşr olunan kitabına – Tüdor rəssamları(1954) çevrildi. Bu kitab, Tüdor və Elizabet dövrlərində rəsm və miniatür sənətinin sənədli mənbələrini müasir dövrdə ilk dəfə sistemləşdirən əsər idi.[5] O 1975-ci ildə Londonda vəfat edib.[3]
- Tudor Artists: A Study of Painters in the Royal Service and of Portraiture on Illuminated Documents from the Accession of Henry VIII to the Death of Elizabeth I, Athlone, 1954
- Nicholas Hilliard, Routledge & Kegan Paul, 1961
- Paintings and Sculpture at Hatfield House, Constable, 1971, ISBN 978-0094576407
- ↑ 1 2 Dictionary of Art Historians (ing.).
- ↑ 1 2 Beynəlxalq standart ad identifikatoru. 2012.
- ↑ 1 2 3 Sorenson, Lee (redaktor). Auerbach, Erna // Dictionary of Art Historians. İstifadə tarixi: 13 noyabr 2014.
- ↑ 1 2 3 4 5 "Frankfurter Frauenzimmer - Biografien". www.frankfurterfrauenzimmer.de. İstifadə tarixi: 2020-03-22.
- ↑ Howard, Maurice. "Historiographies for Painting in Tudor Britain". İstifadə tarixi: 13 noyabr 2014.