Ermənistan Marksist Partiyası (erm. Հայաստանի մարքսիստական կուսակցություն, Hayastani Marksistakan Kusaktsutiun) — Ermənistanda siyasi partiya. 2009-cu ildə ləğv edilmişdir.
| Lideri | David Akopyan |
|---|---|
| Quruluş tarixi | 1997 |
| Dağılma tarixi | 2009 |
| Baş qərargah | İrəvan, Ermənistan |
| İdeologiya | Marksizm–Leninizm |
2003-cü il Ermənistan parlament seçkilərindən əvvəl partiya Ermənistan Kommunistlər İttifaqı ilə birlikdə "Azad və Ədalətli Ermənistan" seçki alyansının bir hissəsi idi. Buna baxmayaraq, hər iki partiyadan heç biri lazımi qeydiyyatı təqdim etmədiyi üçün blokun qeydiyyatı rədd edilmişdir. Ermənistan Marksist Partiyası 1997-ci ildə qeydiyyatdan keçsə də, 1 yanvar 2003-cü il tarixində yenidən qeydiyyatdan keçə bilməmişdir. Belə ki, hər iki partiyadan heç biri 2003-cü il seçkilərində iştirak edə bilməmişdir.[1]
7 iyul 2003-cü ildə partiya rəsmi olaraq Ermənistan Birləşmiş Kommunist Partiyası ilə birləşmişdir. Buna baxmayaraq, partiya 2007-ci ildə Ermənistanda keçirilən parlament seçkilərində müstəqil şəkildə iştirak etmiş və cəmi 0,20% səs toplamışdır. Partiya 2009-cu ilə qədər müəyyən siyasi fəaliyyətlərini davam etdirmişdir.[2]
- ↑ "Armenian News - PanARMENIAN.Net". 2007-09-30 tarixində arxivləşdirilib. İstifadə tarixi: 2022-05-07.
- ↑ "Մարքսիստ Դավիթ Հակոբյանը թիվ 10 ընտրատարածքում քարոզչություն չի իրականացնի". 2020-12-02 tarixində arxivləşdirilib. İstifadə tarixi: 2022-05-07.