İsveçrə—Ermənistan münasibətləri — İsveçrə və Ermənistan arasında iki tərəfli diplomatik münasibətlər. Hər iki ölkə Birləşmiş Millətlər Təşkilatının üzvüdür. 23 dekabr 1991-ci ildə İsveçrə Ermənistanın müstəqilliyini tanımışdır. O vaxtdan bəri ölkələr arasında diplomatik əlaqələr davam edir.
| İsveçrə—Ermənistan münasibətləri | |||||
|---|---|---|---|---|---|
 | |||||
|
|||||
 Vikianbarda əlaqəli mediafayllar | |||||
Ermənistanın İsveçrədəki və İsveçrənin Ermənistandakı səfiri (Tiflisdəki) 2002-ci ildə akkreditə olunmuşdur.
9 ildən sonra, 2011-ci ildə İsveçrə İrəvanda səfirlik açmışdır. Ermənistanınsəfirliyi isə Cenevrədə, Birləşmiş Millətlər Təşkilatındakı Ermənistan nümayəndəliyindədir.
İsveçrə 16 dekabr 2003-cü ildə erməni soyqırımını tanımışdır. Ölkədə soyqırımın inkar edilməsi cərimə ilə cəzalandırılır.
İsveçrədə 4000-6000 arası erməni yaşayır və Ermənistanda 26 İsveçrə vətəndaşı vardır.
Ermənistan SSR İsveçrədən maliyyə və humanitar yardım almışdır. Buna misal olaraq Spitak zəlzələsi zamanı edilən yardımı göstərmək olar.
İsveçrə vasitəçiliyi
İsveçrə iki ölkə arasındakı ikitərəfli münasibətləri normallaşdırmaq üçün bir vasitəçi olaraq Ermənistan-Türkiyə danışıqlarında iştirak etmişdir. Danışıqlar İsveçrə ilə Ermənistan arasında əlaqələrin möhkəmlənməsinə kömək edən 10 oktyabr 2009-cu ildə Sürix Protokollarının imzalanması ilə başa çatmışdır (lakin tərəflər heç vaxt protokolu təsdiqləmədilər).
Diplomatik nümayəndəliklər
İsveçrə Ermənistanda səfirlik səviyyəsində, ölkənin paytaxtı İrəvanda saxladığı rəsmi səfirlik vasitəsi ilə təmsil olunur.
Ermənistan İsveçrədə səfirlik səviyyəsində təmsil olunmur. Ermənistan İsveçrədə Cenevrədəki rəsmi konsulluğu vasitəsilə konsulluq səviyyəsində təmsil olunur.
Ticarət
İsveçrə Ermənistan məhsullarının Rusiyadan sonra ikinci ən böyük alıcısıdır. Ermənistana isə mal ixrac edən ölkələrin on birincisidir. İsveçrə öz növbəsində bu ölkəyə əsasən dərman məhsulları, avadanlıq və saatlar ixrac edir. Qiymətli metallar ölkələr arasında ixrac və idxalın əhəmiyyətli bir hissəsini təşkil edir. İsveçrə ilə Ermənistan arasında iqtisadi əlaqələr inkişaf edir və hətta inkişaf etməyə və böyüməyə davam etməkdədir.
Müqavilələr
İsveçrə Ermənistanla bir sıra sahələri əhatə edən ikitərəfli müqavilələr bağlamışdır. 2016-cı ildə viza sadələşdirmə müqaviləsi qüvvəyə minmişdir.
İstinadlar
- . 2020-10-30 tarixində . İstifadə tarixi: 2020-10-26.
- . 2020-10-29 tarixində . İstifadə tarixi: 2020-10-26.