İspaniya—Ermənistan münasibətləri — İspaniya və Ermənistan arasında iki tərəfli diplomatik münasibətlər. Münasibətlərin əhəmiyyəti ermənilərin İspaniyaya köçürülmə tarixinə əsaslanır. İspaniyada təxminən 40.000 erməni və onların nəsilləri yaşayır[1]. Hər iki ölkə Avropa Şurasının üzvüdür.
| İspaniya—Ermənistan münasibətləri | |||||
|---|---|---|---|---|---|
 | |||||
|
|||||
 Vikianbarda əlaqəli mediafayllar | |||||
Ermənistan və İspaniya arasında ilk əlaqə 1382-ci ildə, Kilikiya çarlığının devrilən kralı VI Levon, dövləti bərpa etmək üçün İspaniya kralı I Juandan kömək istəmək üçün İspaniyaya gəldiyi zaman baş verir. İspaniyada V Levon "Madrid Lordu" unvanını alır və I Juan ölümünə qədər İspaniyada qalır. Əsrlər boyu ermənilər müharibədən və qeyri-müəyyənlikdən qurtulmaq üçün İspaniyaya üz tutmuşlar. Bəzi ermənilər 1400-cü illərin sonları - 1500-cü illərin əvvəllərində İspan tədqiqatları dövründə iştirak etmişlər.
1915-ci ildəki Qondarma Erməni Soyqırımı zamanı ermənilərin əksəriyyəti İspaniyaya qaçmadı, əksinə ya Fransaya, ya da ispan dilli Argentina və Uruqvay üz tutdular. 26 dekabr 1991-ci ildə Sovet İttifaqının dağılmasından sonra Ermənistan müstəqilliyini bərpa etdi. 27 may 1992-ci ildə Ermənistan və İspaniya arasında diplomatik əlaqələr quruldu[2].
Hər iki ölkə, İnvestisiyaların Qarşılıqlı Təşviqi və Qorunması Sazişi (1990) kimi bir neçə ikitərəfli müqavilə imzalamışdır. İki ölkə arasında imzalanan saziş və müqavilələr:Beynəlxalq avtomobil nəqliyyatı haqqında Saziş (2000); Turizm üzrə Anlaşma Memorandumu (2013); İkiqat vergitutmanın və vergidən yayınma hallarının qarşısının alınması haqqında Saziş (2010) və Mədəniyyət, Təhsil və Elm sahəsində əməkdaşlıq haqqında Saziş (2013).
2015-ci ildə Ermənistan və İspaniya arasında ticarət dövriyyəsi 55,8 milyon avro təşkil etmişdir. Ermənistanın İspaniyaya ixracatının əsasını mədən filizlər, şlak və küldür. İspaniyanın Ermənistana əsas ixrac məhsulları bunlardır: keramika, meyvə və tərəvəz konservləri, ətriyyat, kauçuk və ət. İspaniyanın Zara çoxmillətli şirkəti Ermənistanda fəaliyyət göstərir.
Ermənistanın Madriddə səfirliyi var.
İspaniya Moskvadakı səfirliyi Ermənistanda akkreditə olunmuşdur. Üstəlik İrəvanda fəxri konsulluğuna malikdir[3].
- ↑ "Cien Años del Genocidio Armenio (isp.)". 2020-02-04 tarixində arxivləşdirilib. İstifadə tarixi: 2020-10-21.
- ↑ "Bilateral relations between Spain and Armenia (isp.)" (PDF). 2020-03-27 tarixində arxivləşdirilib (PDF). İstifadə tarixi: 2020-10-21.
- ↑ "Embassy of Spain in Russia". 2020-10-15 tarixində orijinalından arxivləşdirilib. İstifadə tarixi: 2020-10-21.