Erməni İnqilabı Federasiyası Tarix Muzeyi

Muzey ilk olaraq 1946-cı ildə, Fransanın paytaxtı olan Paris şəhərində açılmış və bu illər ərzində 3000-ə qədər artefakt yığılmışdır. Muzeyin İrəvandakı açılışı isə 2007-ci il iyul ayının 13-də İrəvandakı Kristapor Mikaelyan Mərkəzində keçirilən rəsmi mərasim zamanı edilmişdir. Açılışda Hrant Markaryan kimi daşnak liderləri və tərəfdarları iştirak edirdilər. Sosialist İnternasionalının prezidenti Luis Ayala da açılış mərasimində iştirak etmiş və muzeyin açılışını EİF tarixində tarixi və mühüm dönüş nöqtəsi kimi alqışlamışdır.^[1]

Muzeydə dövlət sənədləri, möhürlər və digər artefaktlar nümayiş etdirilir. Onun eksponatlarından birincisi 1918-1920-ci illər arasında mövcud olmuş olan Ermənistan Demokratik Respublikasına həsr olunmuşdur. Burada 1919-cu ildəki Versal sülh müqaviləsində Ermənistanın təqdim etmiş olduğu rəsmi sənədlər, habelə ilk respublikanın baş nazirlərinin şəxsi əşyaları nümayiş etdirilir; Hamo Ohancanyan, Aleksandr Xatisyan, Simon Vratsian və Hovhannes Katçaznouni, generallardan Andranik Ozanyan və Drastamat Kanayanın şəxsi əşyaları da sərginin diqqət çəkən eksponatlarındandır.^[1]

Soyqırım Muzeyi və İnstitutunun direktoru olan Hayk Demoyan ilkin eksponatlardan birini Ermənistanın “ən dramatik” tarixi dönüş nöqtələrindən birinin ən zəngin kolleksiyalarından biri adlandırmışdır.^[1]

1. ↑ ^{1 2 3} "ARF History Museum Opens in Yerevan". 2007-09-30 tarixində arxivləşdirilib. İstifadə tarixi: 2007-08-11.