Eri-TV və ya EriTV, Eritreya Televiziyası (ing. Eritrean Television) kimi də tanınımış — Eritreya Dövlət Televiziya şəbəkəsi Eritreyanın paytaxtı — Əsməra şəhərində yerləşir. Eritreya Dövlət İnformasiya Nazirliyi tərəfindən idarə olunur. Televiziya 24 saat ərzində 3 əsas telekanalı özündə birləşdirir: Eri-TV (Eri-TV1), Eri-TV2 və Eri-TV3, eləcə də 7 tematik telekanalı :ERİ-Xəbərlər (ERI-News), ERİ-Mədəniyyət (ERI-Culture), ERİ-Təhsil (ERI-Education), ERİ-Diaspor (ERI-Diaspora), ERİ-İdman (ERI-Sport), ERİ-Film (ERI-Movie) və ERİ-Uşaqlar (ERI-Children) yayımlayır. Televiziya şəbəkəsi Eri-TV Eritreyada yeganə telekompaniyadır. Eritreya daxilində Eri-TV tamaşaçılarının sayı təxminən 6 milyon nəfərdir. Xaricində isə, əsasən, qonşu ölkələrdə, ABŞ-da və Kanadada, Avropa və Yaxın Şərq ölkələrində miqrantlar və imiqrantları nəzərə almaqla Eri-TV-nin tamaşaçılarının sayı bir neçə milyondan artıqdır. Kanal 1960-cı ilin yanvar ayından yayımlanmağa başlandı. Eritreya müstəqillik qazandıqdan dərhal sonra 1993-cü ildə mövcud forma və görünüşü əldə etdi. Əslində, Eri-TV1 kimi tanınan televiziya kanalı verilişləri, əsasən, 4 dildə: Tiqrin, tiqre, ərəb və ingilis dillərində, həmçinin, amxar, oromo, somali və italyan dillərində yayımlayır. Eri-TV telekanalının mövzusu universaldır.
| Eri-TV | |
|---|---|
 | |
| Ölkə |
 Eritreya |
| Yayım ərazisi |
Eritreya Yer |
| Dil | Tiqrin dili, ərəb dili, ingilis dili, somali dili, italyan dili |
| Baş qərargah | Əsməra |
| Yaranma tarixi |
1960-cı il 1993-cü il(mövcud forma) |
| Sahibi |
Eritreya dövlət hökuməti Eritreya Dövlət İnformasiya Nazirliyi |
| Şüar |
Serving the Truth! Həqiqətə xidmət! |
| Sayt | eri.tv |
Eri-TV2 telekanalı proqramları yalnız Eritreya ərazisində və ona qonşu olan (Efiopiya, Cibuti, Sudan və Yəmən) ölkələrdə yuxarda adı çəkilən 4 dildə, həmçinin, amxar, oromo və somali dillərində yayımlayır. Eri-TV2 telekanalı, əsasən, həm yerli, həm də xarici filmləri, serialları və musiqini, eləcə də müxtəlif əyləncəli verilişləri, ictimai və siyasi xəbərlər proqramını yayımlayır.
Eri-TV1 və Eri-TV2 telekanallarında olduğu kimi Eri-TV3 telekanalının verilişləri də (xəbərlər, idman müsabiqələri və yarışmaları) sadalanan 4 əsas dildə yayımlanır. 2011-ci ildə isə 7 tematik kanalın (ERİ-Xəbərlər (ERI-News), ERİ-Mədəniyyət (ERI-Culture), ERİ-Təhsil (ERI-Education), ERİ-Diaspor (ERI-Diaspora), ERİ-İdman (ERI-Sport), ERİ-Film (ERI-Movie) və ERİ-Uşaqlar (ERI-Children)) açılışı elan olundu[1].
- ↑ "testfanews.net: Ministry to Launch Six New TV Channels and number of FM Radio Stations". 2018-10-28 tarixində arxivləşdirilib. İstifadə tarixi: 2019-02-22.