Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinEqosörfinq və ya bəzən özünü axtarma, avtoquqllama, eqoaxtarış – öz adını və ya təxəllüsünü populyar axtarış mühərriklərində və ya sosial şəbəkələrdə axtarma praktikası. Öz adını internetdə axtaran şəxs eqosörfçü adlanır. İnternet axtarış mühərriklərinin və bloqların artmasından sonra populyar praktikaya çevrilmişdir. İnsanlar eqosörfinq üçün əsasən "Google"dan istifadə edirlər.
"Eqosörfinq" termini 1995-ci ildə Şon Karton tərəfindən ortaya atılmışdır. Termin kimi ilk dəfə Qaret Branvinin 1995-ci ilin martında "Wired" jurnalı üçün yazdığı köşə yazısında istifadə olunmuşdur.[1][2][3][4]
İnsanlar müxtəlif səbəblərə görə eqosörfinqlə məşğul olurlar. Pyu İnternet və Amerikan Həyatı layihəsinin araşdırmasına görə yetkin amerikalı internet istifadəçilərinin 47%-i öz adını "Google" və ya digər axtarış mühərriklərində axtarmışdır.[5] Bəzi eqosörflər əyləncə məqsədi daşıyır: insanlar eyni adı daşıyan məşhurları axtarırlar. Lakin insanların çoxu onlayn reputasiya menecmenti məqsədilə eqosörfinqlə məşğul olur. Eqosörfinq ictimaiyyətdən gizlədilməsi lazım olan informasiyanı müəyyən etmək üçün istifadə oluna bilər. İnsanlar öz adlarını axtarış mühərriklərində axtararaq şəxsi informasiya öyrənmək istəyən yad birinin prespektivini öyrənə bilərlər. Bəzi eqosörfçülər şəxsi şəkilləri və işçilərin, müştərilərin, kimlik oğrularının sızdırdığı məlumatları gizlətməyə çalışırlar.
"Facebook" kimi bir çox sosial şəbəkə saytları istifadəçilərinə profillərini "axtarıla bilən" edə bilmə icazə verir. Nəticədə, istifadəçilərin profilləri axtarış nəticələrində görünür. Şəxsi məlumatları gizlətmək istəyən şəxslər eqosörfinq edərək profillərinin nəticələrdə çıxmadığına əmin olurlar.[6]
- ↑ "Citizen Scholar Inc. — the design studio of Randy J. Hunt". citizenscholar.com. 2 sentyabr 2009 tarixində orijinalından arxivləşdirilib. İstifadə tarixi: 22 iyul 2008.
- ↑ Street Tech :: hardware beyond the hype Arxiv surəti 2 yanvar 2010 tarixindən Wayback Machine saytında Arxivləşdirilib 2010-01-02 at the Wayback Machine
- ↑ "Definition of egosurfing, BuzzWord from Macmillan Dictionary". macmillandictionary.com. 16 yanvar 2010 tarixində arxivləşdirilib. İstifadə tarixi: 4 fevral 2025.
- ↑ "3.03: Jargon Watch". wired.com. 22 dekabr 2012 tarixində arxivləşdirilib. İstifadə tarixi: 4 fevral 2025.
- ↑ Sarah Perez. "TechCrunch". 28 avqust 2010 tarixində orijinalından arxivləşdirilib. İstifadə tarixi: 14 sentyabr 2010.
- ↑ "Pew Study: Self-Googling on the Rise". technewsworld.com. 17 dekabr 2007.