Enton Brakner Özəl Universiteti (alm. Anton Bruckner Privatuniversität) qısaca Brakner Universiteti Avstriyanın Musiqi, Dram və Rəqs üzrə beş Universitetindən və 2009-cu ildə Avropanın Mədəniyyət Paytaxtı olan Linsdəki dörd universitetdən biridir. Burada dünyanın hər yerindən 850 tələbə təhsil alır. Onlara beynəlxalq səviyyədə tanınmış rəssamlar, akademiklər və müəllimlər olan 200 professor və müəllim heyəti dərs deyir. Tələbə və müəllimlərin 30%-dən çoxu xaricdən gəlir.[1] Universitetə 2004-cü ildə Avstriya Özəl Universitetləri Konfransının bir hissəsi kimi akkreditə olunmuş özəl universitet statusu verilmişdir (onun adı 1932–2004-cü illərdə Lins Brakner Konservatoriyası idi, lakin təhsil müəssisəsinin əsasının qoyulması 1823-cü ilə və hətta 1799-cu ilə gedib çıxır).
| Enton Brakner Özəl Universiteti | |
|---|---|
| Anton Bruckner Private University | |
 | |
 Enton Brakner Özəl Universiteti | |
| Əsası qoyulub | 1823 |
| Şəhər | Lins |
| Ölkə | |
| Sayt | www.bruckneruni.at/en |
| 48°18′56″ şm. e. 14°17′07″ ş. u.HGYO | |
 |
|
 Vikianbarda əlaqəli mediafayllar | |
Yuxarı Avstriya Əyalət Hökuməti bədii təhsilə xüsusi dəstək verir, buna görə də analoji institutlarla müqayisədə burada təhsil haqları çox yüksək deyil.[2]
Universitet Avstriya bəstəkarı Enton Braknerin (1824–1896) adını daşıyır.
EBÖU musiqi, dram və rəqs universitetidir. Universitetin incəsənət işi bədii ünsiyyət, inkişaf və təbliğata eyni dərəcədə diqqət yetirməklə, bu sahələrin hər birində ifaçılıq, pedaqogika və tədqiqata yönəlmişdir.[3]
Enton Brakner Özəl Universiteti bu ad altında qısa müddət ərzində tanınsa da, Linsdə musiqi təhsili 200 ildən artıq bir ənənəyə malikdir. Hələ 1799-cu ildə Maykl Haydn, Motsart və Bethovenin yaxın dostu olan şəhər musiqi direktoru Frans Xaver Glöggl Linzdə ilk musiqi məktəbinin əsasını qoymuşdu. 1823-cü ildə isə Enton Brakner Özəl Universitetinin əsası olacaq Lins Musiqi Cəmiyyəti adlı bir müğənnilik məktəbi yaradıldı.
1863-cü ildə Enton Brakneri Musiqi Məktəbinin direktoru olmağa razı salmaq cəhdi uğursuz oldu. 1896–1923-cü illərdə instituta Braknerin bioqrafı Avqust Göllerix rəhbərlik etdi. Nəhayət 1923-cü ildə Braknerin adı Musiqi Məktəbinə verilərək Enton Brakner Universiteti adlandırıldı.
Enton Brakner Özəl Universiteti indi klassik musiqi, caz, dram və müasir rəqs sahələrində iyirmi iki ayrı-ayrı təhsil şöbəsi və üç universitet kursu təklif edir. Tələbələr digər Avropa universitetləri və İncəsənət Akademiyaları ilə eyni səviyyədə olan İncəsənət Bakalavr və ya İncəsənət Magistr dərəcələri üçün təhsil ala bilərlər.[4]
Kompüter Musiqi Studiyası musiqi və media texnologiyaları, media kompozisiyaları və kompüter musiqisi sahəsində mühazirələr və kurslar təklif edir və onun təklif etdiyi fənlərin çeşidi – Bəstəkarlıq, Dirijorluq və Musiqi Nəzəriyyəsi və digər musiqi fənləri ilə sıx vəhdət təşkil edir.
Sonik Lab Andreas Veikslerin təşəbbüsü ilə 24 audio kanallı qoşa video proyeksiyası olan intermedia kompüter musiqisi konsert salonudur.[5]
Yeni nəsil Erasmus+ proqramının yaradılması zamanı EBÖU 2014-cü ildə Erasmus Xartiyası adlanan mükafata layiq görüldü.[6]
- ↑ "Anton Bruckner Private University (Fees & Reviews): Austria, Linz". edarabia.com (ingilis). İstifadə tarixi: 2020-04-02.
- ↑ "The University - Anton Bruckner Privatuniversität". www.bruckneruni.at (ingilis). 2015-11-25 tarixində orijinalından arxivləşdirilib. İstifadə tarixi: 2015-11-24.
- ↑ "Guiding Principles - About us - The University - Anton Bruckner Privatuniversität". www.bruckneruni.at (ingilis). 2015-11-25 tarixində orijinalından arxivləşdirilib. İstifadə tarixi: 2015-11-24.
- ↑ "History - About us - The University - Anton Bruckner Privatuniversität". www.bruckneruni.at (ingilis). 2015-11-25 tarixində orijinalından arxivləşdirilib. İstifadə tarixi: 2015-11-24.
- ↑ "Sonic Lab". avant.mur.at. İstifadə tarixi: 2015-11-24.
- ↑ "International Relations - International - The University - Anton Bruckner Privatuniversität". www.bruckneruni.at (ingilis). 2015-11-25 tarixində orijinalından arxivləşdirilib. İstifadə tarixi: 2015-11-24.