Enni Palmer (Ağ Cadugər, ing. Annie Palmer) — Yamaykada yayılmış məşhur xəyal hekayəsi. Əfsanəyə görə, Enni Palmer adlı bir plantasiya sahibəsinin ruhu Monteqo Bey yaxınlığındakı Rouz Hol ərazisində yaşayır.[1]
| Enni Palmer | |
|---|---|
 | |
 | |
| Ölkə | |
| 18°05′02″ şm. e. 77°08′02″ q. u.HGYO | |
| rosehall.com | |
Əfsanəyə görə, Enni Palmerin ruhu Monteqo Bey yaxınlığındakı Rouz Hol plantasiya ərazisində dolaşır. Əhvalatda deyilir ki, o, Haiti adasında ingilis ananın və irland ataın övladı kimi dünyaya gəlib və həyatının böyük hissəsini orada keçirib. Onun valideynləri sarı qızdırmadan vəfat etdikdə, onu tərbiyə edən dayə ona cadugərlik və vudu öyrədib. Daha sonra Yamaykaya köçüb və Rouz Hol plantasiyasının sahibi Con Palmerlə evlənib.
Lakin o, təkcə ilk həyat yoldaşını deyil, sonrakı iki ərini və plantasiya ərazisindəki bir çox kişi qulları da öldürüb. Daha sonra isə "Taku" adlı bir qul tərəfindən öldürülüb. Bu əfsanə haqqında "Enni Palmerin Balladası" adlı mahnı Conni Keş tərəfindən ifa olunub.[2] Uzun illər boyu Keş, yaxınlıqdakı Sinnamon Hill Böyük Evinin sahibi olub.
Təxminən 1965-ci ildə Yamayka Arxivinin köməkçi arxivçisi Ceffri S. Yeyts, bu yanlış hekayənin ilk dəfə keşiş Houp Masterton Vaddelin bir rəvayəti əsasında ortaya çıxdığını iddia edib. Vaddelin qeydlərində 1830-cu ildə qonşu Palmyra mülkündə xanım Palmerin boğularaq öldüyü bildirilir.[3] Lakin bu hekayənin əsası sual altındadır. Məsələn, Vaddel qeyd edir ki, Palmira mülkü üsyan siqnalı olaraq yandırılmışdı. Hekayə daha sonra 1868-ci ildə jurnalist Con Kastello tərəfindən yayımlandı. Kastello, yerli Falmouth Post qəzetinin sahibi idi və "Rouz Hol Əfsanəsi" adlı bir broşür nəşr edərək, səhvən Müqəddəs Ceyms kilsəsindəki "Enn Palmer" abidəsini bu əfsanə ilə əlaqələndirdi.[4]
2007-ci ildə Benyamin Redford tərəfindən aparılan araşdırmalar isə bu əfsanənin tamamilə uydurma olduğunu və 1929-cu ildə Herbert G. de Lisserin "Rouz Holun Ağ Cadugəri" adlı məşhur Yamayka romanının baş qəhrəmanı əsasında yaradıldığını müəyyən etdi.[5][6][7] Əslində Enni Palmer adlı bir qadın mövcud olub, lakin onun Ruz Hol ilə heç bir əlaqəsi yoxdur və onun nə qəddar, nə də əxlaqsız olduğu barədə heç bir tarixi sübut yoxdur. Rough Guide To Jamaica kitabının müəllifi Polly Tomas yazır ki, əfsanə, Rose Hall malikanəsinin ilk sahibəsi olan Rouz Palmer ilə səhv salına bilər. Rouz Palmer dörd dəfə evlənmişdi, lakin onun tamamilə namuslu bir qadın olduğu deyilir. Onun heç bir əri şübhəli şəraitdə ölməyib. Əsl Enni Palmer (Patterson soyadlı) Yamaykada doğulmuş və Müqəddəs Ceymsin Custosu ilə evli olmuşdur. O, Şotlandiya əsilli Patterson ailəsindən idi və həyat yoldaşlarının heç biri cinayətin qurbanı olmamışdır.[8]
- 1975-ci ildə Barri Rekord bu əfsanə əsasında "Rose Hall-ın Ağ Cadugəri" adlı bir pyes yazıb.[9]
- "Ghost Adventures" serialında Rose Hall epizodlardan birində göstərilib.[10]
- Diana Gabaldonun "Səyyah" (1993) romanında qəhrəmanlar Yamaykada olarkən Rose Hall təsvir olunur.
- "Coven" rok qrupu 1969-cu ildə "Witchcraft Destroys Minds & Reaps Souls" albomunda "Rose Hall-ın Ağ Cadugəri" adlı bir mahnı səsləndirib.
- "America’s Next Top Model" yarışmasının 19-cu mövsümünün finalı Rose Hall-da keçirilib.
- "The Dead Files" serialının aparıcısı Emi Allan, Rose Hall-da iki qadın ruhu ilə qarşılaşdığını və onların Rose və Enni Palmer olduğunu iddia edib.
- "Outlander" tarixi dram serialının 3-cü mövsümünün 13-cü seriyasında Rose Hall təqdim olunub.
- Skinny Puppy qrupunun üzvü cEvin Key 2001-ci ildə "The Ghost Of Each Room" adlı solo albom buraxıb və onun üz qabığında məşhur tablo təsvir olunub.
- Conni Keşin 1973-cü ildə buraxdığı "Any Old Wind That Blows" albomu, "The Ballad of Annie Palmer" adlı mahnını ehtiva edir.
- ↑ Yates, Geoffrey S. "The Rose Hall Jamaica legend". www.jamaicanfamilysearch.com. İstifadə tarixi: 4 June 2019.
- ↑ Johnny Cash; Don Cusic. Johnny Cash: The Songs. Da Capo Press. 25 August 2004. 226–. ISBN 978-1-56025-629-8. İstifadə tarixi: 7 February 2013.
- ↑ "Jamaica Great Houses, a symbol of the Plantation Era". jamaicagreathouses.com. İstifadə tarixi: 5 June 2019.
- ↑ Waddell, Hope Masterton. Twenty-nine years in the West Indies and Central Africa: a review of missionery work and adventure. 1829–1858. Harvard University. London and New York: T. Nelson and Sons. 1863.
- ↑ Radford, Benjamin, "The White Witch of Rose Hall", Fortean Times (239), September 2008, ISSN 0308-5899
- ↑ Jim Stefko, "The White Witch of Rose Hall", Suite101.com (site blocked)
- ↑ "Heeding (Or Ignoring) Skeptical Investigation". Center for Inquiry. 22 October 2011. İstifadə tarixi: 14 November 2011.
- ↑ Thomas, Polly. The Rough Guide to Jamaica. Penguin. 2 August 2010. 185–. ISBN 978-1-4053-8205-2. İstifadə tarixi: 31 May 2012.
- ↑ Michael Davis, "White Witch, Chelsea Theatre – Review", Breaking The Fourth Wall, 10 April 2017.
- ↑ "Rose Hall : Ghost Adventures". Travel Channel. İstifadə tarixi: 7 February 2013.