Emmanuil Ksantos (yun. Εμμανουήλ Ξάνθος; 1772[1] – 28 noyabr 1852, Afina) — Osmanlı işğalına qarşı Yunanıstanın müstəqilliyi ideyasını müdafiə edən Filiki Eteriya təşkilatının yaradıcılarından biri olan yunan tacir.[2][3]
| Emmanuil Ksantos | |
|---|---|
| yun. Εμμανουήλ Ξάνθος | |
 | |
| Doğum tarixi | 1772[1] |
| Vəfat tarixi | 28 noyabr 1852 |
| Vəfat yeri |
|
| Dəfn yeri | |
| Həyat yoldaşı | |
| Fəaliyyəti | tacir |
| Üzvlüyü | |
 Vikianbarda əlaqəli mediafayllar | |
Emmanuil Ksantos 1772-ci ildə Patmos adasında anadan olmuşdur. Gənc yaşlarında İtaliyaya mühacirət etmiş və Lefkadakı Mason lojasının üzvü olmuşdur. Daha sonra isə Odessaya getmiş və orada Nikolaos Skufas və Atanasios Çakalof ilə tanış olmuşdur. Bu üç nəfər şəxs Yunanıstanın müstəqilliyinə zəmin hazırlamaq məqsədi ilə gizli bir təşkilat yaratmaq ideyası ilə çıxış etmişdirlər. Beləliklə də Filiki Eteriya 1814-cü ildə Odessada yaradılmışdır.[3] 1818-ci ildə bu üç tərəfdaş müstəqillik ideyalarını davam etdirmək məqsədilə İstanbula köçmüş, lakin həmin ilin iyul ayında Skufasın xəstələnərək vəfat etməsi ilə ayrılmışdırlar.
Ksantos 1821-ci ildə başlamış Yunanıstan İstiqlaliyyət müharibəsində iştirak etmişdir. Müharibə zamanı Ksantos Filiki Eteriyanın sonradan lideri olacaq Aleksandros İpsilantisin Muğaç həbsxanasından azad edilməsinə köməklik etmişdir.
Ksantos 28 noyabr 1852-ci ildə Afinada vəfat etmişdir. Ölümündən əvvəl o, 1854-cü ildə nəşr olunmuş və hal-hazırda Yunanıstan İstiqlal müharibəsinin gedişi ilə bağlı mühüm bir tarixi məlumat mənbəyi olan "Memuarları"nı (yun. Απομνημονεύματα) qələmə almışdır.
- Xanthos, Em., Dostluq Cəmiyyəti Xatirələri (1834-cü il nəşrinin faksimil təkrar çapı), Vergina (Afina, 1996)
- ↑ 1 2 Deutsche Nationalbibliothek Record #120056542 // Ümumi tənzimləmə nəzarəti (GND) (alm.). 2012—2016.
- ↑ Ioannis Michaletos. "Freemasonry in Greece: Secret History Revealed". Balkanalysis.com. 28 sentyabr 2006. 29 sentyabr 2010 tarixində arxivləşdirilib. İstifadə tarixi: 31 iyul 2018.
- ↑ 1 2 The war of Greek independence, 1821 to 1833. London : Smith, Elder. 1897. 20, 21. (retrieved from University of California Library)
