Emin Axundov (1971, Bakı) — Azərbaycan Respublikasının əməkdar jurnalisti[mənbə göstərilməlidir] , Dünya İdman Jurnalistləri Assosiasiyasının (AİPS) üzvü və Azərbaycan Jurnalistlər Birliyinin üzvüdür, AİJA jurnalının baş redaktoru, Qızıl qələm mükafatı laureatı.[1]
| Emin Axundov | |
|---|---|
| Emin Faiq oğlu Axundov | |
 | |
| Doğum tarixi | 1971 (54–55 yaş) |
| Doğum yeri | |
| Təhsili | |
| Fəaliyyəti | jurnalist |
| Fəaliyyət illəri | 1988-ci ildən |
| Üzvlüyü |
|
| Mükafatları |
  |
Emin Axundov 1971-ci ildə Bakı şəhərində anadan olub. Bakı 31 saylı orta məktəbdə oxumağa başlayıb, 1988-ci ildə isə Bakı 267 saylı orta məktəbi bitirib. Orta məktəbi başa vurduqdan sonra Azərbaycan Texniki Universitetinə daxil olub və 1994-cü ildə oranı bitirib.[2][ölü keçid] 1999-cu ildə Azərbaycan Respublikası Mətbuat və İnformasiya Nazirliyi tərəfindən göndərişlə Misir Ərəb Respublikasının Qahirə şəhərində ABŞ-nin Mətbuata Texniki Dəstək Fondunun keçirdiyi jurnalistika kursunu, 2008-ci ildə isə Yunanıstan Respublikasında Beynəlxalq İdman Jurnalistikası kursunu bitirib.[3]
1988-ci ildə "Azneftmaştikinti" müəssisəsində, daha sonra DİN-in Tikinti İdarəsində əmək fəaliyyətinə başlayıb. Dağlıq Qarabağ müharibəsi başlayanda könüllü olaraq cəbhəyə yollanıb. Döyüşlərdə iştirak etməklə yanaşı, "Hünər" qəzetinin əməkdaşı kimi cəbhə bölgələrindən reportajlar hazırlayıb. 1994-cü ilin may ayından "Aktual" qəzetində jurnalist kimi çalışıb. 1998–2007-ci illərdə Bakı Şəhər Baş Polis İdarəsinin mətbu orqanı olan "Polis" qəzetində redaktor, Azərbaycan Metropoliteninin orqanı olan "Metro" qəzetində isə yeni dizayn və rəngli nəşrin tətbiqinə nail olub. Bakı Şəhər Baş Polis İdarəsinin 165 illiyinə həsr olunmuş "Həyəcan dolu 5 il" kitabının hazırlanmasında və "Polis" qəzeti ilə "Azərbaycan Polisi" jurnalının nəşrindəki xidmətlərinə görə "BŞBPİ 165" medalı ilə təltif olunub. 1995-ci ildə "Ləman" yayım firmasını təsis edərək metro keçidlərində,[4] küçə köşklərində qəzet və jurnal satışını təşkil edib. Daha sonra adı "Mətbuat" firması olaraq dəyişdirilib və ilk dəfə xarici ölkələrin qəzet və jurnallarının ölkəyə gətirilməsini həyata keçirib. Onun rəhbərlik etdiyi "Mətbuat çap evi"ndə Çingiz Abdullayevin əsərləri ilk dəfə Azərbaycan dilinə tərcümə olunaraq çap edilib və yayımlanıb.[5]
- "Gün" qəzeti
- "Azərbaycan Polisi" jurnalı
- "Həşərat" satirik jurnalı
- "Oxu məni"
- "Serial"
- "1001 Kriminal"
- "Kriminal xronika"
- "Oxu məni krossvord"
- "Super Sport"
- "Qol"
- "Mən və sən"
- "Lyubi menya"
- "Uqadayka"
- "Super krossvord" (azərbaycanca və rusca)[6][mənbədə yoxdur]
- ↑ "Emin Axundov kimdir? Azərbaycan mediasının inkişafı sürətlənir". paralel.az.
- ↑ "50 yaşında Emin Axundov". 50 yaşın işığında və bir dünyaya sığmayan ömrün nəğməsi (az.).
- ↑ "Mətbuatının 135 illik yubileyi ilə bağlı fərdi jurnalist müsabiqəsinin qalibləri (siyahı)". Modern.az (az.). 3 iyun 2025 tarixində arxivləşdirilib. İstifadə tarixi: 18 avqust 2025.
- ↑ "Azərbaycan Respublikasında sahibkarlıq fəaliyyəti və sahibkarlarla iş sahəsində fərqlənən şəxslərin təltif edilməsi haqqında". https://azerbaijan-news.az (az.). 1 yanvar 1970.
- ↑ "tədbiri Azərbaycanın beynəlxalq aləmdə gücünün, dövlətçilik qüdrətinin nümayişinə çevrildi - EMİN AXUNDOV". OxuMeni.Az (az.). 24 noyabr 2024. 3 iyun 2025 tarixində arxivləşdirilib. İstifadə tarixi: 18 avqust 2025.
- ↑ "Media nümayəndələrinə "Azərbaycan milli mətbuatının 150 illiyi" yubiley medalı təqdim olundu". Lent.az (az.). 14 sentyabr 2025 tarixində arxivləşdirilib. İstifadə tarixi: 18 avqust 2025.