Emil Balaqardaş oğlu Əsədov (11 yanvar 1998, Salyan rayonu – 7 noyabr 2020, Xocavənd rayonu) — Azərbaycan Müdafiə Nazirliyinin Quru Qoşunlarının leytenantı; 2020-ci ildə Qarabağ müharibəsi zamanı Qırmızı Bazar qəsəbəsi uğrunda gedən döyüş əməliyyatlarına zamanı şəhid olub, ölümündən sonra "Qarabağ" ordeni ilə təltif edilib.
| Emil Əsədov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Çuxanlı, Salyan rayonu, Azərbaycan |
| Vəfat tarixi | (22 yaşında) |
| Vəfat yeri | Xocavənd rayonu, Azərbaycan |
| Dəfn yeri | Çuxanlı, Salyan rayonu, Azərbaycan |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Quru Qoşunları |
| Xidmət illəri | 2019—2020 |
| Rütbəsi | |
| Döyüşlər |
• Qarabağ müharibəsi (2020)
|
| Təltifləri |
   |
Emil Balaqardaş oğlu Əsədov 1998-ci il, yanvarın 11-də Salyan rayonunun Çuxanlı kəndində anadan olub.[1]
2004–2012-ci illərdə Z. Həmidov adına Çuxanlı kənd orta məktəbində təhsil alıb. 2012-ci ildə sənədlərini Cəmşid Naxçıvanski adına Hərbi Liseyə verib və 2015-ci ildə oradan məzun olub.[2]
2015–2019-cu illərdə Heydər Əliyev adına Azərbaycan Ali Hərbi Məktəbinin Quru Qoşunları fakültəsində təhsil alıb, həmçinin Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[2]
Azərbaycan müdafiə naziri, general-polkovnik Zakir Həsənovun 22 iyun 2019-cu il tarixli əmri ilə "leytenant" hərbi rütbəsi verilib.[2]
2019-cu ildə Quru Qoşunlarının 651 nömrəli hərbi hissəsində xidmət edib. 2019–2020-ci illər ərzində motoatıcı bölüyün (SandCat) motoatıcı taqımının komandiri, mexanikləşdirilmiş taborun (SandCat) mexanikləşdirilmiş taqımının komandiri və mexanikləşdirilmiş taborun (SandCat) tank əleyhinə taqımının komandiri vəzifələrimdə xidmət edib.[2]
2020-ci ilin sentyabrın 27-də başlanan Qarabağ müharibəsi zamanı Cəbrayılın, Hadrutun və Füzulinin azad edilməsi uğrunda gedən döyüş əməliyyatlarına qatılıb. Noyabrın 7-də Xocavənd rayonu ərazisində, Qırmızı Bazar istiqamətində döyüş tapşırığının icrası zamanı şəhid olub. Doğulduğu Salyan rayonunun Çuxanlı kəndində dəfn olunub.[2] Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə"[4], "Xocavəndin azad olunmasına görə"[5], "Füzulinin azad olunmasına görə"[6] və "Vətən uğrunda" medalları ilə təltif edilib.[7]
Subay idi.[2]
- ↑ Müdafiə Nazirliyi. "Vətən müharibəsində şəhid olmuş hərbi qulluqçuların SİYAHISI" (PDF). www.mod.gov.az ( (az.)). 01.10.2022. 2022-08-22 tarixində arxivləşdirilib (PDF). İstifadə tarixi: 01.10.2022.
- ↑ 1 2 3 4 5 6 Unudulmazlar. "Emil Əsədov Balaqardaş". www.unudulmazlar.az ( (az.)). 01.10.2022. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli 2338 nömrəli Sərəncamı". www.e-qanun.az ( (az.)). 01.10.2022. 2024-02-24 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.e-qanun.az ( (az.)). 01.10.2022. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin "Xocavəndin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.e-qanun.az ( (az.)). 01.10.2022. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.e-qanun.az ( (az.)). 01.10.2022. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.