Elsevər Vaqif oğlu Paşayev (1 iyul 1988, Cəbrayıl rayonu – 20 oktyabr 2020, Qubadlı rayonu) — Azərbaycan Müdafiə Nazirliyinin Sülhməramlı Qüvvələrinin mayoru; 2020-ci ildə Qarabağ müharibəsi zamanı Qubadlının azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Elsevər Paşayev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Cəbrayıl rayonu, Azərbaycan SSR |
| Vəfat tarixi | (32 yaşında) |
| Vəfat yeri | Qubadlı rayonu, Azərbaycan |
| Dəfn yeri | 2 saylı Şəhidlər Xiyabanı |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü | Sülhməramlı Qüvvələr |
| Xidmət illəri | 2010—2020 |
| Rütbəsi |
 Mayor |
| Döyüşlər |
• NATO-nun Əfqanıstandakı "Qətiyyətli Dəstək" qeyri-döyüş missiyası |
| Təltifləri |
        |
Elsevər Vaqif oğlu Paşayev 1988-ci il, iyulun 1-də Cəbrayıl rayonunun Qovşudlu kəndində anadan olub.[2][1]
1995–2003-cü illərdə Beyləqan rayonu Milabad kənd tam orta məktəbində təhsil alıb. 2003-cü ildə sənədlərini Cəmşid Naxçıvanski adına hərbi liseyə verib və 2006-cı ildə oradan məzun olub. 2006-2010-cu illərdə Heydər Əliyev adına Azərbaycan Ali Hərbi Məktəbinin Quru Qoşunları fakültəsində təhsil alıb. Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 23 iyun 2010-cu il tarixli əmri ilə "leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 10 il ərzində motoatıcı taborun qərargah bölüyünün tank əleyhinə taqımının komandiri, mexanikləşdirilmiş taborun motoatıcı bölüyünün motoatıcı taqım komandiri, əməliyyat imkanları konsepsiyası taborunun qərargah bölüyünün atəş dəstəyi taqımının komandiri, əməliyyat imkanları konsepsiyası taborunun qərargah bölüyünün komandiri, sülhməramlı qüvvələr taborunun (əməliyyat imkanları konsepsiyasının) qərargah bölüyünün komandiri, mühafizə taborunun komandirinin maddi-texniki təminat üzrə müavini, avtomobil taborunun komandirinin maddi-texniki təminat üzrə müavini, sülhməramlı qüvvələr taborunun (əməliyyat imkanları konsepsiyasının) qərargah rəisi - tabor komandirinin müavini vəzifələrində xidmət edib.[1]
Müxtəlif illərdə müdafiə nazirinin əmrləri ilə 3-cü dərəcəli "Qüsursuz xidmətə görə", Azərbaycan Silahlı Qüvvələrinin 90 və 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
Əfqanıstanda aparılan “Qətiyyətli Dəstək” qeyri-döyüş missiyasında xidmət edib.
2020-ci il, sentyabrın 27-də başlanan Qarabağ müharibəsi zamanı Cəbrayılın və Qubadlının azad edilməsi uğrunda gedən döyüş əməliyyatlarına qatılıb. Oktyabrın 21-də Qubadlı rayonu ərazisində xidməti vəzifəsinin icrası zamanı ağır yaralanıb, 25okyabrda aldığı yaralardan müalicə aldığı Ağcəbədi Mərkəzi Xəstəxanasında şəhidlik zirvəsinə qovuşub.[1] 2 saylı Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Qubadlının azad olunmasına görə" və "Vətən uğrunda" medalları ilə təltif edilib.[4][5][6]
Evli idi. Nəzrin və Banu adında 2 qızı var.
- ↑ 1 2 3 4 5 6 7 layihənin müəllifi, tərtibatçı-redaktor Abdulla Qurbani. "Vətən müharibəsi şəhidləri: Azərbaycan Ordusunun şəhid zabit və gizirləri:". Azərbaycan Prezidentinin İşlər İdarəsinin Prezident Kitabxanası ( (az.)). 01.10.2022. İstifadə tarixi: 01.10.2022.
- ↑ Müdafiə Nazirliyi. "Vətən müharibəsində şəhid olmuş hərbi qulluqçuların SİYAHISI" (PDF). www.mod.gov.az ( (az.)). 01.10.2022. 2022-08-22 tarixində arxivləşdirilib (PDF). İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının təltif edilməsi haqqında Azərbaycan Prezidentinin 09.12.2020-ci il tarixli 2338 nömrəli Sərəncamı". www.e-qanun.az ( (az.)). 01.10.2022. 2024-02-24 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Qubadlının azad olunmasına görə" medalı ilə təltif edilməsi haqqında Azərbaycan Prezidentinin 29.06.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.
- ↑ Normativ hüquqi sənədlərin vahid internet bazası. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.e-qanun.az ( (az.)). 01.10.2022. 2022-08-22 tarixində arxivləşdirilib. İstifadə tarixi: 01.10.2022.