Elnur Şəmistan oğlu Bağırov (1973, Bakı) — Azərbaycan iqtisadçısı və marketinq mütəxəssisi, Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin sədri (2025-ci ildən).
| Elnur Bağırov | |
|---|---|
Vəzifədədir | |
| 12 fevral 2025-ci ildən | |
| Əvvəlki | Məmməd Abbasbəyli (xidmət rəisi kimi) |
  | |
| 16 dekabr 2022 – 12 fevral 2025 | |
| Rəis | Məmməd Abbasbəyli |
| Şəxsi məlumatlar | |
| Doğum tarixi | 1973 |
| Doğum yeri | |
| Təhsili |
|
Elnur Şəmistan oğlu Bağırov 1973-cü ildə Bakı şəhərində anadan olmuşdur. 1991–1996-cı illərdə Azərbaycan Memarlıq və İnşaat Universitetində Tikinti iqtisadiyyatı və idarə edilməsi ixtisası üzrə təhsil almışdır.[1]
Əmək fəaliyyətinə 1995-ci ildə "Philip Morris" şirkətində başlamış, 2000-ci ilədək burada maliyyə və marketinq sahəsi üzrə müxtəlif vəzifələrdə, 2001–2002-ci illərdə isə "Coca-Cola" şirkətində Azərbaycan, Gürcüstan, Türkmənistan üzrə media meneceri vəzifəsində işləmişdir. 2003–2021-ci illərdə "Imperial Tobacco" şirkətinin Azərbaycandakı nümayəndəliyində marketinq üzrə menecer, daha sonra isə nümayəndəliyin rəhbəri olaraq fəaliyyət göstərmişdir. 2021-ci ildən Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətində İstehlak bazarına nəzarət şöbəsinin müdiri olmuşdur.[1]
Azərbaycan Respublikası Prezidentinin 16 dekabr 2022-ci il tarixli Sərəncamı ilə Antiinhisar və İstehlak Bazarına Nəzarət Dövlət Xidmətinin rəis müavini vəzifəsinə təyin edilmişdir.[2] 27 avqust 2024-cü ildə bu qurum əsasında Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi yaradılmış[3] və 12 fevral 2025-ci ildə Elnur Bağırov həmin agentliyinin sədri təyin edilmişdir.[4]
Ailəlidir, 2 övladı var.
- ↑ 1 2 "Bağırov Elnur Şəmistan oğlu". competition.gov.az. 2023-01-28 tarixində arxivləşdirilib. İstifadə tarixi: 12 fevral 2025.
- ↑ "E.Ş.Bağırovun Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti rəisinin müavini təyin edilməsi haqqında Azərbaycan Respublikası Prezidentinin Sərəncamı". e-qanun.az. 16 dekabr 2022. İstifadə tarixi: 12 fevral 2025.
- ↑ "Antiinhisar və istehlak bazarına nəzarət sahələrində idarəetmənin təkmilləşdirilməsi ilə bağlı əlavə tədbirlər haqqında Azərbaycan Respublikası Prezidentinin Fərmanı". president.az. 27 avqust 2024. 2024-08-27 tarixində arxivləşdirilib. İstifadə tarixi: 12 fevral 2025.
- ↑ "E.Ş.Bağırovun Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin sədri təyin edilməsi haqqında Azərbaycan Respublikası Prezidentinin Sərəncamı". president.az. 12 fevral 2025. 2025-02-13 tarixində arxivləşdirilib. İstifadə tarixi: 12 fevral 2025.