Elman Fərman oğlu Allahverdiyev (16 mart 1958, Mirbəşir rayonu) — Azərbaycan mühəndisi və dövlət xadimi, Bərdə Rayon İcra Hakimiyyətinin (1996–2006) və Tərtər Rayon İcra Hakimiyyətinin başçısı (1994–1996).
| Elman Allahverdiyev | |
|---|---|
| 17 avqust 1996 – 29 mart 2006 | |
| Əvvəlki | Azay Abdıyev |
| Sonrakı | İlham Ağayev |
| 21 iyun 1994 – 17 avqust 1996 | |
| Əvvəlki | Sərdar Həmidov |
| Sonrakı | İsa Allahverdiyev |
| Şəxsi məlumatlar | |
| Doğum tarixi | 16 mart 1958 (67 yaş) |
| Doğum yeri | |
| Təhsili | |
Elman Fərman oğlu Allahverdiyev 16 mart 1958-ci ildə Tərtər rayonunda anadan olmuşdur. 1980-ci ildə Azərbaycan İnşaat Mühəndisləri İnstitutunu bitirmişdir.[1]
Elman Allahverdiyev əmək fəaliyyətinə Bərdə şəhərindəki 32 saylı Tikinti Quraşdırma İdarəsində betonçu kimi başlamışdır. 1982-ci ildən Bərdə 1 saylı Su Tikinti İdarəsində usta, istehsalat-plan şöbəsində mühəndis, idarə rəisinin müavini, baş mühəndis olmuş, 1988-ci ildən "Başmeliorasiyasutikinti" idarəsində material-texniki təchizat sahəsinin rəisi, 9 saylı Bərdə dəmir-beton məmulatları zavodunda direktor işləmişdir.[1]
Azərbaycan Respublikası Prezidentinin 21 iyun 1994-cü il tarixli Fərmanı ilə Elman Allahverdiyev Tərtər Rayon İcra Hakimiyyətinin başçısı təyin edilmiş[2] və bu vəzifədə 17 avqust 1996-cı ilədək çalışmışdır.[3] Həmin tarixdə Bərdə Rayon İcra Hakimiyyətinin başçısı təyin edilmiş[4] və 29 mart 2006-cı ildə vəzifəsindən azad edilmişdir.[5]
- ↑ 1 2 Allahverdiyev Elman Fərman oğlu // Azərbaycanda kim kimdir? (Ensiklopedik sorğu kitabı). Müəllif və tərtibçi: Tariyel Cahangir. Bakı: "Çıraq" nəşriyyatı. 2004. S. 136.
- ↑ E. F. Allahverdiyevin Tərtər rayonu İcra hakimiyyətinin başçısı təyin edilməsi və S. M. Həmidovun həmin vəzifədən azad edilməsi haqqında Azərbaycan Respublikası Prezidentinin Fərmanı // Azərbaycan Respublikası Ali Sovetinin məlumatı. № 12. Bakı. 1994. S. 10.
- ↑ E. F. Allahverdiyevin Tərtər rayonu İcra hakimiyyətinin başçısı vəzifəsindən azad edilməsi haqqında Azərbaycan Respublikası Prezidentinin Sərəncamı // Azərbaycan Respublikası Prezidentinin Fərmanları və Sərəncamları. № 3. Bakı. 1996. S. 72.
- ↑ E. F. Allahverdiyevin Bərdə rayonu İcra hakimiyyətinin başçısı təyin edilməsi haqqında Azərbaycan Respublikası Prezidentinin Sərəncamı // Azərbaycan Respublikası Prezidentinin Fərmanları və Sərəncamları. № 3. Bakı. 1996. S. 72.
- ↑ E. F. Allahverdiyevin Bərdə Rayonu İcra Hakimiyyətinin başçısı vəzifəsindən azad edilməsi haqqında Azərbaycan Respublikası Prezidentinin Sərəncamı // Azərbaycan Respublikasının Qanunvericilik Toplusu. № 3. Bakı. 2006. S. 712.