Eliot Vassamillet (d. 29 dekabr 2000, Mons, Belçika) və ya sadəcə Eliot — Belçikalı müğənni. O, "Wake Up" mahnısı ilə Belçikanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmişdir[2][3]. Eliotun Avroviziya səhnəsində ifa etdiyi mahnı 2017 Avroviziya Mahnı Müsabiqəsində Belçikanı təmsil etmiş Blanşın ifa etdiyi "City Lights" mahnısının bəstəkarı Pyerr Dumulin tərəfindən bəstələnmişdir.
| Eliot Vassamillet | |
|---|---|
 Eliot Vassamillet | |
| Ümumi məlumatlar | |
| Doğum adı | Eliot Vassamillet |
| Ləqəbi | Eliot |
| Doğum tarixi | |
| Doğum yeri | Mons, Belçika[1][2] |
| Vətəndaşlığı |
 Belçika |
| Musiqiçi məlumatları | |
| Fəaliyyəti | müğənni |
| Fəaliyyət illəri | 2018–h.h. |
| Janr | |
| Musiqi aləti | vokal |
 Vikianbarda əlaqəli mediafayllar | |
Eliot Vassamillet 29 dekabr 2000-ci ildə Belçikanın Mons şəhərində anadan olmuşdur. Eliot 17 yaşında ikən Belçikanın The Voice səs yarışmasında iştirak etmişdir.
2018-ci ilin yanvar ayında Eliot Belçikanın The Voice səs yarışmasının yeddinci mövsümündə dinləmələrdə iştirak etmişdir. İlkin dinləmədə Kodaline qrupunun "High Hopes" mahnısını ifa edən gənc Eliot Sliman Nebşinin komandasında yer alaraq, növbəti mərhələyə adlamışdır. Yarışmanın iştirakını uğurla davam edən Eliot on birinci hissədə münsiflərin seçimi ilə yarışmada iştirakını dayandırmışdır[2][3].
2019-cu ilin yanvar ayında Belçikanın RTBF telekanalı Eliotun Belçikanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil edəcəyini açıqlamışdır[3]. Onun Avroviziya səhnəsində ifa edəcəyi mahnı 2017 Avroviziya Mahnı Müsabiqəsində Belçikaya dördüncü yeri qazandıran bəstəkar Pyerr Dumulin tərəfindən yazılmışdır. Müsabiqədə Eliot yarımfinal mərhələsində 70 xal toplayaraq 13-cü yerdə qərarlaşmış və nəticədə finala yüksələ bilməmişdir.
- ↑ "Havré: fin de l'aventure The Voice pour Eliot". sudinfo.be. 2019-01-15 tarixində arxivləşdirilib. İstifadə tarixi: 2019-01-16.
- ↑ 1 2 3 "C'est officiel, Eliot représentera la Belgique à l'Eurovision". MSN. 2019-01-15 tarixində arxivləşdirilib. İstifadə tarixi: 2019-01-16.
- ↑ 1 2 3 "Belgium: Eliot Vassamillet Selected By RTBF For Eurovision 2019". 14 yanvar 2019. 2019-03-31 tarixində arxivləşdirilib. İstifadə tarixi: 2019-01-16.
| Əvvəlki: Sennek "A Matter of Time" |
Belçika Avroviziya Mahnı Müsabiqəsində  2019 |
Sonrakı: Hooverphonic |