Bu məqalədə heç bir məlumatın mənbəsi göstərilməmişdir. |
Bu məqalədə daxili keçidlərin artırılmasına ehtiyac var. |
Elgün İbrahimov 2025-ci ilin may ayında Gəncə şəhərində baş vermiş hadisə nəticəsində ölmüş 18 yaşlı məktəblidir. Onun ölümü Azərbaycanda geniş ictimai rezonansa səbəb olmuşdur. 2025-ci il mayın 12-də Elgün İbrahimov ağır vəziyyətdə Gəncə Dövlət Texnologiya Universitetinin tərk edilmiş yataqxanasında tapılmışdır. O, xəstəxanaya yerləşdirilməsinə baxmayaraq, bir gün sonra ölmüşdür.
Deyilənlərə görə, Elgün küçədə döyülmüş, gözləri çıxarılmış, qabırğaları sındırılmış və ciyərləri zədələnmişdir. Bəzi iddialara əsasən, o, binadan atılmış və ya üzərindən maşın keçirilmişdir. Hadisə ilə bağlı rəsmi qurumlar tərəfindən müxtəlif versiyalar irəli sürülmüşdür. Bəzi hökumətyönlü media orqanları Elgünün intihar etdiyini irəli sürsə də, ailəsi və yaxınları bu versiyanı rədd etmiş və onun qətlə yetirildiyini bildirmişdir.
Hadisə cəmiyyətdə böyük narazılıq doğurmuş və sosial şəbəkələrdə #Ədalətİstəyirik və #SəssizQalma kimi həştəqlərlə kampaniyalar başlamışdır. Elgün üçün ədalət tələb edən petisiyalar yaradılmış və minlərlə insan tərəfindən imzalanmışdır.
Baş Prokurorluğun nümayəndəsi Sabir Musayev ictimaiyyətə müraciət edərək Elgün İbrahimovun ölümü ilə bağlı hər hansı əsaslı məlumat və ya sübutu olan şəxsləri prokurorluğa müraciət etməyə çağırmışdır. O, dəqiqləşdirilməmiş məlumatların yayılmasının istintaqa maneə törətdiyini vurğulamışdır.
Elgün İbrahimovun ölümü ilə bağlı məsələ Milli Məclisdə müzakirəyə çıxarılmışdır. Deputatlar hadisənin şəffaf və obyektiv şəkildə araşdırılmasını tələb etmiş və gənclərə qarşı zorakılığın qarşısının alınması üçün tədbirlərin görülməsinin vacibliyini vurğulamışdırlar.
Bu səhifənin əlavə və ya daha spesifik kateqoriyalara ehtiyacı var. Xahiş olunur ki, səhifəni edərək uyğun kateqoriyaları yerləşdirəsiniz. (may 2025) |