Eldarzadənin türbəsi — Eldarzadə ailəsinə məxsus qəbirüstü abidə. Öz memarlıq həllinə görə diqqəti cəlb edir.
| Eldarzadənin türbəsi | |
|---|---|
 Eldarzadənin türbəsi (nekropol) Türbə | |
| Ölkə |
 Azərbaycan |
| Şəhər | Bakı |
| Yerləşir | Balaxanı |
| Aidiyyatı | AMEA |
| Tikilmə tarixi | 1915 |
| Vəziyyəti | Qənaətbəxş |
| Tipi | Mədəni |
| İstinad nöm. | 3219 |
| Kateqoriya | Türbə |
| Əhəmiyyəti | Yerli əhəmiyyətli |
 Vikianbarda əlaqəli mediafayllar | |
Türbənin üzərində də qeyd edildiyi kimi 1915-ci ildə tikilmişdir. Bəzi mənbələrdə tikintinin 1917-ci ildə başa çatdığı vurğulanır.
Türbə antik “yunan-roma” məbədi üslubunda tikilsə də, bu sırf simvolik xarakter daşıyır. Onun portalı və portal üzərində olan Quran ayələri və informativ şərq aləminə məxsus ornamentlər və yazılar bunu deməyə əsas verir. Yəni bütövlükdə ümumi kompozisiya şərq və qərb mədəniyyətinin memarlıq elementlərini özündə birləşdirir.
Kürsülüyün kəskin hündür olması sərt relyefli ərazidən xəbər verir. Memarın bu türbədə ən çox vurğulamaq istədiyi element giriş portalının yuxarı hissəsində olan akreterinin içərisindəki aypara və ulduzdur. Azərbaycanlı ailəyə məxsus bu türbə məhz aypara və ulduzla vurğulanmışdır.
Eldarzadə türbəsi Avropa memarlığına xas elementlərin yerli şərq memarlığına xas olan elementlərlə birgə, sintez şəklində inkişafının bariz nümunəsidir.