Bu məqaləni vikiləşdirmək lazımdır. |
Eldar İsmayılov Xankişi oğlu (1948, Ağdam) — Azərbaycan İdman Jurnalistləri Assosiasiyasının (AİJA) prezidenti, Azərbaycan Respublikasının əməkdar jurnalisti.[1]
| Eldar İsmayılov | |
|---|---|
| Doğum tarixi | |
| Doğum yeri | Ağdam |
| Fəaliyyəti | jurnalist |
Eldar İsmayılov 9 yanvar 1948-ci ildə Ağdam şəhərində ziyalı ailəsində dünyaya göz açıb. Orta məktəb illərində təsviri incəsənət, musiqi, poeziya sahələrində istedad və bacarığı ilə diqqəti cəlb edib. Üzeyir Hacıbəyov adına Ağdam Orta Musiqi Məktəbində təhsil alıb, qiyabi yolla Azərbaycan Dövlət Universitetinin (BDU) Jurnalistika fakültəsini bitirib.
Bir müddət Ağdam Şəhər 2 saylı Orta Məktəbdə rəsm və musiqi müəllimi işləyib. 1966-cı ilin oktyabr ayından 1977-ci ilədək Ağdamda çıxan "Lenin yolu" qəzeti redaksiyasında müxbir işləyib. Elə həmin ildən Azərbaycan Televiziyası ilə sıx əməkdaşlığa başlayıb, uzun illər televiziya efirində bir-birindən maraqlı, çoxsaylı süjet və proqramları ilə çıxışlar edib. 23 fevral 1979-cu ildə Azərbaycan SSR Dövlət Teleradio Komitəsinin Dağlıq Qarabağ Muxtar Vilayəti və ətraf rayonlar üzrə xüsusi müxbiri təyin edilib, 1991-ci ilin oktyabrına kimi bu vəzifədə çalışıb. Birinci Qarabağ Müharibəsinin iştirakçısıdır. O, həm də "Kommunist", "Azərbaycan gəncləri", "Sovet kəndi", "Bakinski Raboçi", habelə Moskvada nəşr edilən "Selskaya jizn", "Sovetskaya kultura", "Komsomolskaya pravda" qəzetlərində, həmçinin SSRİ-nin Mərkəzi Teleradiosunda çoxmilyonlu oxucuların və seyrçilərin görüşünə gəlib.1988-ci ildən Xankəndindən məcburi köçkündür. Eldar İsmayılov 1995-ci ildə Azərbaycan İdman Jurnalistləri Assosiasiyasını (AİJA) təsis edib və həmin vaxtdan bu təşkilatın prezidentidir. AİJA yarandığı vaxtdan Beynəlxalq İdman Mətbuatı Assosiasiyasının (AİPS) və onun qitə qurumu Avropa İdman Mətbuatı İttifaqının (AIPS EUROPE/UEPS) tam hüquqlu üzvüdür. Eldar İsmayılov Azərbaycan mətbuatı tarixində nüfuzlu beynəlxalq media təşkilatının rəhbərliyinə seçilmiş ilk jurnalistdir. O, 2010-cu ildə gizli səslə Avropa İdman Mətbuatı İttifaqı İcraiyyə Komitəsinin 12 üzvündən biri seçilmiş, 2017-ci ilədək bu postda olmuşdur. Onun təşəbbüsü və təşkilatçılığı ilə Azərbaycanda dəfələrlə beynəlxalq media tədbirləri, o cümlədən 2014-cü ildə Beynəlxalq İdman Mətbuatı Assosiasiyasının 77-ci Ümumdünya Konqresi keçirilmişdir. Bu konqresdə 112 ölkədən 250-dən artıq nümayəndə iştirak etmişdir. [2] [3]
- Milli Olimpiya Komitəsinin üzvü
- Mərkəzi iqamətgahı Londonda yerləşən və dünya idmanının "Oskar"ı kimi tanınan "LAUREUS" Dünya İdman Mükafatları təşkilatının həmtəsisçisidir.
- Avropa İdman Jurnalistləri İttifaqının (UEPS) üzvü
- Dünya İdman Jurnalistləri Birliyi (AİPS) üzvü[4]
Bu məqalədəki istinadlar müvafiq istinad şablonları ilə göstərilməlidir. |
- ↑ "AzərTAc". 2023-07-08 tarixində arxivləşdirilib. İstifadə tarixi: 2018-12-25.
- ↑ "AzərTAc". 2023-07-08 tarixində arxivləşdirilib. İstifadə tarixi: 2018-12-25.
- ↑ "Arxivlənmiş surət". 2023-07-08 tarixində arxivləşdirilib. İstifadə tarixi: 2020-12-12.
- ↑ "SÖZÜN İŞIĞINDAKI ADAM Eldar İsmayılovun 65 yaşına. Milli Olimpiya Komitəsi". 2017-04-11 tarixində orijinalından arxivləşdirilib. İstifadə tarixi: 2018-12-25.
AİJA prezidenti Eldar İsmayılovun 70 illik yubileyinə həsr olunan tədbir keçirildi