Elşad Qoca

Elşad Qoca oğlu İsayev 1959-cu ilin may ayının 2-də Qərbi Azərbaycanın (indiki Ermənistan, Noyemberyan) İncəsu rayonunun Yuxarı Körpülü kəndində müəllim ailəsində doğulub.^[1] 1976–1977-ci illərdə Yuxarı Körpülü kəndində fəhlə işləyib. 1966–1976-cı illərdə Yuxarı Körpülü kənd orta məktəbində oxumuşdur. 1977–1982-ci illərdə indiki Bakı Dövlət Universitetinin (keçmiş ADU) jurnalistika fakültəsini bitirib. 1982–1984-cü illərdə leytenant rütbəsində sovetlər birliyinin Sibir və Ural Hərbi Dairələrində vzvod komandiri, rota komandirinin müavini vəzifələrində hərbi xidmət keçib. Bir müddət həmin dairələrin "Boyevoye Znamya" və "Sovetskiy voin" qəzetləri ilə hərbi müxbir kimi yaxından əməkdaşlıq edib.

Uzun illər dövlət təhlükəsizliyi orqanlarında xidmət edib. I Qarabağ müharibəsi veteranıdır.

Əmək fəaliyyətinə "Kənd həyatı" jurnalında (1984–88-ci illər) müxbir kimi başlayıb. 1988–1990-cı illərdə "Pioner" (indiki "Günəş") jurnalında korrektor, ədəbi işçi vəzifələrində çalışıb. 1990–1991-ci illərdə "Səhər" qəzetinin müxbiri olub. 1991–1992-ci illərdə Azərbaycan Gənc Publisistlər və Poliqrafçılar Cəmiyyətində mədəni əlaqələr direksiyasının direktoru vəzifəsində işləyib. Döyüş bölgələrindən yazdığı reportajlara görə Respublika Həmkarlar İttifaqının təsis etdiyi mükafata layiq görülüb.

İlk mətbu əsərləri "Pioner" (indiki "Günəş"), "Göyərçin", "Mərhəmət", "Kirpi", "Azərbaycan qadını" jurnallarında, "Sovet Ermənistanı", "Sovet kəndi", "Molodyoj Azerbaydjana", "Vışka", "Sərhəd" qəzetlərində və "Vətən nəğməsi" almanaxında dərc olunub. Bəzi hekayələri rus və özbək dillərinə tərcümə edilib.

"Azərbaycanfilm" kinostudiyasının dublyaj redaksiyası ilə yaxından əməkdaşlıq etmiş, bir sıra bədii-kütləvi filmləri, o cümlədən uşaqların böyük maraqla baxdığı "Lenfilm"in istehsal etdiyi məşhur "Bumbo da gəldi" filmini dilimizə çevirmişdir.

• 1986-cı ildən Azərbaycan Jurnalistlər Birliyinin, 1999-cu ildən Azərbaycan Yazıçılar Birliyinin üzvü.
• "Günəş" uşaq jurnalının redaksiya heyətinin üzvü.
• "Hərbi mövzular üzrə ixtisaslaşmış Jurnalistlər" İctimai Birliyinin İdarə Heyətinin üzvü.
• Azərbaycan Yazıçılar Birliyinin hərbi vətənpərvərlik komissiyasının üzvü.

Ailəlidir, 2 övladı, 5 nəvəsi var.

• "Oğlum mənim, arxam mənim", (1998), nəsr-tərcümə kitabı, Bakı, "Şuşa" nəşriyyatı, 168 səhifə, 1000 nüsxə.
• "Cəllad etirafı" (1999), publisistika, Bakı, "Azərbaycan" nəşriyyatı, 232 səhifə, 500 nüsxə.
• "Sibir dərsi" (2000), publisistika, Bakı, "Şuşa" nəşriyyatı, 320 səhifə, 1000 nüsxə.
• "Azərbaycan təhlükəsizlik və xüsusi xidmət orqanları", (2000), elmi-publisistik və tarixi kitab, Bakı, "Şuşa" nəşriyyatı, 144 səhifə, 500 nüsxə.
• "Tariximiz və taleyimiz", (2001), elmi-publisistik və tarixi kitab, Bakı, "Şuşa", nəşriyyatı, 176 səhifə, 500 nüsxə.
• "Azərbaycan xüsusi xidmətləri", (2004), miniatür kitab, Bakı, "Şuşa" nəşriyyatı, 208 səhifə, 500 nüsxə.
• "Azərbaycan kəşfiyyatı və əks-kəşfiyyatı", (2018), tarixi-məlumat kitabı, Bakı, "Elgün" nəşriyyatı, 88 səhifə (azərbaycan, rus və ingilis dillərində), 500 nüsxə.
• "Yüz ilin işığında", (2018), tarixi-publisistik kitab, Bakı, DTX-nın nəşriyyat-poliqrafiya mərkəzi, 152 səhifə, 500 nüsxə.
• "Körpülüyə gəlirəm", (2018), tarixi-publisistik kitab, "Şuşa" nəşriyyatı, 68 səhifə, 500 nüsxə.
• "Gizli xidmətin sirləri" (rus dilindən tərcümə), (2001), Bakı, "Şuşa" nəşriyyatı, 208 səhifə, 500 nüsxə.
• "Ömrün 25 baharı və möhtəşəm məktəb", (2023), Bakı, "Şuşa" nəşriyyatı, 294 səhifə, 250 nüsxə.

• 1. "Qüsursuz xidmətə görə" medalının 1-ci dərəcəsi;
• 2. "Qüsursuz xidmətə görə" medalının 2-ci dərəcəsi;
• 3. "Qüsursuz xidmətə görə" medalının 3-cü dərəcəsi;
• 4. "Milli təhlükəsizlik orqanlarının 90 illiyi" yubiley medalı;
• 5. "Azərbaycan Respublikası Silahlı Qüvvələtinin 90 illiyi" yubiley medalı;
• 6. "Milli təhlükəsizlik orqanlarının 95 illiyi" yubiley medalı;
• 7. "Hərbi xidmətdə fərqlənməyə görə" medalının 3-cü dərəcəsi;
• 8. "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi" yubiley medalı;
• 9. "Alyans" xüsusi xidmət orqanları veteranlar birliyinin "Mehdi Hüseynzadə" medalı;
• 10. Azərbaycan Respublikası Dövlət Təhlükəsizliyi Xidmətinin "Fəxri Əməkdaşı" döş nişanı;
• 11. "Azərbaycan Respublikası Silahlı Qüvvələrinin veteranı" medalı.

• 1. Q.Əziz. İki “əla” qanadında, “525-ci qəzet” (02.05.2014);
• 2. Qardaşxan Əzizxanlı. Mənsur ballada, “Ədəbiyyat qəzeti” (27.04.2019);
• 3. Vasif Quliyev. “…Ya bir olar, ya iki”, “525-ci qəzet” (01.05.2019);
• 4. İlqar Quliyev. “Tanıdığım Elşad Qoca”, “Şərq qəzeti” (02.05.2019);
• 5. Seymur Seydayev. “Hamının dayısı”, “Redaktor.az” saytı (02.05.2019).