Elşad Nəsirov (1960, Bakı) — Azərbaycan Respublikası Dövlət Neft Şirkətinin Sərmayələr və Marketinq üzrə vitse-prezidenti.
| Elşad Nəsirov | |
|---|---|
| Elşad Mustafa oğlu Nəsirov | |
!["Bakı 2019: Ulduzlar Finalı" qarşılaşmasında Prezident İlham Əliyevlə görüş zamanı çəkilmiş foto[1]](/?q=Fayl:Elşad_Nəsirov.jpg) "Bakı 2019: Ulduzlar Finalı" qarşılaşmasında Prezident İlham Əliyevlə görüş zamanı çəkilmiş foto[1] | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Atası | Mustafa Nəsirov |
| Fəaliyyəti | ARDNŞ-nın vitse-prezidenti |
| Mükafatları |
 |
 Vikianbarda əlaqəli mediafayllar | |
Nəsirov Elşad Mustafa oğlu 1960-cı ildə Bakı şəhərində anadan olmuşdur. 1982-ci ildə Moskva Dövlət Beynəlxalq Əlaqələr İnstitutunu bitirmişdir. 1981-1982-ci illərdə SSRİ-nin Əfqanıstandakı səfirliyində, 1982-1985-ci illərdə SSRİ Elmlər Akademiyasının Şərqşünaslıq İnstitutunda, 1985-1989-cu illərdə SSRİ Xarici İşlər Nazirliyində müxtəlif vəzifələrdə çalışmışdır.
1989-1992-ci illər ərzində SSRİ-nin Hindistandakı səfirliyində işləmişdir. Azərbaycan müstəqillik əldə etdikdən sonra 1992-1995-ci illər ərzində Azərbaycan Respublikasının BMT yanındakı Daimi Nümayəndəliyində çalışmış[2], 1995-1997-ci illərdə Azərbaycan Respublikası Xarici İşlər Nazirliyi aparatında şöbə müdiri vəzifəsinə irəli çəkilmişdir. 1997-2003-cü illərdə Azərbaycan Respublikası Dövlət Neft Şirkətinin Xarici İqtisadi Əməliyyatlar İdarəsinin, 2003-2005-ci illərdə isə Marketinq və İqtisadi Əməliyyatlar İdarəsinin rəisi vəzifəsində işləmişdir.
Azərbaycan Respublikası Prezidentinin 28 dekabr 2005-ci il tarixli Sərəncamı ilə Azərbaycan Respublikası Dövlət Neft Şirkətinin Sərmayələr və Marketinq üzrə vitse-prezidenti vəzifəsinə təyin olunmuşdur.
2003-cü ildən Azərbaycan Futbol Federasiyaları Assosiasiyasının vitse-prezidentidir. 2010-cu ildə Prezident İlham Əliyevin Sərəncamı ilə "Şöhrət" ordeni ilə təltif edilmişdir.
Rus, ingilis, fars, hind dillərini bilir.
Bu məqalədəki istinadlar müvafiq istinad şablonları ilə göstərilməlidir. |
- ↑ İlham Əliyev "Bakı 2019: Ulduzlar Finalı" qarşılaşmasına baxıb Arxivləşdirilib 2021-10-16 at the Wayback Machine. president.az, 03.03.2019 (az.)
- ↑ "Bu şəkildəkilərdən biri indi nazirdir". 2013-02-09 tarixində arxivləşdirilib. İstifadə tarixi: 2013-02-06.
- "Elşad Nəsirov: "Mən "Neftçi"nin sahibi yox, AFFA-nın vitse-prezidentiyəm" - See more at". rekord.az (Azerbaijani). 10 November 2014 tarixində orijinalından arxivləşdirilib. İstifadə tarixi: 15 November 2014.